حسين راشد
31/12/2007, 03:28 AM
http://photos1.blogger.com/blogger/3072/1203/320/44%20copy_resize.jpg
متكربج يامه
والحلم الداير في طقيتي
متكهرب ظلمه
والواد الباعد عن ايدي
بيبعتر ضمه
وأهي لمه
تلمه بعيد عني
ولا اقرب منه
متكربج يا مه
الساكن في الحي الميت
بينده لشهيد
وانا واقف على كوبرى اكتوبر
مستني العيد
مستنيه يرجع ونكبر
مستنيه يحدف امجاده
ويلم العسكر
متكربج يامه
الواد التاني المتعايق برباط الرقبة
ناسي الجلابيه والعمة
والناس العتره
فكرني يجاموسة الساقيه
ورباط رقبتها المدلي
وبسحبها تملي
لكنه خرج عن طوع
اذان المدنه
وصمم يعادي
في ولاد حتتنا
متكربج ياما
الراكن على سور الشاشه
وبيلعب على كلمة انتر
بيبلضم ويلخبط في اوراقه
ويقولي بفكر
وبفكر وبقوله ذاكر واتمعن
اتاريه بالكلمة بيتمنظر
لاهو فاهم معنى لكتابه
ولا قادر يخرج م السنتر
متكربج يا ما
لو كل العلم اللي شربته
طلع بطيخ
وكل الحلم اللي حلمته
فرقع صواريخ
وست الحسن بدلالها
في عيونها صريخ
بتعزم حسن على جته
والحلو فسيخ
والكل عايش في الزفة
طوابير تلبيخ
متكربج ياما
يامايا ياما يا مايا
انا قلبي اتقطع ميت حته
شقيت الجته بهوايا
واتبعتر كل اللى في حجرى
على طرف آنيه
وبلاقي المخلص وبلاقي
الحيه ورايا
بتوسوس في جدور العفة
وبتنخر في أيوها آيه
متكدر ياما
وبلملم في حروف الصاحب
من جوف الجتت الصعرانه
وبخبط على وشي الشاحب
وبنادي الدمعة الهربانه
فين هي السكة
متكربج يا مه
متكربج يامه
والحلم الداير في طقيتي
متكهرب ظلمه
والواد الباعد عن ايدي
بيبعتر ضمه
وأهي لمه
تلمه بعيد عني
ولا اقرب منه
متكربج يا مه
الساكن في الحي الميت
بينده لشهيد
وانا واقف على كوبرى اكتوبر
مستني العيد
مستنيه يرجع ونكبر
مستنيه يحدف امجاده
ويلم العسكر
متكربج يامه
الواد التاني المتعايق برباط الرقبة
ناسي الجلابيه والعمة
والناس العتره
فكرني يجاموسة الساقيه
ورباط رقبتها المدلي
وبسحبها تملي
لكنه خرج عن طوع
اذان المدنه
وصمم يعادي
في ولاد حتتنا
متكربج ياما
الراكن على سور الشاشه
وبيلعب على كلمة انتر
بيبلضم ويلخبط في اوراقه
ويقولي بفكر
وبفكر وبقوله ذاكر واتمعن
اتاريه بالكلمة بيتمنظر
لاهو فاهم معنى لكتابه
ولا قادر يخرج م السنتر
متكربج يا ما
لو كل العلم اللي شربته
طلع بطيخ
وكل الحلم اللي حلمته
فرقع صواريخ
وست الحسن بدلالها
في عيونها صريخ
بتعزم حسن على جته
والحلو فسيخ
والكل عايش في الزفة
طوابير تلبيخ
متكربج ياما
يامايا ياما يا مايا
انا قلبي اتقطع ميت حته
شقيت الجته بهوايا
واتبعتر كل اللى في حجرى
على طرف آنيه
وبلاقي المخلص وبلاقي
الحيه ورايا
بتوسوس في جدور العفة
وبتنخر في أيوها آيه
متكدر ياما
وبلملم في حروف الصاحب
من جوف الجتت الصعرانه
وبخبط على وشي الشاحب
وبنادي الدمعة الهربانه
فين هي السكة
متكربج يا مه