المساعد الشخصي الرقمي

مشاهدة النسخة كاملة : حابى


سعيد حامد شحاتة
26/05/2007, 12:56 AM
حابى

__________

حابى اتقتل

خبر الفجيعة ملى الجرايد والبيوت

والنخل زعق فى السما

حابى اتقتل وازاى يموت؟

كل البلد لمت دموعها ف كمها

والحزن باس الخضرة بسنانه الغبيةوضمها

عاود يعلق فى الرقاب طوقه الحديد

والناس مشت فى الليل

تخبط فوق بيبان الأوليا

يمكن يحنو وحابى ينطق من جديد

والعيد وصل لبلدنا لكن رجعوه

وقالولوا فوت بعدين علينا يا عم عيد

رفرف جناحه وعبى فرحه ف مخلته

وكتب على جدور النخيل

من قبل اعلان هجرته

لازم هييجى اليوم وأعود

جايز يبص لكم نهار

ورحل وساب القلب بين أحزان ونار

وجريت أدور فى البلد مش لاقى دار

مش لاقى غيرحبة حزانى مدمعين

عيطت لكن م الفرح

فرحان بدمعك يابلد

وقت الهزيمة ولنكسار

فرحان عشان هنكون أكيد

تحت العلم ايد حاضنة إيد

واحدة بتطلع م الشمال

والتانية جاية من الصعيد

فرحان وهمك يا بلدنا عنكبوت

داير بينسج ف الخيوط

وآتون كبيرنا بيترعش

حابى اتقتل وإزاى يموت؟

فبعت مكتوب السكات

قلت الوطن كان يوم ومات

سمعت كلامى الأهرامات

خوفو انتبه من غفوته

وطلع وأعلن كلمته

وصرخ بصوت كل البلد

جرد سلاحك يا ولد

وأرفض من الغربال تفوت

جردت سيفى بفرحتى

ومشيت أغنى لدولتى

لازم هتتحل القيود

حابى اتنفض جوا التابوت

وطلع وردد عنوتى

ووراها كام موال طويل

وصرخ بصوت كل البلد

يا شعب مش لازم تميل

وان ملت يوم البس ملس

واياك تقول انت ابن نيل
الشاعرمحمدأسامةالبهائي
26/05/2007, 06:03 AM
أخي الفاضل
سعيد حامد شحاته

كل يوم بيعدي علينا ولك طعم ومذاق مادقتوش

واوقات كثيرة أشعر بأنك بداخلك بركان لثورة

وبتلم شعر البنات اللي أتبعتر م الزمن المنكوش

وماسك بايدك توب العفة لأجل ماتستركل عورة

ـــــــــــــــــــــــــــ
قول ياسعيد وكمل مسرتك

لسه الأمل طالل علينا وجاي

لأجل مايحيي ميت ويسعد الحي

ـــــــــــــ

أشكرك لهذا البوح وأتمني لك كل التوفيق دائما
أخيك
محمدأسامة
سعيد حامد شحاتة
27/05/2007, 06:03 PM
أخي الفاضل
سعيد حامد شحاته

كل يوم بيعدي علينا ولك طعم ومذاق مادقتوش

واوقات كثيرة أشعر بأنك بداخلك بركان لثورة

وبتلم شعر البنات اللي أتبعتر م الزمن المنكوش

وماسك بايدك توب العفة لأجل ماتستركل عورة

ـــــــــــــــــــــــــــ
قول ياسعيد وكمل مسرتك

لسه الأمل طالل علينا وجاي

لأجل مايحيي ميت ويسعد الحي

ـــــــــــــ

أشكرك لهذا البوح وأتمني لك كل التوفيق دائما
أخيك
محمدأسامة

____________________________
تاهت معالم خطوتك نوبة
تاهت معالم خطوتى نوبتين
لا عنيكى كانت قبة الصخرة
ولا كنت أنا الناصر صلاح الدين
__________
أستاذى العزيز
تصدق ردك على القصيدة بيكون أجمل منها
تحياتى ومودتى وحبى
سعيد:vg:
د. فوزى ابودنيا
28/05/2007, 05:02 PM
السلام عليكم ورحمة الله وبركاته

اخى الفاضل الاستاذ سعيد

حقيقى كلمات مميزة لشاعر مميز بالفعل

لا املك الا ان اقول لك
تحياتى وتقبل مودتى
سعيد حامد شحاتة
28/05/2007, 08:50 PM
السلام عليكم ورحمة الله وبركاته

اخى الفاضل الاستاذ سعيد

حقيقى كلمات مميزة لشاعر مميز بالفعل

لا املك الا ان اقول لك
تحياتى وتقبل مودتى
___________________
دمت رائعا د- فوزى
ردك يشبه الضمادة
التى تمر على الجرح فتهب له السكون
تحياتى
سعيد
سعيد حامد شحاتة
15/06/2007, 01:23 AM
أشكر ردودكم الجميلة
تحياتى
سعيد
الشاعرمحمدأسامةالبهائي
16/06/2007, 07:15 AM
أخي الأستاذ سعيد حامد
أين أنت ياسيدي ؟؟
واحشتنا أخي الفاضل ووحشتنا مداخلاتك الجميلة

هذه أخر قصيدة كتبتها

قصر مله أبو نظرة عين
ــــــــــــــــــــــ
إلي شخص غير مرغوب فيه ومطرود من عشرات المواقع

شيح وفسوخة وفص لبان
الحلق أدوه للي بلا ودان
لموا الخايب علي الدهلان
ماتقولش يمام دا أبو الغربان
فتحوا القمقم لقو تعبان
قاموا طالعين جري علي رفاعي
هو يعزم واحنا نعزم
جالنا الهم الجو أتأزم
قمت شاورت عليه بصباعي
حقي أنا ها أخده ياناس بدراعي
واشفي غليلي من أوجاعي
مش ناقصين تعابين وافاعي
هاخلي السر بيني وبين أتباعي
الخير بين والشر بين وكل الدواعي
نفسر ياخلق هوووو ، ولا . ، مفيش داعي

هاتجيلنا أيام نشوفك في لمة كبيرة
ولايمكن تاخدك الأخادة لحته بعيدة
فتحت علي نفسك فاتوحة ومش قدها
دأنت مش قد الشعرا وعندها
فضايحك مالية الدنيا ومُصر تمدها
تقول قصاص تقول لاباص
دأنت وقعت أدشدشت يابلاص
المش ابو دوده بيشغي يابو دبابير أنشاص
تماحيك الفاضي وقال أدباتي أتباع باص السفر
والذنب في حق شخصي قسماً لن يغتفر
قصر ملة ولا قصر طول ونظر يابو لسان متعاص
روح شوف لك باص ياخدك بعيد عننا
معرض وروحك هاتطلع بعيد عننا
مين اللي حط النقطة ياخونا فوق المعرضين الدواعي
مش ناقصين تعابين وافاعي
هاخلي السر بيني وبين أتباعي
الخير بين والشر بين وكل الدواعي
نفسر ياخلق هوووو ، ولا . ، مفيش داعي

ـــــــــــــــــــــ
الشاعر
محمدأسامةالبهائي
سعيد حامد شحاتة
18/06/2007, 12:25 AM
دأنت مش قد الشعرا وعندها
فضايحك مالية الدنيا ومُصر تمدها
تقول قصاص تقول لاباص
دأنت وقعت أدشدشت يابلاص
_______________
فى زمن كثر فيه عدد البلاليص
لا يمكن لنا الا أن نقاتلهم حتى يرفعوا كل شعارات ((الجبنة الحادقة))
ههههههههههههههههه
جميلة يا دكتور أسامة
بس كان نفسى أعرف البلاص ده علشان آخد على خاطرى منه
بس بجد القصيدة طعمة طعمة طعمة
لأنها من شاعر طعم زى حضرتك
تحياتى لك
ومش للبلاليص