*حــــــــال العـــــــــــدم*

[شيماء النادي]

حال العدم

حالك يا قلبي في الهوي
حال العدم
إديت كتير وما خدتش..
غير الألم
حـالك يا فـلبي ده حاله حال
جرحك علاجه أصبح محال
في كل ليلة ميت سؤال
والرد واحد .. هو الندم
حالك يا قلبي في الهوي
حال العدم

يا قلبي يا طيب مالك
إيه اللي غير احوالك
سابوك وراحوا ويا آمالك
سابوك وراحوا من غير رجوع
رجعت واتغير حالك
وبرضه فاضل علي حالك..
حاضن دموعك بين الضلوع
وتفيد بإيه بس الدموع
مع قلب في الحب انهزم
حالك يا قلبي في الهوي
حال العدم

حبيت صحيح.. حبيت بجد
حبك صريح وما لهش حد
هـنت ودمعك جرح الخد
قربت من نقطة خطــر
مشيت في البرد تحت المطر
ورجعت جريح ب وجه إبتسم
حالك يا قلبي في الهوي
حال العدم

حبيت وكانت لهفـتك
لهفة حبيب لحبيب مجهول
تلقاه ويملا دنيتك
أتاريه مش ليك..أتاريه مشغول
تداوي جرحك بضحكتك
وبرضه ماشي ف سكتك
في طريق طويل مافيهوش وصول

لكن ومهما الليل هيطول
خليك في دنيا الحب رسول
جمع قلوب من غير ما تقول
إنك عليل بجناح مكسور
الفرح علي وجهه اترسم

حالك يا قلبي في الهوي
حال العدم

شيماء النادي

[عصام الأحمدي]

مشاعر رائعة اخت شيماء

[الشاعرمحمدأسامةالبهائي]

الأخت شيماء النادى

سلام الله عليكم ورحمته وبركاته

على المستوى الإنسانى لابد وأن أقرأ ، وأطالع مادونه قلمك هنا
وأقدم التحية خالصة لإنسانيتك

وعلى المستوى الإبداعى لابد وأن ألتزم الصمت تماماً
ولكنى أرى الإيجابيات عالية فى هذا النص.. ولكن صمتى يحول بينى وبين سردها
ومازلت عند الرأى السائد ( الإختلاف لايؤثر على حد المودة )

وهذه قناعتى بعيداً عن زيف المجاملات

أشكرك لضيافتى على متصفحك

وتقبلى عاطر التحايا وكل التقدير

[شيماء النادي]

الأخت شيماء النادى

سلام الله عليكم ورحمته وبركاته

على المستوى الإنسانى لابد وأن أقرأ ، وأطالع مادونه قلمك هنا
وأقدم التحية خالصة لإنسانيتك

وعلى المستوى الإبداعى لابد وأن ألتزم الصمت تماماً
ولكنى أرى الإيجابيات عالية فى هذا النص.. ولكن صمتى يحول بينى وبين سردها
ومازلت عند الرأى السائد ( الإختلاف لايؤثر على حد المودة )

وهذه قناعتى بعيداً عن زيف المجاملات

أشكرك لضيافتى على متصفحك

وتقبلى عاطر التحايا وكل التقدير
شاعرنا الجميل
اشكر مرورك وأشكر صراحتك وأرحب بنقدك دوما لانه كما ذكرت( الإختلاف لايؤثر على حد المودة )
لك تحياتي.