طامع في الدنيا ليه

[محمد مزكتلي]

طامع في الدنيا ليه هالدنيا دنيا فانية
بتاخد مننا كل شيئ بين اللحظة والثانية
لا تفكر أنك حربوق وتعملي حالك مرزوق
لما الدنيا بتعطي عليك يا ما من المر حتدوق
لا تكبر وتظن ببالك شكلت قدرك على موالك
نصيحة لا تطلع فوق حال الناس أحسن من حالك
خليك دومك عايش يومك ولا تفكر أنو بعلومك
ممكن تغير شغلة ببكرا هي قصة خارج مفهومك
شايف حالك بكبر قدرك وأنت بكرا جوا قبرك
مارح قلّك طاطي شوي بكرا الزمن هو بدبرك
حالك أحسن من حالي لأنو معك شويت مصاري
وهم ضيع قبلك كتير وهلق صرت أنت التالي
طمعك بهالدنيا شيلوا أحسن ماتعيشا ضلالي
لرزقك مو أنت الحايش لا تعيش هالدنيا طايش
الفقر ماهو المشكل هيك عايش وهيك عايش
المشكل هو أنك تحوص وبين الناس تحر وتلوص
مالك سائل على المبادئ همك أنو تجيب فلوس
كل مين طمع يا ويلو عايش نهارو متل ليلو
داير ورا النص فرنك متل قط عم بلحق ديلو
لما الدنيا بتضحك لك بتضحك وبتصير فرحان
ولما الدنيا بتبكيك بتبكي وبتصير زعلان
ما لك ملاحظ يا فهيم أنوا الدنيا العبان
شويت قهر وشويت نعيم لازم يتساوه الميزان
عامل بهالدنيا همك لقمت غيرك على تمك
محروم من صغر سنك مو شبعان من صدر أمك
الدنيا ألك مو لغيرك خود حصتك وحصة غيرك
بس العبرة بالأواخر لازم تدفع فواتيرك
ليل نهار مالك فاضي عم تجمع عملة وأراضي
بس يا ترى حسبت حساب لوقوفك قدام القاضي
كلمة أخيرة رح قولا ويا ريتك أنت تقولا
استحالة هالدنيا تطولا أمر ربك كان مفعولا
وهالدنيا بعرضا وطولا عند الله الدار الاولى

[جواد عوض]

بارك الله فيك