بحـــر عالى

[علاء ممدوح]

بحـــــــــــــــــــر عالــــــــــــــــــــــى

لعلاء ممـــــــــدوح

بحر عالى وألف رحله
والرحيل مالهوش بديل
مستحيل الدنيا تحلا
والدليل بقى 100 دليل
اكتب عنى وعنك .. عننا
كام فرصه ضاعت مننا
فيه ناس يقولوا يا غلبنا
وناس يقولوا يا بختنا
وانتى وأنا زى بعضنا
ايه اللى يفرق .. كام سنه !
اكتبى وقولى .....
الحب حاجه تعلمك .. تكلمك
تهمس لقلبك .. تألمك
عن أى حاجه وكل حاجه
الحب دنيا .. تفهـّك
اكتبـــى .......
صورى الاحساس مدينه
يوم سعيده ويوم حزينــه
يوم جميله بشمس طالعه
ويوم ف حضن الليل سجينه
اكتبــى ......
طلــّعى الاحساس حروف
من غير كسوف
انتى حره وأى حر
له عيون
تقدر تشوف
كل حاجه ف دنيا خايبه
الامير زى الفقير
ايه اللى يفرق ؟ نفسى أعرف ...
ردى قولى كلا م كبير
اكتبــــى .....
ترجمى الاحساس كلام
حتى الألآم
انتى شاعره
وكل شعر
له بحور
زى الغرام .........

[عبد اللطيف بوعياد]

بسم الله الرحمن الرحيم
السلام عليكم ورحمة الله وبركاته

مرحبا بك اخي علاء ممدوح في واتا

ويظهر من خلال قصيدتك بحر عالي

مدى تاثرك بالشعر الفصيح حيث ان القصيدة

فيها رائحة الشعر الرومانسي

مزيدا من التالق في هدا اليم العالي

عبد اللطيف بوعياد