المساعد الشخصي الرقمي

مشاهدة النسخة كاملة : مُولد سيدى العريان


عمرو عبدالرؤوف
14/05/2007, 06:41 PM
مدد...
يا سيدى يا عريان
يللى انكشفت ألاعيبك
والمستخبى على إيدك بان ،
بركاتك ... يا مبروك يا مُبارك
يا حلو يا مسمْسمْ
جايلك من آخر الدّنيا
وعايز أتكلم
جايلك ...
وشايل روحى على كتافى
وإيه يعنى لو تغضب ؟
منا كده كده "حافى "
كده كده " مسجون "
كده كده " مطحون "
كده ماتت أمانيا
واليأس تبّت فيّا ...
وتد عافى ،
زمان ...
سدّيتلى بُقّي بالسد العالى
دلوقتى ...
مفيش ف إيدك حاجه
تقطع بيها لسانى
لسانى ...
أطول من المترو
وكلامى ...
أكتر من ميّه توشكى
ونجمى، أعلى من قمرك !
مين قالك ؟
إنى خايف
الخوف من كتر الخوف ...
مبقاش يخوّف
وأرنبتك، إللى بتولد خُرسْ
بتطلت يا سيدى تخلّف
خلاص
مُولد وقرّب ينتهى
وكله بيلحق فى حبّت الحُمّص
وكله هيطلع ف النهايه
بلا حُمّص
د. فوزى ابودنيا
14/05/2007, 08:54 PM
اخى عمرو الفكرة جميلة
كنت بحاجة التى التركيز قليلا حتى لاتهدر مجهودك
مرحلة التخمر لم تكتمل
لكن اعمالك الاخيرة تنباء بشاعر جيد بالفعل
:fl:
محبتى لك
عمرو عبدالرؤوف
15/05/2007, 02:24 AM
د. فوزى أبو دنيا

سعيد بنقدك وتنبؤك
بالفعل يبدو اننى لازلت متأثرا بالاسلوب الحداثى وانا أحاول التخلص منه نهائيا
ليتنى اتمكن من العامية وانا أحاول فعل ذلك
فالعامية أشعر انها تعطينى مساحة أكبر من الفصحى

شكرا استاذنا الكبير
ولا تحرمنا من مرورك العطر

خالص محبتى وتقديرى