د0 احمد فنديس
10/01/2007, 11:03 PM
منذ طفولته وهو يعرف أن تمثال إبراهيم باشا الكائن بميدان الأوبرا بالقاهرة يشير بذراعه اليمنى الممدودة فى اتجاه فندق شهير يقع فى مواجهته تقريباً0وفى أحد الأيام فوجئ مخلص بالتمثال وقد طوى ذراعه0تعجب من هذا التغير الذي طرأ عليه فجأة فقرر أن يعرف سر ذلك00ذهب اليه00هاله اكتئابه فسأله :
ـ لماذا طويت ذراعك إلى جنبك وعهدنا بك أنه ممدود ؟ هل مللت أضواء "فلاشات" كاميرات المصورين المتجولين الذين يتسكعون حولك لالتقاط الصور التذكارية للغرباء عن القاهرة فأردت أن تحمى عينيك من ضوئها المبهر ؟
ـ اسمع يابنيّ0قال تمثال ابراهيم باشا بوجه عابس0الضوء لا يؤلم عينيّ بل يؤلم عيون البشر0إذا كان عندهم إحساس 0
ـ عاد مخلص يسأل00هل طويت ذراعك من التعب بعد أن ظل ممدودا لسنين طويلة ؟
أجاب التمثال وقد علا وجهه المعدني ملل من تطفل ابن آدم :
ـ شوف يابنى0أنا بصراحة نفسي أمشـى من المكان اللي أنا فيه ده لولا إن الحصان اللي أنا راكبه مغروس فى كتلة صخرية تمنعه من الحركة 0
ـ سأله مخلص مفتخرا : ليه؟0حضرتك رمز من رموز قوة مصر وعظمتها 0
ـ بصراحة0قال التمثال وقد اكتسى وجهه بحزن عميق0أنا سمعت إشاعة بتتهمنى زوراً وبهتاناً بأنني سبب كارثة ثقافية وحضارية لمصر0رغم إن أسرتي بنت لمصر أمجادا كتيرة تلقاها مكتوبة فى كتب التاريخ
ـ إشاعة إيه ؟ سأله مخلص مندهشا 0
أجاب التمثال بعد أن أحس بتعاطف مخلص معه وتصميمه على معرفة سر ما حدث له :
ـ إمبارح بالليل قعد على الكرسي اللي قدامى ده اتنيـن أفندية0فضلوا يتكلموا مع بعض فى موضوعات كتيرة ماتهمنيش0لذلك لم أشغل نفسي بحديثهما0كمان كان صوت العربيات مغطى على صوتهم0وعوادم السيارات كادت تخنقني 000
وبعدين ؟ قالها مخلص مستحثا التمثال على الاستمرار فى إيضاح سبب ألمه :
ـ وبعدين شويه ودوشة العربيات خفت فقلت أتونس بيهم واسمع شويه من أحاديث القرن العشرين0طبعا انت عارف إن أنا من أهل القرن التاسع عشر0دمى اتحرق0أكمل منفعلا0آل إيه بيتهمونى إنني السبب فى حريق دار الأوبرا0الدار اللي بناها واحد من عيلتنا بمناسبة افتتاح قناة السويس0زى ما إتعلمتوا فى كتب التاريخ 0
تساءل مخلص متعجبا : ازاى تحرقها وانت تمثال ؟
أجاب التمثال وكأنه يربت على كتفيّ مخلص بكلمات رقيقة :
ـ يابنى هما ما قالوش إنني اللي أشعلت الحريق0دول قالوا إنني السبب فى عدم وصول المطافى إلي دار الأوبرا عند احتراقها 0
صعق مخلص وقال : لعلمك يا باشا لم تكن هناك حاجة إلي تحـرك المطافى إلي مكان الحريق إذ كان يمكنها إطفاؤه من مقرها الواقـع على بعد بضع عشرات من الأمتار من الدار0
هنا وجه التمثال إلى مخلص نظرة حادة تنبئ عن قرب انفلات أعصابه وضيقه بتطفله وصهل حصانه تأففا وتذمرا من أسئلة مخلص ومن عوادم السيارات0خيّل لمخلص أن أبو اصبع على وشك أن يضربه فقال له مستعطفا : أمال إيه اللي حصل ؟
ـ آل إيه أل لما المطافى جت تطفي الحريق راحت على دار القضاء العالي مش علي دار الأوبرا 0
تعجب مخلص متسائلا وهو يكتم ضحكة حاولت الهروب من بين شفتي : ازاى ؟
ـ طبعا ما كانش قدام دار الأوبرا ساعة الحريق إلا أنا لأن كل البشر اللي عندهم إحساس هربوا من النار0شويه وِجه المسئول عن المطافى وسألني : فين النار يا باشا؟ وقبـل أن أجيب عن سؤاله تحرك بجنوده وسياراته بعيدا عن موقع الحريق0
وبعدين0سأله مخلص متلهفاً أن يكمل القصة ؟
ـ الصبر يابنى0مالكوا ياولاد القرن العشرين0حاضر ياسيدى0بعد أن أكلت النار الدار0أكمل التمثال وهو يهز رأسه المعدنيّ في أسى0رجع المسئول اللي سبق وسألني وعلى وجهه علامات الخيبة وشتمني ولعن جدودي ـ تصور يابنى ـ رغم إنني كنت ظابط أقدم منه فى الرتبة !!
ـ مالوش حق0وقبل أن يكمل مخلص تعليقه أكمل التمثال وقد أوشكت عبرات معدنية أن تغادر مقلتيه لولا كرامته العسكرية :
ـ إخص عليك يا باشا0كدا تحرق الأوبرا0بقى أسألك فين الحريق علشان ماكانش موجود هنا إلا انت تقوم تشاور لى فى اتجاه مضاد0انت السبب فى حريق الأوبرا0دا كلام المسئول0ثم نظر التمثال إلي مخلص فى أبوة الأجداد وحنوهم علي أحفادهم 0عشان كدا أنا بأقصر الشر وألم دراعى بدل ما يتهمونى بتهمة جديدة 0
وقبل أن يظهر مخلص تعاطفه مع التمثال تنهد الأخير قائلا: استريحت يابنى0عرفت ليه أنا لميت دراعى جنبى ومش ها أشاور على أى اتجاه0خاصة فى اتجاه الفندق المواجه لى الآيل للسقوط 0
ـ معاك حق0قالها مخلص وهو يحاول اقناع تمثال ابراهيم باشا بسلامة موقفه : بس لازم صباعك يبان لانك معروف لنا بأبو اصبع 0
ـ فى اتجاه واحد0قال التمثال مشترطا :
ـ فين ؟ تساءل مخلص متعجبا !!
ـ نحو السماء0أكمل التمثال متنهدا
ـ لماذا ؟
ـ لأدعو ربى ساعتها أن يعيدنى للحياه تاني لو حصل أى شيء جديد علشان أقدر أنفد بجلدى0
0000000000
مهداة للكريمة إيمان الحسيني
نشرت بمجموعة العابر والتماثيل 1999
ـ لماذا طويت ذراعك إلى جنبك وعهدنا بك أنه ممدود ؟ هل مللت أضواء "فلاشات" كاميرات المصورين المتجولين الذين يتسكعون حولك لالتقاط الصور التذكارية للغرباء عن القاهرة فأردت أن تحمى عينيك من ضوئها المبهر ؟
ـ اسمع يابنيّ0قال تمثال ابراهيم باشا بوجه عابس0الضوء لا يؤلم عينيّ بل يؤلم عيون البشر0إذا كان عندهم إحساس 0
ـ عاد مخلص يسأل00هل طويت ذراعك من التعب بعد أن ظل ممدودا لسنين طويلة ؟
أجاب التمثال وقد علا وجهه المعدني ملل من تطفل ابن آدم :
ـ شوف يابنى0أنا بصراحة نفسي أمشـى من المكان اللي أنا فيه ده لولا إن الحصان اللي أنا راكبه مغروس فى كتلة صخرية تمنعه من الحركة 0
ـ سأله مخلص مفتخرا : ليه؟0حضرتك رمز من رموز قوة مصر وعظمتها 0
ـ بصراحة0قال التمثال وقد اكتسى وجهه بحزن عميق0أنا سمعت إشاعة بتتهمنى زوراً وبهتاناً بأنني سبب كارثة ثقافية وحضارية لمصر0رغم إن أسرتي بنت لمصر أمجادا كتيرة تلقاها مكتوبة فى كتب التاريخ
ـ إشاعة إيه ؟ سأله مخلص مندهشا 0
أجاب التمثال بعد أن أحس بتعاطف مخلص معه وتصميمه على معرفة سر ما حدث له :
ـ إمبارح بالليل قعد على الكرسي اللي قدامى ده اتنيـن أفندية0فضلوا يتكلموا مع بعض فى موضوعات كتيرة ماتهمنيش0لذلك لم أشغل نفسي بحديثهما0كمان كان صوت العربيات مغطى على صوتهم0وعوادم السيارات كادت تخنقني 000
وبعدين ؟ قالها مخلص مستحثا التمثال على الاستمرار فى إيضاح سبب ألمه :
ـ وبعدين شويه ودوشة العربيات خفت فقلت أتونس بيهم واسمع شويه من أحاديث القرن العشرين0طبعا انت عارف إن أنا من أهل القرن التاسع عشر0دمى اتحرق0أكمل منفعلا0آل إيه بيتهمونى إنني السبب فى حريق دار الأوبرا0الدار اللي بناها واحد من عيلتنا بمناسبة افتتاح قناة السويس0زى ما إتعلمتوا فى كتب التاريخ 0
تساءل مخلص متعجبا : ازاى تحرقها وانت تمثال ؟
أجاب التمثال وكأنه يربت على كتفيّ مخلص بكلمات رقيقة :
ـ يابنى هما ما قالوش إنني اللي أشعلت الحريق0دول قالوا إنني السبب فى عدم وصول المطافى إلي دار الأوبرا عند احتراقها 0
صعق مخلص وقال : لعلمك يا باشا لم تكن هناك حاجة إلي تحـرك المطافى إلي مكان الحريق إذ كان يمكنها إطفاؤه من مقرها الواقـع على بعد بضع عشرات من الأمتار من الدار0
هنا وجه التمثال إلى مخلص نظرة حادة تنبئ عن قرب انفلات أعصابه وضيقه بتطفله وصهل حصانه تأففا وتذمرا من أسئلة مخلص ومن عوادم السيارات0خيّل لمخلص أن أبو اصبع على وشك أن يضربه فقال له مستعطفا : أمال إيه اللي حصل ؟
ـ آل إيه أل لما المطافى جت تطفي الحريق راحت على دار القضاء العالي مش علي دار الأوبرا 0
تعجب مخلص متسائلا وهو يكتم ضحكة حاولت الهروب من بين شفتي : ازاى ؟
ـ طبعا ما كانش قدام دار الأوبرا ساعة الحريق إلا أنا لأن كل البشر اللي عندهم إحساس هربوا من النار0شويه وِجه المسئول عن المطافى وسألني : فين النار يا باشا؟ وقبـل أن أجيب عن سؤاله تحرك بجنوده وسياراته بعيدا عن موقع الحريق0
وبعدين0سأله مخلص متلهفاً أن يكمل القصة ؟
ـ الصبر يابنى0مالكوا ياولاد القرن العشرين0حاضر ياسيدى0بعد أن أكلت النار الدار0أكمل التمثال وهو يهز رأسه المعدنيّ في أسى0رجع المسئول اللي سبق وسألني وعلى وجهه علامات الخيبة وشتمني ولعن جدودي ـ تصور يابنى ـ رغم إنني كنت ظابط أقدم منه فى الرتبة !!
ـ مالوش حق0وقبل أن يكمل مخلص تعليقه أكمل التمثال وقد أوشكت عبرات معدنية أن تغادر مقلتيه لولا كرامته العسكرية :
ـ إخص عليك يا باشا0كدا تحرق الأوبرا0بقى أسألك فين الحريق علشان ماكانش موجود هنا إلا انت تقوم تشاور لى فى اتجاه مضاد0انت السبب فى حريق الأوبرا0دا كلام المسئول0ثم نظر التمثال إلي مخلص فى أبوة الأجداد وحنوهم علي أحفادهم 0عشان كدا أنا بأقصر الشر وألم دراعى بدل ما يتهمونى بتهمة جديدة 0
وقبل أن يظهر مخلص تعاطفه مع التمثال تنهد الأخير قائلا: استريحت يابنى0عرفت ليه أنا لميت دراعى جنبى ومش ها أشاور على أى اتجاه0خاصة فى اتجاه الفندق المواجه لى الآيل للسقوط 0
ـ معاك حق0قالها مخلص وهو يحاول اقناع تمثال ابراهيم باشا بسلامة موقفه : بس لازم صباعك يبان لانك معروف لنا بأبو اصبع 0
ـ فى اتجاه واحد0قال التمثال مشترطا :
ـ فين ؟ تساءل مخلص متعجبا !!
ـ نحو السماء0أكمل التمثال متنهدا
ـ لماذا ؟
ـ لأدعو ربى ساعتها أن يعيدنى للحياه تاني لو حصل أى شيء جديد علشان أقدر أنفد بجلدى0
0000000000
مهداة للكريمة إيمان الحسيني
نشرت بمجموعة العابر والتماثيل 1999