أحمد فؤاد نجم ... ومبارك !!!!

[ناصر عبد المجيد الحريري]

اخر قصائد احمد فؤاد نجم في الرئيس مبارك
الجزيرة توك
نؤيد سيادتك
نؤيد سيادتك لفترة جديدة نكمل خلالها المسيرة السعيدة
و بالمرة فيها نبيع الحديدة مفيش حاجة تانية نبيعها خلاص
*****

نؤيد سيادتك لأجل المزيد من اللي تحقق بفضلك أكيد
بقينا خلاص ع الحميد المجيد و ربك لوحده ف ايده الخلاص
*****

نبايع سيادته ولا حد غيره كفايا علينا نبرطع في خيره
و نوم شعب مصر العظيمة و شخيره يقول للحرامي ما تسرق كمان
*****

نبايع سيادته وابنه وحفيده مفيش زي فكره قديمه و جديده
خرابك يا مالطة حيحصل بايده ومين فيكي يعني بيسمع آذان
*****

نبوس ايد سيادتك و رجلك كمان تخليك معانا يا ريس عشان

وجودك ضرورة فرضها الزمان و من غير وجودك حقيقي نضيع

*****

دي مصر بتاعتك و احنا ضيوفك كفايا علينا يا ريس نشوفك
و عاذرين سيادتك و فاهمين ظروفك عليك بس تؤمر و احنا نطيع
*****

في جزمة سيادتك كلابك يبوسوا و فوق الغلابة بجزمهم يدوسوا

و شعبك ليلاتي يا ريس غموسه مذلة و مهانة و حوجة و مر

*****

لكن يعني ما دمنا شعب انتساب و دايما وأبدا ف حالة غياب
متعملش لينا يا ريس حساب دي عزبة سيادتك و فيها انت حر
*****

و دستور مدستورش مش فارقة خالص كلام فاضي كله يا فندم بناقص
كفايا علينا الفساد اللي ماصص عرقنا و معشش و ضارب جذوره
*****

و ايه يعني تهري جتتنا البلاوي يوماتي كوارث فضايح رشاوي
كفايا علينا القعاد في القهاوي بنستنى لما الوريث ييجي دوره

[محمد حسين العيسى]

((أحمد فؤاد نجم لا يمثل شعب مصر))

سيقولون

[زكرياء الشراط]

رائع يا نجم ، بقيت ابن البلد الأصيل ، في زمن يبيع فيه كثير من مناضلي بلدي المغرب، اليساريون = سابقا = سنوات نضالهم مقابل المناصب والإمتيازات ...
شكرا للأخ على هذه الهدية الرائعة ....

[قاسم عزيز]

تسلم يا ناصر ويسلم عمنا الفاجومى الرائع
واؤكد للاخ د . محمد العيسى أن عمنا الفاجومى " احمد فؤاد نجم "مصرى أصيل وفيه منه
وحياة عيونك انت 80 مليون بيقولوا نفس الكلام , حتى اخوانا بتوع الحزب الوطنى بيقولوا نفس الكلام .
اؤكد لك يا عزيزى ان الرأى متفق عليه حتى من اخوانا مذيعى وصحفيى النظام .
بس الحكاية بالنسبة للكل حكاية أكل عيش وصبر على الجار السو " يرحل أو تجيلو داهية تاخده .
أنا معاك انه شعب غريب الطباع ويفقع المرارة , لكن حذار من استفزازه أكثر من " كده " .
المشكلة اننا فعلا موش عارفين حبال صبره آخرها فين بالضبط , لو تعرف انت خبرنى .

[محمد حسين العيسى]

تسلم يا ناصر ويسلم عمنا الفاجومى الرائع
واؤكد للاخ د . محمد العيسى أن عمنا الفاجومى " احمد فؤاد نجم "مصرى أصيل وفيه منه
وحياة عيونك انت 80 مليون بيقولوا نفس الكلام , حتى اخوانا بتوع الحزب الوطنى بيقولوا نفس الكلام .
اؤكد لك يا عزيزى ان الرأى متفق عليه حتى من اخوانا مذيعى وصحفيى النظام .
بس الحكاية بالنسبة للكل حكاية أكل عيش وصبر على الجار السو " يرحل أو تجيلو داهية تاخده .
أنا معاك انه شعب غريب الطباع ويفقع المرارة , لكن حذار من استفزازه أكثر من " كده " .
المشكلة اننا فعلا موش عارفين حبال صبره آخرها فين بالضبط , لو تعرف انت خبرنى .


السلام عليكم

الاخ قاسم عزيز
وأنا أقرأ مداخلتك اتطلع الى قسمات وجهك فأرى فيها مصر التي اعرف، وانتبه الى الاسم فاستبشر خيرا في عزة العرب والمسلمين التي كانت عبر التاريخ تمر بمصر ان لم تبتدئ منها.
وأنا لا أعرف حبال صبره لكنني اعتقد عقيدة أدين بها لله تعالى: أن بمصر رحم كل المسلمين، وأن مصر الكنانة خير أجناد الارض.
مصر هي الاخ الاكبر في العائلة، وهي المعوّل عليها في الخطوب..
وحين نريد من مصر الكثير والكثير ومن ثم الكثير.. فلأن مصر كثيرة كثيرة كثيرة.
تحية لمصر العروبة والاسلام
تحية للشاعر احمد فؤاد نجم
تحية للفاضل قاسم عزيز
وتحية لكل شريف في مصر والوطن العربي وكل المعمورة

[محسن رشاد أبو بكر]

جزيل الشكر أخ ناصر على تلك الهدية الرائعة ..


تسلم يا ناصر ويسلم عمنا الفاجومى الرائع
واؤكد للاخ د . محمد العيسى أن عمنا الفاجومى " احمد فؤاد نجم "مصرى أصيل وفيه منه
وحياة عيونك انت 80 مليون بيقولوا نفس الكلام , حتى اخوانا بتوع الحزب الوطنى بيقولوا نفس الكلام .
اؤكد لك يا عزيزى ان الرأى متفق عليه حتى من اخوانا مذيعى وصحفيى النظام .
بس الحكاية بالنسبة للكل حكاية أكل عيش وصبر على الجار السو " يرحل أو تجيلو داهية تاخده .
أنا معاك انه شعب غريب الطباع ويفقع المرارة , لكن حذار من استفزازه أكثر من " كده " .
المشكلة اننا فعلا موش عارفين حبال صبره آخرها فين بالضبط , لو تعرف انت خبرنى .


صدقت أخي قاسم عزيز .. كل الناس شايفة المصيبة ومطنشة .. مش بس بتوع الحزب الوطني لا والله ممكن الموضوع يوصل لدرجة محافظين ورؤساء هيئات مهمة تلاقيهم بيقولوا نفس الكلام .. بس في الآخر زي ما بتقول أكل عيش ..

[محسن رشاد أبو بكر]

وإليك أخي ناصر نجم والخواجة الأمريكاني .. رغم مرور زمن كبير علىكتابتها .. إلا أنها لازالت منطبقة على الخواجةالأمريكاني


الخواجه الامريكانى

والسماسرة اللى وراه

تخنوا بالكدب ودنه

وعرضوا له مقاس قفاه

فهموه

من غير ما يفهم

ان سوق الشرق مغنم

والخوجه بطبعه مغشم

والمصاري معفرتاه

حب يعمل فيها تاجر

وانطلق

يسلب وينهب

ف الزباين بالنهار

يحدف الدولار يلمه

تلتميت مليون دولار

بالقزايز والبنات

باللبان

والبمبونات

بالمدافع والدانات

او بأفلام الرعاة

قول بقي تاجر وفاجر

وانفلت لص المواشي

رعب ماشي فى البلاد

يشفط البترول ويطرش

كل الوان الفساد

عزرائيل من غير فرامل

يقلب العرسان ارامل

حتى فى بطون الحوامل

كان بيدبح الحياة

بالسناكي والخناجر

والنهايه يا خواجه

مش ف يوم كانت بدايه ؟

البدايه برضه لازم

ييجي يوم

توصل نهايه

مهما زاد الراسمال

الهلاك هو المآل

والتاريخ

هو اللى قال

لعبه الموت فى الحياة

تسحب الروح م الحناجر

أحمد فؤاد نجم

[يعقوب الماجد]

شكراً للأستاذ ناصر على هذه القصيدة المعبرة عن الشعب المصري الشريف للمناضل الشاعر احمد فؤاد