المساعد الشخصي الرقمي

مشاهدة النسخة كاملة : تــــــــــوتـــــــــــو الـكـــــــــــذاب


NAJJAR
24/09/2007, 04:40 PM
توتو الكذاب
الناس بيقولوا ليه كذاب
أنا عمرى كذبت عليكو يا صحاب؟
لأ الللأ

أنا جدو الحج حداه أطيان
وكمان عمارات ووخيول وكلاب
وبابا حداه طيارة بتطير، ودا سر خطير
لو قلتو لحد يقولو كذاب
وكمان أنا شفت حاجات وحاجات
وخايف أقول لتقولو كذاب
هاتقولوا كذاب؟
لأ الللأ
أنا شفت النملة ويَّا الفيل على شط النيل عاملين خُطَّاب
يبقى أنا كذاب؟
لأ الللأ
أنا شفت زرافة بكل لطافة وخداها ثقافة وبتقرا كتاب
يبقى أنا كذاب؟
لأ الللأ
أنا شفت حمارة سايقة الطيارة وتنادى يا الله يا أصحاب
يبقى أنا كذاب؟
لأ الللأ
أنا شفت نموسة ساحبة جموسة وداخلة بيها من تحت الباب
يبقى أنا كذاب؟
لأ الللأ
أنا شفت الثعلب وييا الديك والقط معاه وكمان الفار بيقولوا أحباب
يبقى أنا كذاب؟

طبعاً كذاب
يالله يا كذاب.. يالله يا كذاب.. يالله ياكذاب
حنين حمودة
24/09/2007, 09:52 PM
أحلى كذاب!
أظرف كذاب!!
أهذا كذب أم خيال؟
كيف تمييز وتضع الخط الاحمر؟

شفت الثعلب والديك والقطة والفأر..
أليس هذا ما يراه حو لولولولو .....
يعني كذابين ؟!!
NAJJAR
25/09/2007, 03:05 PM
فى الحقيقة لقد تحملوا كل الكذب
حتى وصل الأمر إلى أن يكون الثعلب والديك أصحابا
وأن يكون القط والفأر
كلا
لقد فاض الكيل وطفح
ووجبت مجابهته بالحقيقة
NAJJAR
25/01/2008, 08:06 AM
121 قراءة وما حد بيرد عليا ويقول ان كنت كذاب؟
عيب عليكو يا اصحاب
محمد حامد محمد
26/01/2008, 06:19 AM
:don't:


جيبتُه لنفْسَك يا فشّار
أصل الكذب يودّى النار
بكره هبلّغ عمدة واتا
ونزفـَّك ليل ويّه نهار

ولا اسمع ..
بما إنّك طيب
ورجوعك للحق قـُريب
هدّيك فرصه تراجع نفسك
ودا هيكون أخر إنذار

مُش علشان ما كتير بنْحبك
ونحب الخِفـَه اللى ف كذبك
هنسيبك تكذب وتصدّق
وتعيش عمرك كده فشّار

ولو إنك والحق يُقال
سليتنا ف ركن الأطفال
وأخيراً كلنا بنعزّك
وكلامنا دا كان كله هزار
حسام الدين نوالي
29/01/2008, 01:44 AM
الفاضل najjar
هذه القصيدة حكاية خفيفة ومرحة أجد أنها تحمل في داخلها موسيقاها وتعلنها ونحن نقرؤها..
ما أمتع هذاالنص..
وجميل جدا تفاعل المبدع محمد حامد محمد معه...
مع المودة والتقدير
حسام الدين نوالي
29/01/2008, 01:44 AM
الفاضل najjar
هذه القصيدة حكاية خفيفة ومرحة أجد أنها تحمل في داخلها موسيقاها وتعلنها ونحن نقرؤها..
ما أمتع هذاالنص..
وجميل جدا تفاعل المبدع محمد حامد محمد معه...
مع المودة والتقدير
ايناس ابو شعبان
02/02/2008, 05:18 AM
هو الكلام ده كلو لمين

قولو يا حلوين

ياخوفي يكون عني انا يا خواتي

انا مش كداب ولا حتى فلاتي

هيه كدبه وحده بس يوماتي

بعمل جو وبحقق زاتي

يبقى انا كداب



تبجيلي
ايناس ابو شعبان
NAJJAR
22/02/2008, 06:52 PM
ظلموني ويقولوا كذاب
وكلامي منقوش فى كتاب
كله حقيقة والف دليل
كيميا وفيزيا ولغة وحساب
ايه كذبي في نموسة تعدي
وييا جموسة من تحت الباب
لو باب مرسوم ع الحيط
فى الدور الثاني للبيت
فيها ايه لو نملة تصاحب فيل
أو تمشي معاه على شط النيل
وتقولوا كذاب؟
وكمان فشار؟
وكمان بتقولوا راح اخش النار؟
فيها ايه لو ساق طيارة حمار؟
انا شفته بعيني ومش كذاب
في التليفزيون وزرافة كمان
لابسة النظارة وبتقرا كتاب
انا مش كذاب
صدقوا يا صحاب
حقيقي حقيقي
انا مش كذاب
خلاص مش هاحكي حكاويى جديدة
علشان في السهلة تقولوا كذاب
لو قلت الباقي هاتعملوا ايه
دا الظلم حرام والله يا أصحاب