المساعد الشخصي الرقمي

مشاهدة النسخة كاملة : لكنى مش سرحان ...!!!


عمرو عبدالرؤوف
19/02/2007, 08:36 PM
مش فاكر كنا فين ماشيين
وحدى ومش وحدى
سرحان ، لكنى مش سرحان
قالى :
تفتكر نلحق !!!
قلتله :
كل من عليها فان
وانا لسه ف غربتى
وحدى ومش وحدى
سرحان ، لكنى مش سرحان

**
مش فاكر شفنا ايه ولا فين
شىء كده ... جميل وأخضر
قالى :
إللى يعيش ياما يشوف
قلتله :
واللى يموت هيشوف اكتر
وانا لسه ف غربتى
وحدى ومش وحدى
سرحان ، لكنى مش سرحان
د. جمال مرسي
24/02/2007, 11:36 AM
يبقى خليك سرحان و مش سرحان يا عمرو
لأنك لما تسرح .. هيسرح بيك الخيال
و لما تفوق من السرحان هتترجم الخيال بقلم جميل لواقع ملموس
جميلة الحالة دي
مودتي
عمرو عبدالرؤوف
24/02/2007, 07:55 PM
يبقى خليك سرحان و مش سرحان يا عمرو
لأنك لما تسرح .. هيسرح بيك الخيال
و لما تفوق من السرحان هتترجم الخيال بقلم جميل لواقع ملموس
جميلة الحالة دي
مودتي


وانت اجمل استناذنا الكبير :)
عاجبنى ترجمتك للسرحان :)

وسعيد جدا لاطرائك بقلمى المتواضع

خالص محبى وتقديرى :fl:
زاهية بنت البحر
24/02/2007, 11:44 PM
أنا لما بسرح بخيالي بخاف إني أسرح
وماعادش لاقي عقلي ف أيها مطرح
عشان كده ألقيني بشد العقال
وما اسمحش يسرقني مني الخيال
ويتوه بيا ويتوهني عبر المحال
وياما سمعنا ياما عن ناس عاقلين
فلحظة سرحان صاروا مجانين
وانا مالي بالسرحان الطياري
وليه أكتب م الخيال أشعاري
مادمت عارفة أنو السرحان
مالهوش مع الإنسان عهد أمان؟
والاإيه رأيك ياعم عمرو بدا الأمر؟
دمت بخير وأفكارك كلها سحر
أختك
بنت البحر
عمرو عبدالرؤوف
25/02/2007, 04:36 AM
أنا لما بسرح بخيالي ...
بخاف إني أسرح
ومن خاف سلم ...
من كلام كتير يجرح
وخيالى بجد
رغم البعد
احلى مطرح
فى الحقيقة
كلمة الحق كتير مره
والباطل...
ماسك ع الحق ذله
اصله خلاص
الحق اتقسم نصين
والوش بقى وشين
والكل طلع ع المسرح
يمثل
و ع الحبال يتمرجح
قلت انا اسيب الحقيقة
وف الخيال اسرح
ومين اللى قال ...
ف السرحان جنان ؟؟؟
يا استاذة زاهية
مفيش عاقل مش بيسرح
مفيش عاقل ابدا
مش بيسرح



شكرا استاذة زاهية على مرورك الرائع :fl: