رساله من الغرب

[عادل عيد]

لازم تجوع

يا عربى يامسلم لازم تجوع
يا همجى يا مجرم يا ابن البتوع
رغيفك وعيشك حيفضل فى ايدى
وشعبك وجيشك حيبقم عبيدى
واحط ف رقبتك قيدى الحديدى
تطيعنى تقوللىحاضر يا سيدى
وتمشى ورايا بذل وخضوع

ماعادلكش سكه وطريق للهروب
اوامرى عليك ليها حكم الوجوب
حتزرع فراوله او كنتالوب
وتبعد عن القمح و عن الحبوب
وحتعيش تمللى فى ضعف وخنوع

ماهو انت اما تقعد جعان لو يومين
حتصبح محطم ووضعك مهين
و تنسى كرامتك .. كمان تنسى دين
ولما انا اامر حتهتف امين
وحتطاطى راسك لحد الركوع

تبطل تقوللى شرفك وعرضك
لاتعبد الهك ولا تصللى فرضك
وفاسك فى راسك لكن مش فى ارضك
وتغرق فى جهلك وجوعك ومرضك
وتقطع دراعك صوابع وكوع

فاسمع كلامى وخليك اليف
عشان ارضى عنك واديك رغيف
ووازن امورك وخليك حصيف
وبلاها العشا وقوم نام خفيف
وارضى بلقمه وخليك قنوع

دكتور
عادل عيد

[الشاعرمحمدأسامةالبهائي]

رسالة من الغرب
ـــــــــــــــ

يا عربى يامسلم لازم تجوع=
يا همجى يا مجرم يا ابن البتوع=
رغيفك وعيشك حيفضل فى ايدى=
وشعبك وجيشك حيبقم عبيدى=
واحط ف رقبتك قيدى الحديدى=
تطيعنى تقوللىحاضر يا سيدى=
وتمشى ورايا بذل وخضوع=
*****=
ماعادلكش سكه وطريق للهروب=
اوامرى عليك ليها حكم الوجوب=
حتزرع فراوله او كنتالوب=
وتبعد عن القمح و عن الحبوب=
وحتعيش تمللى فى ضعف وخنوع=
*****=
ماهو انت اما تقعد جعان لو يومين=
حتصبح محطم ووضعك مهين=
و تنسى كرامتك .. كمان تنسى دين=
ولما انا اامر حتهتف امين=
وحتطاطى راسك لحد الركوع=
*****=
تبطل تقوللى شرفك وعرضك=
لاتعبد الهك ولا تصللى فرضك=
وفاسك فى راسك لكن مش فى ارضك=
وتغرق فى جهلك وجوعك ومرضك=
وتقطع دراعك صوابع وكوع=
*****=
فاسمع كلامى وخليك اليف=
عشان ارضى عنك واديك رغيف=
ووازن امورك وخليك حصيف=
وبلاها العشا وقوم نام خفيف=
وارضى بلقمه وخليك قنوع=
*****=

د. عادل عيد

قمت بالنقل والتنسيق بعد القراءة طبعاً
لأكرر ترحيبى بحضرتك د. عادل عيد
( بس الغرب ده لسانه طويل.. ماتيجى نبعت له شوية من الزاوية الحمرا .. ولا من بولاق )

[الشربينى خطاب]

الأستاذ الفاضل / د 0 عادل عيد
تواصل ارتجالي فوري دون مراعاة لوزن أو قافية
اغفر لي خربشاتي :emo_m16:وجات لي رسالة
زيك م الغرب
بتوصف ف حاله
عدوان وحرب
مابينَّا وبينهم
عيشتنا عوالة
وجهل تخلف
هما الحضارة
وإحنا الزبالة
استر يا رب
طالبين ف عجالة
في آخر الرسالة
اسلطحْ قفايا
بمزاج وحب
لا يحضن في ضهري
ليشبعني ضرب ْ





إرهاب وخرب
بينا وبينهم

[سعيد حامد شحاتة]

د/ عادل
نرحب بك اولا واعتذر عن تأخيرى فى الرد على مبدع بحجمك ولكن لظروف خارجة
قرأتك على يد المبدعة الصديقة منى عز الدين وتعرفت على شاعر جميل من خلالها والآن أتشرف بقراءتك هنا فى واتا وانا فى قمة السعادة لأنك وضعت قدمك هنا فى مكانك الصحيح
فى موقعك كشاعر وكمبدع وكفنان أعتز بمعرفته
العمل جميل ومتميز ونابع من داخلك وفنياتك جميلة بحجمك ايها المبدع المشاكس
حضورك فى قصيدتك أكثر من رائع
صورك جميلة ومنسقة لخدمة الهيكلة فى النص سواء خارجية او داخلية
ما وراء النص اروع من حالة الجميع يعانى منها
المدهش هنا هو طريقة التناول بعيدا عن العروض وخلافه انت تناولت القضية بطريقة تليق بها ومن زاوية متفردة
عموما ( الله يحرق الغرب ويحرق شورتهم الطين اللى على دماغهم ودماغ كلابهم )
على فكرة
انا سعيد بك جدا

[عادل عيد]

استاذ اسامه مرورك شرفنى واسعدنى
عزيزى الاستاذ شربينى اهلا بيك وبمداخلاتك ....وما تحرمنيش من خربشاتك
اخى العزيز سعيد شحاته اشكرك من كل قلبى على الكلام الكبير ده وانا ايضا سعيدجدا بك