وحشتيني

[د. جمال مرسي]

وحشتيني

شعر : د. جمال مرسي

وحشتيني..
وبُعدي عن عنيك السودْ..
على عيني .
وحشتيني ..
وشوقي كل يوم بيزيدْ ..
لأحلى خدودْ..
تزينها نجومْ وورودْ..
وصوتكْ لو يصحيني.

وحشتيني.
وحشني الهمس في همسكْ .
ونبض الحب في حِسِّكْ .
وغيرتي لو نسيم الصبحْ ...
يا عمري...
في يوم مسِّكْ.
أنا بكره اللي جاي ليكِ
أنا يومكْ .
أنا أَمسكْ .
وبعدي عن دفا قلبك بيكويني

وحشتيني
بجد بقول وحشتيني
و إيه يرضيك يرضيني .
وتفديكِ عيون القلبْ ..
تفديكِ شراييني
وعين ما شافتشْ غير حسنكْ .
بتشهد لكْ ..
وكل الكون بيشهد لكْ ...
بإنكْ شمس في جبيني .

وحشتيني
ولما في يوم أعود ليكِ
وأحط اديا في إديكِ
وابدأ خطوتي بيك ..
وأضمك ضمت المشتاق ..
تضميني.
وترويني .
ومين غيرك هيرويني
ومين زيك هيسقيني
وأنا العطشان و طال بعدي
و حبك أغلى شيء عندي
يا ست الحسن يا بلدي

[هشام النعال]

ما اعزب كلماتك ايها المبدع

التى تفيض رقه وحنان ومشاعر تغمر الوجدان

لك منى اعظم تحية ودام ابداعك

[عبلة محمد زقزوق]

كلمات غزلية توحي لنا بمدى الشوق العارم بقلبك أيها الشاعر المتيم والمنتمي بالدم والعرق والاصالة لأرض الوطن .
أعادك الله مظفراً ميموناً لحضن هذا الوطن
محبتي لكلمات تشي بعميق المحبة للوطن ... فجميعنا له فداء :fl:

[عبد العلي فيلالي بالحاج]

صورتك في عيني
تملا الكون
وما اعبد وديني
ذا مش جنون
وكل شيء فيك يهون
يا وطني
والمسافة الي بينك وبيني
شفتش مشتاق
وهو بين احضان حبيبو
شفتش ولهان
بين اديه طبيبو
وكل الناس عمالين يعيبو
وفسرتو يجيبو
ويقةلوا بياع المية عطشان

[الشاعرمحمدأسامةالبهائي]

أخي الشاعر المبدع
الجميل
وحشتيني
جمعت حواليك الحبايب
خفت لومالحقتليش نايب
ويرجع ودك ليا يقل
وعقلي في راسي يولي يفل
ونقول ماكان م الأول
ليه الغياب ده بيطول
وياخوفي يادكتر لتهول
وتقول عليا نساي
ولا أخينا دا حبنا إذاي؟؟؟

ربنا هو اللي يعلم ..والله العظيم
وحشتيني حلوة
بس انا بصوت الفنان عايز الجامد الأجمد
طلع يادكتر ماتبخلش علينا
ولا أروح مكتبة (د.جمال مرسي) أجيب أنا منها اللى علي الكيف.
( أهي قريبة علي الناصية ومش بعيدة)
وانت عارفني ...هه عاتجيب الجامد ولا ..هه ؟؟

[د. جمال مرسي]

أخي الشاعر المبدع
الجميل
وحشتيني
جمعت حواليك الحبايب
خفت لومالحقتليش نايب
ويرجع ودك ليا يقل
وعقلي في راسي يولي يفل
ونقول ماكان م الأول
ليه الغياب ده بيطول
وياخوفي يادكتر لتهول
وتقول عليا نساي
ولا أخينا دا حبنا إذاي؟؟؟

ربنا هو اللي يعلم ..والله العظيم
وحشتيني حلوة
بس انا بصوت الفنان عايز الجامد الأجمد
طلع يادكتر ماتبخلش علينا
ولا أروح مكتبة (د.جمال مرسي) أجيب أنا منها اللى علي الكيف.
( أهي قريبة علي الناصية ومش بعيدة)
وانت عارفني ...هه عاتجيب الجامد ولا ..هه ؟؟

و الله يا بو حميد هو ده اللي عند أخيك
انا ما خبيش عنك
و اهي المكتبة قدامك انت عارفها
و زي ما انت عارف أنا لا أعتمد على العامية كتير
لكن بحاول أشارككم باللي أقدر عليه
لكن عموما
و انت رايح المكتبة خد بالك من محل العصير اللي على اليمين
وحش .. اوعى تشرب من عنده
مساؤك سكر يا قمر:fl:

[د. جمال مرسي]

ما اعزب كلماتك ايها المبدع

التى تفيض رقه وحنان ومشاعر تغمر الوجدان

لك منى اعظم تحية ودام ابداعك

أخي هشام
شكرا لك على مرورك الجميل
و كلماتك الرقيقة
و تقبل ودي

[هري عبدالرحيم]

أخ د.جمال مرسي:
كل شعرك على بعضه حلو
وأنت كلك على بعضك غاوي ابداع
تحية تليق بالمقام.

[الشاعرمحمدأسامةالبهائي]

و الله يا بو حميد هو ده اللي عند أخيك
انا ما خبيش عنك
و اهي المكتبة قدامك انت عارفها
و زي ما انت عارف أنا لا أعتمد على العامية كتير
لكن بحاول أشارككم باللي أقدر عليه
لكن عموما
و انت رايح المكتبة خد بالك من محل العصير اللي على اليمين
وحش .. اوعى تشرب من عنده
مساؤك سكر يا قمر:fl:

بلغة أولاد البلد
اللي أحنا أنا وأنت نعرفهم
( الصلا ع الصلا .. والطيبة مئصلا
وحلاوة قلوبنا ع الحب موصلا
الباب مفتوح لك وشيلت ال م ف ص ل ا )
محمدأسامة

ومليون سلام
علي حلو الكلام

[عمرو عبدالرؤوف]

ومين غيرك هيرويني
ومين زيك هيسقيني
وأنا العطشان و طال بعدي
و حبك أغلى شيء عندي
يا ست الحسن يا بلدي


جمال
وجمال ع الجمال
كلمة...
ولابد تنقال
يا ست الحسن يا بلدى
عندى لنخلتينك ...
موّال
ومليون سؤال ؟؟؟؟؟؟؟
جوابهم على عينى
أوّلهم وحشتينى
وآخرهم وحشتينى
وحياة النيل...
اللى بيجرى فى شرايينى
لأعود يا بلدى من تانى
ولو حتى إتقال...
ان العيون السمر فيكى إتلوّنوا
وان القمر...
هاجر ليالى الحب والسمر
ولو حتى إتقال...
ان الجبال ...
فيكى من غير تلال
مُحال...
مرجعش من تانى
وانتِ اسمى
وسنّى
وعنوانى


محبتى وتقديرى