سلفني عكازك قصيدة عبد الناصر حجازى

[الشاعرمحمدأسامةالبهائي]

سلــّـفني عكازك
ــــــــــــــ
سلّفني عكازك
أحسن نسيت رجلي …
على سرير المرض ،
ونفسى اكون فى الوقت دا جنبك
أنا الحبيب اللى الضباب توّهنى عن قلبك
واقف باراقبك .. من بعيـــــــد
شايفك … وحيد ،
راكب حصان القادسية تآزر " الخنساء " ،
بدمك البنّور بتروى كربلاء ،
و تناول السيف للحسين
من غير ما تسال عنى فين ،
مستكفى بالدم اللى خارج من وريدك ،
حالف ما تكتب غير بإيدك للوطن مواويل ،
و بتخطف الراية من الإيد اللى عاجزة تشيل
وبتجرى خلف الموت ،
واما الوطن اصبح سجين محتل ..
عملت من جتت الحبابيب تل ..
ووقفت فوقه تشد بالعكاز خيوط فجرك
ماهو انت بالعكاز سبقتنا كلنا ،
ورحت تطلب للشجر إيد الربيع
رافض تبيع وردك لتجار الحطب ،
رافض تكون الا العراقى ،
رافض شعار مات الفدائى ..
طول ما انت غارس للوطن جدر الحياه ،
طول ما انت واهب للمدن دمك سبيل
ووشوشنا لما هتترسم ع الغيم ..
هتبقى انت الجميل ،
انت اللى خالى من العكارة ،
انت اللى بتحطم تماثيلنا الحجارة ،
انت اللى رافض من زمان تبيع عزالك ف المزاد ،
وفضلت تتمرّغ فى دمك ..
وانت حاضن بالقوى بغداد
شايل فى قلبك حلمها ..
وماشى تعرج ع الخريطة تلمّها،
وتكتب لها بدمك نشيد
واقف براقبك من بعيد
وعشان ما تحرجنيش عاطينى تمللى ضهرك
بس صدقنى انى شايل نص قهرك ،
وانت شايف كام مراقب ع الحدود..
مانعيننى ادحرج لك مشاعرى ف قنبلة،
مانعيننى احط عنيّا ف سلاح العروبة( طلقتين )
بينى .. وبينك .. خطوتين
بس القانون حاططلى فيهم ميت لغم ،
ومش هعدى سليم بدون ما تجيب لى عكازك
سلفنى عكازك ..
أدوس به ع الألغام واعديلك
ينوبنى من نخلك شوية خوص ،
ينوبنى من وردك تقاوى عبير ،
يبقالى ( آية ) فى ( سفر ) إنجازك
سلفنى عكازك
أمشيبه لو خطوة
أحسن مكان رجليّا عطّن م الوقوف
اسلخنى من جلدى اللى مات ،
قشّر مشاعرى …
تلقى جوّاها المدافع ،
تلقى قلبى فى الحصار واقف يدافع …
عن النخلة اللى طارحة المجد
دمك فى ساحات " الخليج " ..
سايل على افخاد العروبة
و فرخة اخواتك فى يوم جوعك …
ما باضتش غير طوبة
فـ ربطت فوق بطنك بارود ،
ومشيت تلملم جتتك
مش لاقى إيد تتمدّ لك ..
و تناولك اللحم المبعزق ع الهدوم ،
وقعت و بترجع تقوم ،
وتشد روحك من إيدين الدوّامات
و نصّك التحتانى مات ..
لكن بتزحف عالإزاز ،
و تشبّ فوق كتف السما ،
تكتب بضلع ابنك سطور الملحمة ،
و تشدّ عصفور الوطن …
من بين سنان وحش الفلا
واقف لوحدك فى الخلا ،
والوحش جارر ألف كلب وراه
بيسلّطوا المدفع …قبال الله ،
ونا لسه واقف ع الحدود ،
راشق مشاعرى ف شاشة التلفاز ،
و نفسى اجيلك… إنما …
أجيب منين … " عكاز "

ــــــــــــــــــــــــــ
الشاعر
عبد الناصر حجازي






.

[سها محمد]

واقف لوحدك فى الخلا ،
والوحش جارر ألف كلب وراه
بيسلّطوا المدفع …قبال الله ،
ونا لسه واقف ع الحدود ،
راشق مشاعرى ف شاشة التلفاز ،
و نفسى اجيلك… إنما …
أجيب منين … " عكاز "

قبال الله؟ ازاي يعني؟

لكن العكاز موجود للي يدور عليه يلاقيه
وماحدش ماسك بهدومه يمنعه يوافيه
لكن إحنا بقى عايزين نكون للعدا عكاز
لما الهزيمة تمتلي فينا وتصبح لنا درباز

طبعًا مش هصل لنقطة فبحرك سيدي الشاعر محمد أسامة البهائي..

[الشاعرمحمدأسامةالبهائي]

واقف لوحدك فى الخلا ،
والوحش جارر ألف كلب وراه
بيسلّطوا المدفع …قبال الله ،
ونا لسه واقف ع الحدود ،
راشق مشاعرى ف شاشة التلفاز ،
و نفسى اجيلك… إنما …
أجيب منين … " عكاز "

قبال الله؟ ازاي يعني؟

لكن العكاز موجود للي يدور عليه يلاقيه
وماحدش ماسك بهدومه يمنعه يوافيه
لكن إحنا بقى عايزين نكون للعدا عكاز
لما الهزيمة تمتلي فينا وتصبح لنا درباز

طبعًا مش هصل لنقطة فبحرك سيدي الشاعر محمد أسامة البهائي




الله يحفظك
اختي الجميلة
سها
ويبارك لك
هذه القصيدة لصديقي الشاعر عبد الناصر حجازي
وهنا مداخلتك منحتنا الشرف وبناء عليه انفعلت معها
هكذا فتقبلي من أخيك كل التحية

واقف لوحدك فى الخلا ،
الوحش جارر ألف كلب وراه
متسلطين علي خلق الله ،
ونا لسه واقف ع الحدود ،
راشق مشاعرى ف شاشة وفضائيات
باستني الاقي حلمي بالايدين ممدود،
و نفسى اجيلك… إنما …
أجيب منين … " عكاز "

العكاز موجود واللي يدور يندهه
ماحدش يمنع اللي ماسك علي مبدأه
وإحنااللي بنخرج للعدا ماليانين ألغاز
عكازالهزيمة كسر فينا ميت عكاز
و نفسى اجيلك… إنما …
أجيب منين … " عكاز "

[الشاعرمحمدأسامةالبهائي]

:fl:
سلفني عكازك
قصيدة
الشاعر عبد الناصر حجازي
بالعامية المصرية
:fl: :fl:

[الشاعرمحمدأسامةالبهائي]

قصر مله أبو نظرة عين
ــــــــــــــــــــــ
إلي شخص غير مرغوب فيه ومطرود من عشرات المواقع

شيح وفسوخة وفص لبان
الحلق أدوه للي بلا ودان
لموا الخايب علي الدهلان
ماتقولش يمام دا أبو الغربان
فتحوا القمقم لقو تعبان
قاموا طالعين جري علي رفاعي
هو يعزم واحنا نعزم
جالنا الهم الجو أتأزم
قمت شاورت عليه بصباعي
حقي أنا ها أخده ياناس بدراعي
واشفي غليلي من أوجاعي
مش ناقصين تعابين وافاعي
هاخلي السر بيني وبين أتباعي
الخير بين والشر بين وكل الدواعي
نفسر ياخلق هوووو ، ولا . ، مفيش داعي

هاتجيلنا أيام نشوفك في لمة كبيرة
ولايمكن تاخدك الأخادة لحته بعيدة
فتحت علي نفسك فاتوحة ومش قدها
دأنت مش قد الشعرا وعندها
فضايحك مالية الدنيا ومُصر تمدها
تقول قصاص تقول لاباص
دأنت وقعت أدشدشت يابلاص
المش ابو دوده بيشغي يابو دبابير أنشاص
تماحيك الفاضي وقال أدباتي أتباع باص السفر
والذنب في حق شخصي قسماً لن يغتفر
قصر ملة ولا قصر طول ونظر يابو لسان متعاص
روح شوف لك باص ياخدك بعيد عننا
معرض وروحك هاتطلع بعيد عننا
مين اللي حط النقطة ياخونا فوق المعرضين الدواعي
مش ناقصين تعابين وافاعي
هاخلي السر بيني وبين أتباعي
الخير بين والشر بين وكل الدواعي
نفسر ياخلق هوووو ، ولا . ، مفيش داعي

ـــــــــــــــــــــ
الشاعر
محمدأسامةالبهائي

[زاهية بنت البحر]

هاتجيلنا أيام نشوفك في لمة كبيرة
ولايمكن تاخدك الأخادة لحته بعيدة
فتحت علي نفسك فاتوحة ومش قدها
دأنت مش قد الشعرا وعندها
فضايحك مالية الدنيا ومُصر تمدها
تقول قصاص تقول لاباص
دأنت وقعت أدشدشت يابلاص
المش ابو دوده بيشغي يابو دبابير أنشاص


مين الشخص ده ممكن أعرفه ؟ ياحرام حزنت عليه ، داانت جبت خبره ياخي محمد وماحدش صلى عليه
ربنا يرحمه بقى ويصلح مابينكما .ماشاء الله إنت شاعر وقادر ياالشاعر محمدأسامة البهائي ،بارك الله بك ورعاك
أختك
بنت البحر

[الشاعرمحمدأسامةالبهائي]

هاتجيلنا أيام نشوفك في لمة كبيرة
ولايمكن تاخدك الأخادة لحته بعيدة
فتحت علي نفسك فاتوحة ومش قدها
دأنت مش قد الشعرا وعندها
فضايحك مالية الدنيا ومُصر تمدها
تقول قصاص تقول لاباص
دأنت وقعت أدشدشت يابلاص
المش ابو دوده بيشغي يابو دبابير أنشاص


مين الشخص ده ممكن أعرفه ؟ ياحرام حزنت عليه ، داانت جبت خبره ياخي محمد وماحدش صلى عليه
ربنا يرحمه بقى ويصلح مابينكما .ماشاء الله إنت شاعر وقادر ياالشاعر محمدأسامة البهائي ،بارك الله بك ورعاك
أختك
بنت البحر

الجميلة الرقيقة المؤمنة
زاهية بنت البحر
أشرقتي وأشرقت الأنوار
وأشكرك علي هذه الشهادة والتي ستظل وساماً علي صدري وتاجاً يانعاً علي رأسي ماحييت العمر كله
واعرف حضرتك بأنني قمت بنشر هذه القصيدة بمختلف المواقع التي كان ( المذكور )عضواً بها وطرد منها وكذلك المواقع التي مازال يتردد عليها وأرسلتها لمن يعرفونه ولأصدقائي ومن غير تحديد اسماء القصيدة تعبر عن شخصيته .. ، .. ــ ومحمد أسامة الذي ظل محافظاً علي أحترامه للناس كافة ويقدم لهم الخدمات في مجال الأدب ويأتي مثل هذا الدخيل ممن يدعون علينا انهم من زمرة الأدباء والمثقفين ونقبله ثم يتطاول ويتجاوز حدوده ، فلابد لنا من وقفة معه وهذه هي البداية وستستمر الحملة عليه حتي يخرج معتذراً عذراً نقبله ونوافق عليه فهو وضع نفسه في موضع لا يحسد عليه والساحة موجودة ، والشعر ، والقلم .
وتبقي الأجابة لحضرتك بالقصيدة إن ماتمعنتي وراء الكلمات الصوتية ستعرفينه فجميع زملائي الأدباء عرفوه وتبادلنا الرسائل فيما بيننا علي هامش إبداعاتنا.
ومن ؟ يحزن علي شخص كره فيه طوب الأرض ؟ ولسانك حصانك إن صنته صانك ـ ومن فتح علي نفسه الهويس يتحمل تدفق المياه ، ولدينا من الأمثال الشعبية أيضا مثل يقول ( اللي يعمل نفسه قنطرة يستحمل الدوس ) .
فتحوا القمقم لقو تعبان
قاموا طالعين جري علي رفاعي
هو يعزم واحنا نعزم
جالنا الهم الجو أتأزم
قمت شاورت عليه بصباعي
حقي أنا ها أخده ياناس بدراعي
واشفي غليلي من أوجاعي
مش ناقصين تعابين وافاعي
هاخلي السر بيني وبين أتباعي
الخير بين والشر بين وكل الدواعي
نفسر ياخلق هوووو ، ولا . ، مفيش داعي
ـــــــــــــــــــــ
نشكرك أختنا الغالية زاهية ونشكر لك تواصلك ومتابعتك الواعية لساحة الشعر العامي
تقبلي بكل المودة والمحبة تحيتي وكل الأحترام
اخيك
محمداسامة

[الشاعرمحمدأسامةالبهائي]

سلــّـفني عكازك
ــــــــــــــ
سلّفني عكازك
أحسن نسيت رجلي …
على سرير المرض ،
ونفسى اكون فى الوقت دا جنبك
أنا الحبيب اللى الضباب توّهنى عن قلبك
واقف باراقبك .. من بعيـــــــد
شايفك … وحيد ،
راكب حصان القادسية تآزر " الخنساء " ،
بدمك البنّور بتروى كربلاء ،
و تناول السيف للحسين
من غير ما تسال عنى فين ،
مستكفى بالدم اللى خارج من وريدك ،
حالف ما تكتب غير بإيدك للوطن مواويل ،
و بتخطف الراية من الإيد اللى عاجزة تشيل
وبتجرى خلف الموت ،
واما الوطن اصبح سجين محتل ..
عملت من جتت الحبابيب تل ..
ووقفت فوقه تشد بالعكاز خيوط فجرك
ماهو انت بالعكاز سبقتنا كلنا ،
ورحت تطلب للشجر إيد الربيع
رافض تبيع وردك لتجار الحطب ،
رافض تكون الا العراقى ،
رافض شعار مات الفدائى ..
طول ما انت غارس للوطن جدر الحياه ،
طول ما انت واهب للمدن دمك سبيل
ووشوشنا لما هتترسم ع الغيم ..
هتبقى انت الجميل ،
انت اللى خالى من العكارة ،
انت اللى بتحطم تماثيلنا الحجارة ،
انت اللى رافض من زمان تبيع عزالك ف المزاد ،
وفضلت تتمرّغ فى دمك ..
وانت حاضن بالقوى بغداد
شايل فى قلبك حلمها ..
وماشى تعرج ع الخريطة تلمّها،
وتكتب لها بدمك نشيد
واقف براقبك من بعيد
وعشان ما تحرجنيش عاطينى تمللى ضهرك
بس صدقنى انى شايل نص قهرك ،
وانت شايف كام مراقب ع الحدود..
مانعيننى ادحرج لك مشاعرى ف قنبلة،
مانعيننى احط عنيّا ف سلاح العروبة( طلقتين )
بينى .. وبينك .. خطوتين
بس القانون حاططلى فيهم ميت لغم ،
ومش هعدى سليم بدون ما تجيب لى عكازك
سلفنى عكازك ..
أدوس به ع الألغام واعديلك
ينوبنى من نخلك شوية خوص ،
ينوبنى من وردك تقاوى عبير ،
يبقالى ( آية ) فى ( سفر ) إنجازك
سلفنى عكازك
أمشيبه لو خطوة
أحسن مكان رجليّا عطّن م الوقوف
اسلخنى من جلدى اللى مات ،
قشّر مشاعرى …
تلقى جوّاها المدافع ،
تلقى قلبى فى الحصار واقف يدافع …
عن النخلة اللى طارحة المجد
دمك فى ساحات " الخليج " ..
سايل على افخاد العروبة
و فرخة اخواتك فى يوم جوعك …
ما باضتش غير طوبة
فـ ربطت فوق بطنك بارود ،
ومشيت تلملم جتتك
مش لاقى إيد تتمدّ لك ..
و تناولك اللحم المبعزق ع الهدوم ،
وقعت و بترجع تقوم ،
وتشد روحك من إيدين الدوّامات
و نصّك التحتانى مات ..
لكن بتزحف عالإزاز ،
و تشبّ فوق كتف السما ،
تكتب بضلع ابنك سطور الملحمة ،
و تشدّ عصفور الوطن …
من بين سنان وحش الفلا
واقف لوحدك فى الخلا ،
والوحش جارر ألف كلب وراه
بيسلّطوا المدفع …قبال الله ،
ونا لسه واقف ع الحدود ،
راشق مشاعرى ف شاشة التلفاز ،
و نفسى اجيلك… إنما …
أجيب منين … " عكاز "

ــــــــــــــــــــــــــ
الشاعر
عبد الناصر حجازي