فرع استنساخ

[الشربينى خطاب]

فرع استنساخ
البيض ييطلََّّع
كتاكيت و فراخ
فنهيص نتجوز
ونعمل أفراح
ونملا الدنيا
محاصيل ثمرات
صبيان وبنات
حلوين وملاح
من ميَّة زلال

*****
يطلعوا ابطال
مسا وصباح
نبته من أرض
جبالنا الشامخة
بتصلي الفرض
وتزرع بذرتها
حضن الأرحام
فرع من الأصل
نسل وسلسال
*****
مش نطفة
عقيمة
مخزونة
في زريبة
زرع الأنابيب
أو لستنساخ
لا حمل طبيعي
بشاشة وعرض
ولا قيصر قال
شقوا لها الأرض
دي تبقي مصيبة
بعملوا تركيبة
مزروعة أنبوبة
نسوان تخشيبة
صنف الأوساخ
*****
لا آلام و مخاض
ولا نبض و طلق
ولا حتي صوات
فيموت الواد
ما هو ابن سفاح
والحسرة تنام
ف حضن الأب
أفكار وخيال
******
فنعزي حماه
ونقف في ويَّاه
مدام المولود
مسخة يا ولاداه
مولود ومشوه
ولا يشبه ابوه
ابو قفا منطال
*****
سحر يا متولي
العلم ودوللي
يا حلاوه يا ولاد
أسمع يا حالوللي
أتاريه بيقول لي
نصيحة ع المالشي
تجربة علمية
علي مخصي عقيم
من صنف طواشي
خلِّف لنا جنِّي
وبقرعجالي
وجاموس بيغني
له جد وخال
****
أوعاك تقولي
معجزة ومحال
ده شغل أوربي
استرها يا ربي
من المتخبي
فارس صليبي
وطالع سفَََّّّاح
مش تبقي عجيبة
لو هد الخيمة
الأقصى إن راح
لازم له كفاح
وحرب ونضال
****
إبن اللئيمة
بكلام ومراودة
اشتري م الخايب
حق العودة
وعطاه جنسية
دولة اوربية
وعمله واحة
وثقافة دولية
حاتمحي ثقافتك
أعمال خيرية
جواسيس من ديه
باعت أوطانها
وجايبه لجنابك
افكار دينية
تزرع في دماغك
فكر و بلبال
*****
هددني يا ربي
بدمار الكعبة
حقد و متخبي
فيهم متعبي
وانا واخد بالي
ياما ها يجرالي
من جيش الخونة
لسه ف بلادي
الحقني يا خال
*****
دنا أبقي غبي
لو سبته يعيش
سوسه بتنخر
جوه النخاشيش
أو يرتع ف بلدنا
عميل وجاسوس
لجيوش أعدائنا
باسم مزور
و ياكل عيش
مرتاح البال