أحبك بالقوي قصيدة بالعامية المصرية

[الشاعرمحمدأسامةالبهائي]

كنت زمان وزمـان ده مـش زمـان قـوى

كنت بحب أعمـل علـى صحابـي فهلـوى

وصحابي كان فيهـم الجـرئ وال منـزوي

عرفت صاحب يباري وصاحـب منطـوي

كان التاني يزعل م الأولاني لو هزر بالقوي

مع إن الأولانى هوا اللى علمنى أعمل فهلوي

والتانى كان موته وسمه م المشـي الملتـوي

لاتعرف تخش راسه ولا تعرف علي إيه نوى

ياما فاجئني بحكايات لا تتقـال ولاتتـروي

مع إني واضح وبسيط للبعيـد وللـى دنـي

صاحبت صحابي الوحش فيهم واللـى حلـي

وادينا اتفرقنا أيشي واطـى وأيشـي علـي

مخدناش غير نصيبناويابخته اللـى رضـي

العمر فات زى الشريط متلعبك على ملتـوي

لاقدرت أفرد طولي ولاقدرت أكون منطـوي

فاتح للخلق باب قلبى للكاره واللـى غـوي

مسالم وف حالى وعايش رغم قلبي المنكوي

مغرم بناسي وصحابي اللى لقيته واللى جري

ولو إن الحب شاحح دور عليه حتي لو غلي

ولاحق في الديابه اللى بيعض واللي عوي

دا نور الحق ياجماله والأجمل لو ضوي

ماتبقاش حياتنا هموم وتكشر للدنيا وتتلوي

وتسيب قلبك بيأسه ينشف من غير مايرتوي

أروي قلبك وتعالي أصاحبك وأحبك بالقوي

من غير ماحد فينا يعمل ع التاني فهلوي


*************
الشاعر
محمدأسامةالبهائي
مصر

[بنت الشهباء]

أخي الكريم الفاضل
الشاعر محمد أسامة البهائي
بالرغم من أنني لا أجيد الكتابة في العامية , لكن حين قرأت ما نثرته يمناك من درر وكنوز بديعة ...
لم أشأ إلا أن أعبر لكَ عن شكري وامتناني بهذه القصيدة التي تحمل لنا كثير من العبر والمواعظ ...
إنها بكل معانيها تحمل لنا قصة الحياة مع الإنسان ...
كيف كان صغيرا لا يفقه من أمور الدنيا شيء لأن الطهر والبراءة كانت تحوطه ... ومن ثم كبر وكبرت معه الهموم والآلام ..
ومع ذلك نراه ينشر شذا حبه , ولا يحب إلا أن يكون صديقا ودودا لكل من حوله ....
ما أجمل هذا الصدق الذي يحمله بين ثنايا قلبه !!..
مخدناش غير نصيبناويابخته اللـى رضـي
لاقدرت أفرد طولي ولاقدرت أكون منطـوي

فاتح للخلق باب قلبى للكاره واللـى غـوي

مسالم وف حالى وعايش رغم قلبي المنكوي

نعم يا أخي والله !!..
كل واحد منا لا يأخذ إلا نصيبه من الدنيا , ولكن يكفي أن نطهر قلوبنا من الرياء والنفاق والكذب لنصل إلى محبة الناس لنا ..

[الشاعرمحمدأسامةالبهائي]

من غير
بنت الشهباء
يستنبط بالقراءة الثاقبة
معانيها تحمل لنا قصة الحياة مع الإنسان
صغيرا لا يفقه من أمور الدنيا شيء
يحوطه الطهر والبراءة
ومن ثم كبر وكبرت معه الهموم والآلام
أن يكون صديقا ودودا لكل من حوله
مغرم بناسي وصحابي
اللى لقيته واللى جري
ولو إن الحب شاحح
دور عليه حتي لو غلي
ولاحق في الديابه اللى
بيعض واللي عوي
دا نور الحق ياجماله
والأجمل لو ضوي
ماتبقاش حياتنا هموم
وتكشر للدنيا وتتلوي
وتسيب قلبك بيأسه
ينشف من غير مايرتوي

*********

بكل الصدق أعترف
أنك ياأختاه محترمة
لاللكلمة فقط بل وللفكرة
فأنت القدوة
ونعم القدوة الحسنة
***************
أشكرك الشكر العميق وبما يليق
أخيك
الشاعر
محمدأسامةالبهائي