مختارات - أحمد فؤاد نجم - البتاع

[Edward Francis]

البتاع

ياللي فتحت البتاع
فتحت على مقفول
لأن أصل البتاع
واصل على موصول
فأى شيء في البتاع
الناس تشوف على طول
و الناس تموت فى البتاع
فيبقى مين مسؤول

**

و إزاى حتفتح بتاع
في وسط ناس بتقول
بأن هذا البتاع
جاب الخراب بالطول
لأن حتة بتاع
جاهل غبي مخبول
أمر بفتح البتاع
لإنه كان مسطول

**

و بعد فتح البتاع
جابوا الهوا المنقول
نكش عشوش البتاع
و هد كل أصول
و فات في غيط البتاع
قام سمم المحصول
و خلا لون البتاع
أصفر حزين مهزول

**

و ساد قانون البتاع
و لا علة و لا معلول
فالقاضي تبع البتاع
فالحق ع المقتول
و الجهل ساد في البتاع
و لا مقري
و لا منقول
و الخوف سرح في البتاع
خلا الديابة تصول

**

يبقى البتاع في البتاع
و الناس صايبها ذهول
و إن حد قال د البتاع
يقولوله مش معقول
و ناس تنام ع البتاع
و ناس تنام كشكول
وناس تعيش بالبتاع
و ناس تموت بالفول

**

آدي اللي جابه البتاع
جاب الخراب مشمول
لأن حتة بتاع
مخلب لراس الغول
باع البتاع بالبتاع
و عشان يعيش على طول
عين حرس بالبتاع
و برضه مات مقتول .




منقول
25 / 04 / 1984

[الشاعرمحمدأسامةالبهائي]

الأستاذ / إدوارد فرنسيس
نشكرك علي هذه المشاركة
للشاعر المصري ( الفاجومي )
أحمد فؤاد نجم
علم ورمز في تاريخ العامية المصرية
والذي نعتز بتاريخه وعطاءه طوال سنوات
عاشتها مصر وعاشها الشعب المصري وتحديات كبيرة

تقبل كل التحية وخالص الأحترام
الشاعر
محمدأسامة

[Edward Francis]

الإستاذ و الشاعر / محمدأسامةالبهائي

تحية

أنا كتبت المرجع الذي أخذت عنه القصيدة !
لماذا محوته يا سيدى الفاضل ؟ و أنت لم تسـتأذنني ؟

ثانيا
إسمي إدوارد فرنسيس وليس إندراوس

دمتم

Edward Francis

Montreal Canada
Le Lundi, Mai 07, 2007

[الشاعرمحمدأسامةالبهائي]

الأستاذ و الشاعر / محمدأسامةالبهائي
تحية
أنا كتبت المرجع الذي أخذت عنه القصيدة !
لماذا محوته يا سيدى الفاضل ؟ و أنت لم تسـتأذنني ؟
ثانيا
إسمي إدوارد فرنسيس وليس إندراوس
دمتم

Edward Francis
Montreal Canada
Le Lundi, Mai 07, 2007

الكريم الفاضل/ إدوارد (إدوارد فرنسيس )
معذرة علي تناول أسما غير أسمك إدوارد فرنسيس وهذا غير مقصود بالطبع
ولقد تداركت بالفعل التصحيح وقمت بالتعديل كما ستلاحظ علي المتصفح
وبالنسبة للمصدر
لم يكن موقعاً إلكتروبياً أو رابط للوصول إليه.
والمصدر هنا أسم لجريدة قامت بنشر القصيدة
والهدف لدينا لم تنعدم خاصيته فالقصيدة وكما تري تولينا تنسيقها وتقديمها بطريقة أفضل للقارئ
وأخيراً
ارجو أن تكون راضيا عن آدائنا ويسعدنا علي الدوام مشاركاتكم
ولا نحمل غير الجوانب الطيبة والخيرة وقلوبنا عامرة بالسلام والمحبة
ولذلك نتمني من كل الأخوة والأصدقاء الأخذ بجوانب الخير قبل التسرع بالحكم علينا
وأنا بصفة شخصية سعيد بتواجد حضرتك بيننا واهلا وسهلا نورت بيتك ومطرحك إدوارد

تقبل كل تحايا السلام والمحبة
محمدأسامة

[ايمان حمد]

:laugh:

مشاركة تحفة اول مرة اشوفها حقيقة ً

وفظيعة جدا ... اضحك الله سنك اخى ادوارد


و ساد قانون البتاع
و لا علة و لا معلول
فالقاضي تبع البتاع
فالحق ع المقتول
و الجهل ساد في البتاع
و لا مقري
و لا منقول
و الخوف سرح في البتاع
خلا الديابة تصول

هو فيه حد جايبنا ورا الا البتاع !!

تحيتى :good:

[مصطفى عبد الناصر]

أصل كلمة "البتاع" واستخداماتها اليومية :).. تعرفونه من خلال هذا البتاع (أ..أأ..أقصد الرابط)!!
خالص تحيتي وتقديري للجميع،،،
مصطفى


تفضلــــــــــــــــــــــــــــــــــــــــــــــ ـــــــــــــــــــــــوا (http://beidipedia.wikia.com/wiki/%D8%A7%D9%84%D8%A8%D8%AA%D8%A7%D8%B9#.D8.A7.D9.84. D8.A8.D8.AA.D8.A7.D8.B9_.D9.88_.D9.82.D8.B5.D9.8A. D8.AF.D8.A9_.D8.A3.D8.AD.D9.85.D8.AF_.D9.81.D8.A4. D8.A7.D8.AF_.D9.86.D8.AC.D9.85)

[أحمد المدهون]

بصراحة أنا سمعت قصيدة البتاع لأحمد فؤاد نجم على اليوتيوب.
الأداء غير شكل. ولا تتمالك نفسك عن القهقهة وأنت تسمعه.

تحياتي.