عايز تعرف؟

[سيدة الشولي]

:don't:
أ قولك
ع اللي رفاقي قالوه
لما شافوك؟

عملوا حكاية
وإتهموني
يووه ...يوووه ..يووووه

أمسك....أظبط
ده اللي مخا يلك؟!
وعن أصحابك بتخبيه؟!!
إحنا عرفنا
من نظراته
هو اللي عيونه..... فضحوه

فجأة ..أتسمر قدام منك
ولا شاف جنبك..
مين وياكى
ولا شاف جنبك
مين رصدوووه

قالوا دا حكاية
وشايفك آية
عينيه بتقول
يووو
ومشاعره خانوووه

بتُوقعى ؟!
آه منك آه
دايماً.. واقفه!!!
وإختياراتك
عاقلة و راسية

طَبْ الشاب
بنظره ف حبك
وعيونك يا دواهي.. خدووه

عايز تعرف
إيه اللي قالوهلىِ
لما شفوك؟

أنت عاجبهم أكتر منى
وخايفه
البُعدا يكونو حبوك!!!
ولا عيونهم
خنقت حبي
قبل ما يبدء أو قصفوه

أسمع منى
دارى جمالك
لتضيع منى
كيد الغيرة ده
ملعون.. أبووووه
-----
تحياتى
سيدة الشولى

[عمرو عبدالرؤوف]

أنت عاجبهم أكتر منى
وخايفه
البُعدا يكونو حبوك!!!
ولا عيونهم
خنقت حبي
قبل ما يبدء أو قصفوه

جمييل

استاذة سيدة

اسمحيلى اقولك رأيى المتواضع

فكرة جميلة ونص رائع

استخدمتى كلمات فصحى بيسموها الفصحه الدارجة ودى عامتا بتعلّى النص وبترفع من قيمته وهى عملت كده فعلا
ولكن مش كلها علّت النص
النص فى احتياج الى توحيد اللغة
مثلا

ع اللي رفاقي قالوه
لما شافوك؟
انا شايف (( رفاقى )) عملت اضطراب هنا


لكن النص جميل جدا وانا بحييك عليه وفيه كلام جديد

ونفسى اعرف هما قالوا عليه ايه بالظبط ؟؟؟ :)

شكرا لطرحك الجميل وأتاحة الفرصة لتناوله

تقبلى تحيتى وتقديرى استاذتنا الرائعة / سيدة الشولى

[سيدة الشولي]

السلام عليكم ورحمة الله وبركاته
أخى عمرو
أشكر لك ثناءك الطيب على الموضوع
خاصة وهومتضمن لتحليل إيجابى أستمد منه
التقدم بإذن الله
وأضعه بعين الإعتبار
دمت
تقبل تحياتى
أختك
سيدة الشولى