عادل عيد
13/04/2008, 10:01 AM
حدوتــــــــــــــــــــــــه
من زمان كان فيه وادى كله خــــــــــــــــــــــــــــير
ارض خصبه و نهر جارى وقوت وفيـــــــــــــــــــــــــــر
ساكنه مجموعه بهايم من الجمايس للحــــــــــــمير
اللى قاعد واللىقايم واللى تسمع له شخــــــــير
الجميع كانو قلب واحد لا امــــــــــــــــــــــير ولا غفير
كله كان عايش وراضى عاموا وسط النعمـــــــه عوم
حشو بطن ومخ فاضى اكل, شــــــــــرب وبس نوم
لاخناق ولا قواضى او عراك فى اى يــــــــــــوم
ليه العراك و مش لازمهم لا الفلوس ولا الهدوم
بس طبعا الحاله دى مستحيل ابدا تدوم
ابتدا يهجم عليهم مجموعات من الوحوش
يقتلوا ويفترسو فيهم ولا حدش قادر يحوش
والبهايم طول حياتهم على العراك ماتعودوش
والوادى اتملا بعضامهم لا قبور ولا نعوش
واللى فاضل من جتتهم اكل للدود والهاموش
كان فيهم خروف عجوز مخه فيه حبه زكاوه
قال ده ممكن قال يجوز لو نبطل دى الغباوه
لونجرب المــــــــــــــــــروه و الفدا ورد الــعداوه
ده احنا مش ناقصانه قوه بس نتعلم قســـــــاوه
لـــــــــــــو وقفنا يد واحده نحمى دارنا وبحماوه
عنها واتلمو البهايم هبوا فى عيونهم شرار
اللى ينطح واالى يضرب واللى يرفس ده الحمار
يوم وليله طحن فيهم هوب واتفك الحصار
والديابه هربو منهم رجعوا دارهم فى اندحار
والبهايم فرحوا غنوا عملو يوم الانتصار
بس يا خساره قائدهم اللى كان رأيه سديد
كبشهم اللى لاممهم خدلو عضه ومات شهيد
عمهم اللى فاهمهم كان رئيسهم والعميد
كان بمخه ده سايقهم كان حكيم ومش عنيد
مره واحده فات ديارهم مات خلاص وراح بعيد
يعملوا ايه البهايم قالوا نتصرف قوام
قالو حتما قالو لازم يبقى فى قائد همام
يبقى عاقل يبقى حازم ايوه هو ده الكلام
قالو مين حيبقى قائد مين حيمسك الزمام
قالو نعمل انتخاب فيه يصوت العوام
بس واجتمع الجميع وسط ده الوادى الفسيح
مين يرشح نفسه مين قال كده الجدى الفصيح
كل واحد بيدى رايه راى حر كمان صريح
لكن البغل المغفل قال ده اسلوب مش صحيح
يعنى ايه كله يصوت السليم زى الكسيح
من هنا دب الخلاف والوادى اتقسم فصايل
دول معيز ودول خراف دول عجول ودول ايائل
واللى كانوا يد واحده اصبحوا عده قبايل
حتى فى نفس القبيله صار كمان عده عوايل
والوادى قال قسموه وابتدت تحصل مهازل
البقر ضرب المعيز والخيول ضد الجاموس
والغنم عمال بيجرى بدو يهرب من التيوس
والوادى اصبح فى فوضى والجميع ينزف يحوس
نطح رفس دهس من ده عض شد ضرب روس
والمكان بقى كله جرحى تمشى فوقهم راح تدوس
والخبر وصل الديابه من زمان متربصين
هجمو فورا على الغلابه غنوا ناكلكم منين
والوحوش اتلمو يابه خلصو على المجروحين
والوادى اصبح خرابه بعد ما تعمر سنين
صار مكان البوم فى ينعق ينعى خيبه الخيبانين
دكتور
عادل عيد
من زمان كان فيه وادى كله خــــــــــــــــــــــــــــير
ارض خصبه و نهر جارى وقوت وفيـــــــــــــــــــــــــــر
ساكنه مجموعه بهايم من الجمايس للحــــــــــــمير
اللى قاعد واللىقايم واللى تسمع له شخــــــــير
الجميع كانو قلب واحد لا امــــــــــــــــــــــير ولا غفير
كله كان عايش وراضى عاموا وسط النعمـــــــه عوم
حشو بطن ومخ فاضى اكل, شــــــــــرب وبس نوم
لاخناق ولا قواضى او عراك فى اى يــــــــــــوم
ليه العراك و مش لازمهم لا الفلوس ولا الهدوم
بس طبعا الحاله دى مستحيل ابدا تدوم
ابتدا يهجم عليهم مجموعات من الوحوش
يقتلوا ويفترسو فيهم ولا حدش قادر يحوش
والبهايم طول حياتهم على العراك ماتعودوش
والوادى اتملا بعضامهم لا قبور ولا نعوش
واللى فاضل من جتتهم اكل للدود والهاموش
كان فيهم خروف عجوز مخه فيه حبه زكاوه
قال ده ممكن قال يجوز لو نبطل دى الغباوه
لونجرب المــــــــــــــــــروه و الفدا ورد الــعداوه
ده احنا مش ناقصانه قوه بس نتعلم قســـــــاوه
لـــــــــــــو وقفنا يد واحده نحمى دارنا وبحماوه
عنها واتلمو البهايم هبوا فى عيونهم شرار
اللى ينطح واالى يضرب واللى يرفس ده الحمار
يوم وليله طحن فيهم هوب واتفك الحصار
والديابه هربو منهم رجعوا دارهم فى اندحار
والبهايم فرحوا غنوا عملو يوم الانتصار
بس يا خساره قائدهم اللى كان رأيه سديد
كبشهم اللى لاممهم خدلو عضه ومات شهيد
عمهم اللى فاهمهم كان رئيسهم والعميد
كان بمخه ده سايقهم كان حكيم ومش عنيد
مره واحده فات ديارهم مات خلاص وراح بعيد
يعملوا ايه البهايم قالوا نتصرف قوام
قالو حتما قالو لازم يبقى فى قائد همام
يبقى عاقل يبقى حازم ايوه هو ده الكلام
قالو مين حيبقى قائد مين حيمسك الزمام
قالو نعمل انتخاب فيه يصوت العوام
بس واجتمع الجميع وسط ده الوادى الفسيح
مين يرشح نفسه مين قال كده الجدى الفصيح
كل واحد بيدى رايه راى حر كمان صريح
لكن البغل المغفل قال ده اسلوب مش صحيح
يعنى ايه كله يصوت السليم زى الكسيح
من هنا دب الخلاف والوادى اتقسم فصايل
دول معيز ودول خراف دول عجول ودول ايائل
واللى كانوا يد واحده اصبحوا عده قبايل
حتى فى نفس القبيله صار كمان عده عوايل
والوادى قال قسموه وابتدت تحصل مهازل
البقر ضرب المعيز والخيول ضد الجاموس
والغنم عمال بيجرى بدو يهرب من التيوس
والوادى اصبح فى فوضى والجميع ينزف يحوس
نطح رفس دهس من ده عض شد ضرب روس
والمكان بقى كله جرحى تمشى فوقهم راح تدوس
والخبر وصل الديابه من زمان متربصين
هجمو فورا على الغلابه غنوا ناكلكم منين
والوحوش اتلمو يابه خلصو على المجروحين
والوادى اصبح خرابه بعد ما تعمر سنين
صار مكان البوم فى ينعق ينعى خيبه الخيبانين
دكتور
عادل عيد