بيسألونــــــــــــــــــي ليــــــــــــــــــه

[مراد الساعي]

بيسألوني ليه


كفايه عليّ زماني = يا حبيبي ليه تتعبني
لا هوّ فيوم هنّاني = ولا انت فْيوم تسعدنيْ
إنت وَهوّ عليّ = حرّمتوا النوم بعنييّ
إيه آخْرتْهَا يا قلبي = قَدري ، وَ موش بإيديّ
كفايه عليّ زماني = يا حبيبي ليه تتعبني
حاولتْ كتير وَيّاك = لِيلهْ تنسى أساكْ
وَاخْلِصْ أنا بِهواكْ = بعيدْ أو كُنتْ معاكْ
وَلمّا ألقى رضاكْ = ساعهْ بجنّة حُبكْ
أرجعْ تاني القاكْ = تِحنْ لأيامْ ظُلمكْ
كفاية عليّ زماني = يا حبيبي ليه تتعبني
مَعرفشْ ليهْ أوقاتْ = تتغيرْ كدهْ أَحوالكْ
نشرب م الحُبْ كاساتْ = وَلا احسْ ليهْ بحنانكْ
ولمّا تبعدْ عنّي = تِرجعْ تشتاق منْ تاني
تتمنى ساعه بقربي = أو رمشة عيني ثواني
كفايه عليّ زماني = يا حبيبي ليه تتعبني
لكن يا عيوني أنا = بِيْنْ الْعذابْ والْهنا
إنْ طال بيّ الضنا = تلقاني بَحبكْ انا
وبيسألوني ليه = أتحمّلْ كلْ دا ليهْ
قُلتْلهم أعمل إيهْ = وَباخاف منْ النْسمه عليهْ
كفايه عليّ زماني = يا حبيبي ليهْ تتعبني
ومهما أقولْ واعيدْ = قلبي حُبّه يِريدْ
دا إن غاب عنّي يوم = عِيني ما تشوف النوم
وانْ رُحتْ مِنه شكيتْ = أو حُبه مرّه داريتْ
مش معناها خلاص = من حُبه انا مليّتْ
بُكره مِسِيرُه يتغير = ونِنسى أي عذاب
دا بقلبه حُب أكبر = مِنْ حُب كتير أحبابْ


.........

شعر// مراد الساعي