محمد فتحى السيد
24/04/2009, 08:00 PM
تلات قصاقيص
_____________
نصوص
أهديها الى روح استاذى العملاق
بيرم التونسى رحمه الله
______________
(1)
جوه دماغى الملحوسه
شايف الحياة معكوسه
توهت فى قلب المحروسه
وتعبت كتير من الكــوسه
وعشان تبقى بتنجان
صاحبت روح انســان
كان قاصص جسمه تلات قصاقيص
الأوله مصرى
والتانيه تونسى
والتالته فى باريس
كان جسده بيعجز يستوعب حجمه
مقــــدرش يشيله قـــــــــــام خلعه
الروح تتمدد فى هوايا
والحجم بيكـــبر جوايا
فى قلوب الناس العرقانه
وعـــيون الخلق الشقيانه
الروح تسحبـــــنى بخفه
للجسم هناك فى المنفى
بشويش بيحاولوا يفكوا طلاسمه
ابداع بتشيد اسمه
اتفجــر قلمه اهااااااات
والحبر يطرطش قطرات
دى دموع الناس الفقرا
على حزمة فجل من العشره بــقرش
ورغيف كان بايت على باب الشمس
الروح بتسيبنى لملــــــــيون روح
لبشر مطحونه ومعجونه بألام وجروح
بيقضـــوا الليـــــــــل بين هم وويل
والدمع يسيل لو هزت ثومه المنديل
القلب يــرف يـــرف
والحمل يخف يخف
جوه دماغى الملحوسه
شايف الحياه معكوسه
توهت فى قلب المحروسه
وتعبت كتير من الكــوسه
_____________
(2)
الاوله اه
والتانيه اه
والتالته اه
الاوله حبيت يا نور العين
والتانيه قالولى مهرك فين؟
والتالته كسروا ورايا زيرين
******************
الاوله اه
والتانيه اه
والتالته اه
الاوله نصرف ونتعلم
والتانيه الاهل تتألم
والتالته رقصنا ع السلم
*******************
(3)
الاوله اه
والتانيه اه
والتالته اه
الاوله مليم
والتانيه نص فرنك
والتالته ربع جنيه
الاوله
مليم واحد بس شبعنى
والتانيه
نص فرنك دلعنى
والتالته
ربع جنيه وجوعنى
الاوله
مليم واحد بس شبعنى وسد باب عالى
والتانيه
نص فرنك دلعنى عبرت الشط بخيالى
والتالته
ربع جنيه وجوعنى خلا الرخيص غالى
الاوله
مليم واحد بس شبعنى
وسد باب عالى امم الفيضان
والتانيه
نص فرنك دلعنى
عبرت الشط بخيالى يا بلدنا بالاحضان
والتالته
ربع جنيه وجوعنى
خلا الرخيص غالى واسودت الالوان
*********************
محمد فتحى السيد
_____________
نصوص
أهديها الى روح استاذى العملاق
بيرم التونسى رحمه الله
______________
(1)
جوه دماغى الملحوسه
شايف الحياة معكوسه
توهت فى قلب المحروسه
وتعبت كتير من الكــوسه
وعشان تبقى بتنجان
صاحبت روح انســان
كان قاصص جسمه تلات قصاقيص
الأوله مصرى
والتانيه تونسى
والتالته فى باريس
كان جسده بيعجز يستوعب حجمه
مقــــدرش يشيله قـــــــــــام خلعه
الروح تتمدد فى هوايا
والحجم بيكـــبر جوايا
فى قلوب الناس العرقانه
وعـــيون الخلق الشقيانه
الروح تسحبـــــنى بخفه
للجسم هناك فى المنفى
بشويش بيحاولوا يفكوا طلاسمه
ابداع بتشيد اسمه
اتفجــر قلمه اهااااااات
والحبر يطرطش قطرات
دى دموع الناس الفقرا
على حزمة فجل من العشره بــقرش
ورغيف كان بايت على باب الشمس
الروح بتسيبنى لملــــــــيون روح
لبشر مطحونه ومعجونه بألام وجروح
بيقضـــوا الليـــــــــل بين هم وويل
والدمع يسيل لو هزت ثومه المنديل
القلب يــرف يـــرف
والحمل يخف يخف
جوه دماغى الملحوسه
شايف الحياه معكوسه
توهت فى قلب المحروسه
وتعبت كتير من الكــوسه
_____________
(2)
الاوله اه
والتانيه اه
والتالته اه
الاوله حبيت يا نور العين
والتانيه قالولى مهرك فين؟
والتالته كسروا ورايا زيرين
******************
الاوله اه
والتانيه اه
والتالته اه
الاوله نصرف ونتعلم
والتانيه الاهل تتألم
والتالته رقصنا ع السلم
*******************
(3)
الاوله اه
والتانيه اه
والتالته اه
الاوله مليم
والتانيه نص فرنك
والتالته ربع جنيه
الاوله
مليم واحد بس شبعنى
والتانيه
نص فرنك دلعنى
والتالته
ربع جنيه وجوعنى
الاوله
مليم واحد بس شبعنى وسد باب عالى
والتانيه
نص فرنك دلعنى عبرت الشط بخيالى
والتالته
ربع جنيه وجوعنى خلا الرخيص غالى
الاوله
مليم واحد بس شبعنى
وسد باب عالى امم الفيضان
والتانيه
نص فرنك دلعنى
عبرت الشط بخيالى يا بلدنا بالاحضان
والتالته
ربع جنيه وجوعنى
خلا الرخيص غالى واسودت الالوان
*********************
محمد فتحى السيد