كدبنى شعر/ سمير الأمير

[سمير الأمير]

كدبنى شعر/ سمير الأمير

كدبنى يا كداب
يا هيصة الزفه
واحكم عليا بالخرس
وف ميتمى اتشفى
الصدق كهل كسيح
على وشه يتكفى
والكدب زى الريح
فى هوجة البحر
بيقلب الدفه
من كام سنه بنلف حوالين الضريح
أحلامنا فى كفه ويأسنا ف كفه
******
كدبنى يا كداب وكدب صوتى
أنا اللى ياما مشيت على دمى
وحفيت على قوتى
ولخبطت غزلى الحياة
فاتشعلقت ف خيوطى.

[عمرو عبدالرؤوف]

كدبنى يا كداب وكدب صوتى
أنا اللى ياما مشيت على دمى
وحفيت على قوتى
ولخبطت غزلى الحياة
فاتشعلقت ف خيوطى


الله الله
رائعة فعلا

جميلة استاذ سمير

فى انتظار المزيد

[عبلة محمد زقزوق]

كدبنى يا كداب
يا هيصة الزفه
واحكم عليا بالخرس
وف ميتمى اتشفى
الصدق كهل كسيح
على وشه يتكفى
والكدب زى الريح
فى هوجة البحر
بيقلب الدفه

كلمات رائعة منغمة كموسيقي اصبحت تشجينا .
فالكدابين في زماننا هذا اصبح لهم وزنهم واعتبارهم .
زيدنا ... واشجينا لعلنا نعطيهم ما يستحقون في لحظة تجلي للضمائر .
تقديري وإحترامي أخي الشاعر / سمير الأمير

[غالب ياسين]

الصدق كهل كسيح
على وشه يتكفى
والكدب زى الريح
فى هوجة البحر
بيقلب الدفه
........................
كلمات عذبه موسيقيه
رائع ايها الامير
لك كل الشكر والتقدير:)