حلمى فيك ينهار قصيدة بالعامية المصرية

[الشاعرمحمدأسامةالبهائي]

صعب حلمي فيك ينهـار
وف لحظة يفصل مابــيـــــننا جدار
وأنا اللى عشقتك بروحي
تــــاخد روحي ليه للنـــــــــار
اهو لف الزمن بـيـنــــــا ودار
وعــرفت ميـن فيـــنا الغــدار
كدبك أنكتب عليــــــــــا
جرحـك مش هايزيدنى انكسـار
حيرتنى أكتر ما صعبت المشــــــوار..وصعب

صدقتك وأنت بتكدب عليـــــــــــا
كنت حاسة اللحظة دي جــايــــــة
لحظة بكل اللى فات عليــــــــا
يــــاريتنى صدقت أحســاسى
و لا أنـــك تشوفني بآسي
وتـايها بنـار قلبى المحـتـــــــــار
اهو لف الزمن بـيـنــــــا ودار
وعــرفت ميـن فيـــنا الغــدار
كدبك أنكتب عليــــــــــــا
جرحـك مش هايزيدنى انكسـار
حيرتني أكتر ما صعبت المشــــــوار.... وصعب

مش نسيا لك قلبى لما حلى لك خداعه
مش ها هرب م الفراق لعذابي وأوجــــاعه
والحب اللى أنت رضيت وداعــه
ماعـادش مكان فى قلبى هيساعه
ولاها يفكر فى اللى هجرني وباعه
اهو لف الزمن بـيـنـاودار
وعــرفت ميـن فيـــنا الغــدار
كدبك أنكت عليـــــــا
جرحـك مش هايزيدنى انكسـار
حيرتني أكتر ما صعبت المشــــــوار.... وصعب
*******************************
الشاعر
محمد أسامة البهائي

[د. جمال مرسي]

عمري ما كنت ف. يوم غدار
و لا كان هجرِك شيء بإديّا
دنيا و قسيت ياما عليّا
و زادها غيابك .
كنت اتنمى أجيب الشمس و أقدمهالِك
أحلى هديه
لكن الحلم الاخضر كان يتكسر
مليون مرة
على أعتابك

المبدع محمد أسامة
يسعدني أن أكون أول معانق لغنائيتك الجميلة
و أسعد دوما بأن أكون في صفحاتك
تقبل مودتي و تقدير
د. جمال

[الشاعرمحمدأسامةالبهائي]

د.جمال
دورت عالكمال
قالوا الكمال نعمه
مع إن الكمال لله
جروحى لسه ملتئمه
مشرط الجراح طالنى
وكلمة طبيبى جمال
علمتنى م الحروف كلمة
ياساقى ورد الخيال
بليت ريقى وبلتنى
*****
مع كل التقدير
د.جمال
ومتشكرلك
أخوك
محمدأسامة

[د. جمال مرسي]

شوف يا أسامة
و اوعى تلومني اي ملامة
عمر الحب لوجه الخالق ما يتبدد
أبداً
أبداً
تلقاه يوم عن يوم يتجدد
و انا حبيت طبعك و اللهِ
حبيت قلبك
اللي في حب الخير ما اتردد
و اللي قلوب الناس بيه تسعد
خليك دايماً زي ما شوفتك أول مرة
و أنا وياك راح نبني لبكره
شعر عميق معناه و الفكره
علشان نسقي ولادنا الخير
و نعلمهم
ايه معنات الكلمة الحرة


و نهارك جميل يا جميل

[عبلة محمد زقزوق]

كلمه قصاد كلمه
مُش راح أطولها عليك
" مهما زمانك آسى عليك
بكره يجيلك بفرحة كبيره
تملى الدنيا عليك " .

تحياتي لغنائيتك الممتعة أحي الشاعر / محمد أسامة البهائي
مع تقديري لحزن وألم الحرف فيها .

[الشاعرمحمدأسامةالبهائي]

الأخت / عبلة بنت بلادى
مرورك النهارده مش عادى
نورنى القصيدة والنهار نادى
واخيرا أخيرا ياأم الطبع هادى
هليتى وشديتى على الأيادى
تسلمى ياأم الحس شادى
*******************
شكرى وتقديرى
أخيك
الشاعر محمدأسامة

[الشاعرمحمدأسامةالبهائي]

د. جمال
الله عليك وعلى بساطة أولاد النيل
الله على وفاء الأصحاء المتعقلين
( لأنى فعلا مابحبش الدمامل والمتنشيين)
مرحبا بك بين زراعيا ومرحبا بك بصدرى
ترحيبا يتسع ليصل قلبى وبأخلاص المخلصين
(اللهم صلى على الحبيب
شفيعى ومطفى اللهيب
ويارب الزيارة عن قريب
لاجل ماتملا بمسك الحبيب
وادعى للحبايب كلاتهم
حبيب حبيب
تسعد الأمة وتخرجهم
من الكرب العصيب )
************************
من حبيب لحبيب
د. جمال
وأشكرك
أخوك
محمدأسامة

[زاهية بنت البحر]

وجدت نفسي أرد هنا بهذه القصيدة العتيقة التي نظمتها في وقت ما فقد حزنت على الفتيات والله وعلى قلوبهن الطيبة ..

ماتطلب مني إلا=يللي بحقك معقول
شوبدك يعني هالقلب=يتقبل ظلمك على طول
أبدًا أبدًا يامعذبني=ظلمك هيدا مش معقول
كنت عيوني المابغمضها=إلا عاطيفك وبنام
وكنت القلب اللي بدقاته =عم تحلا فيها الأيام
وكنت الفكر اللي محيرني=مخلاني بحبك مشغول
لكن إني رخِّصْ قلبي=أبدًا أبدًا مش معقول
استنيتك لمَّا ابعتلي =وقلتلي قلبك مشتاق
وزينتلي الزمن الجايي =وسيجته بود وأشواق
ولمَّا طوَّلْ بعدك عني =وبلَّش سهري وليلي يطولْ
صحاني ظلمك من وهمي=وقلي هيدا مش معقول
شعر
بنت البحر

[الشاعرمحمدأسامةالبهائي]

رقيقة الحس العالى قوى قوى قوى
زاهيـــة
الفكر والحضور
ردك الأبداعى فكرنى بقصيدة فى( منحى غير عاطفى)
مع أنها غارقة فى صميم عواطفنا ومشاعرنا لبلدنا مصر
كنت أقول فيها هذا المقطع
مرمى فى حضنك...... ماتدفيش
اعشق فيـكى....... وماتحسيش
سايبه عوازل تنهش فيا
وتنهش فيكى
وشايفه بعينك مانتقطيش.........كلك طيش
عايزة الجد.......وجد الجد.... ومابدأتيش
باينه القصة زى الشمس
ومش محتاجه كلام بالهمس
ولا وشوشه ف ودان الناس
كلنا حبـيبه كلامنا بهمس
اللى عنـينــا تشـوفه اليوم
نفسو اللي شــافته بالأمس
ومن قبل مايجى اليوم والأمس
ماشيين ماشيين والسكة
السكة عذابنا بالممنوع
ممنوع و فى عز ألام موجوع
حد يخطى في الممنوع
************
لك مودتى وتقديرى
أخيك الشاعر محمدأسامة