حابب قصيدة بالعامية المصرية

[الشاعرمحمدأسامةالبهائي]

قصيدة بالعامية المصرية

حابب
*****
حابب تقرب من قلبي .......قرب وأدخل جواه
حابب تقول اللى ف قلبك ...قوله دأنا باتمنـاه
دانا قلبى واهبو للمحبـة
وكل عاشق بقلب صافى
يميل له قلبى أعشقه وأهواه
وأشيله ف قلبى من جواه

عشق القلوب إن قدر عافى
لو حنة فى الكفوف دافى
لو أتوشم ع الأيدين يعافى
وكافي فى لم القلوب كافي
ياشـهد على عسل صافى
قربى ماتخافى
دانا حابب

حابب أشيلك على صدري
وأحمـلك على كتـافى
وإن ماضميتك لحضنى
حضن الحبيـب دافى
ياشهد على عسل صافى
قربى ماتخافى
دانا حابب

حابب أصبـح ع الوشوش
اللى باتت تعشش على خلها
وأحب أطبطب ع الصبـية
اللى إن تغيب تئـامن لها
وتخلي قلبي مايكونش جافي
ياشـهد على عسل صافى
قربى ماتخافى
دانا حابب

حابب أقول دا القول لأهله
وقلب الزين يازين أهـله
بيدور ع العشق وبيندهله
فى قلبك الخير وتستاهله
دنا قلبي نادر ولازمن يوافي
ياشهد على عسل صافى
قربى ماتخافى
دانا حابب

حابب قلبى يشوف وعده
يـافرحة عمرى وسـعده
لجلك العشـق يفوق حده
دانا عاشق حبيبتى مد يده
وقلب الحبيبة إن خلص وافي
ياشـهد على عسل صافى
قربى ماتخافى
دانا حابب
*************
الشاعر
محمد أسامة البهائي
مصر

[د.ابراهيم ابوزيد]

الله الله شاعرنا محمد أسامة البهائي

ياشـهد على عسل صافى

ما اروع جمال الحب

منسابا من نهر كلماتك

دمت بحب

وصباحك سكر

[عبد العلي فيلالي بالحاج]

الله الله على قول استاذنا الدكتور ابراهيم
انا شايف ان القلوب دية فحد داتها آية من آيات الله
لما تحب ولا تكره حتى
بس بصراحة بصراحة انت عبرت بحلاوة بشكل
ماهيش بالعقل -على حد غنامحمد قنديل-
اخاف عليك من هجوم مكتف من الي بالي بالك :laugh: :laugh:
:fl: :fl: :fl: :fl:

[هشام النعال]

اخى المبدع

كلماتك نهر من المشاعر الرقيقة

متجدد لا ينضب

فلا تحرمنا من هذا الابداع

دمت بحفظ الرحمن

[الشاعرمحمدأسامةالبهائي]

الله الله شاعرنا محمد أسامة البهائي
ياشـهد على عسل صافى
ما اروع جمال الحب
منسابا من نهر كلماتك
دمت بحب
وصباحك سكر


أشكرك إبراهيم بيه
وكلماتك الداعمة والمحفزة
فأنت خلوق ومبدع
وتشعر بوقع الكلمات الرائعات
علي شاعر علي قد حاله مثلي
ياشهد علي عسل صافي
ياصباح الطيبة
وأحلي أحترام
لأخي
الدكتور إيراهيم أبوزيد
دمت بآمان الله وحفظه

[الشاعرمحمدأسامةالبهائي]

الله الله على قول استاذنا الدكتور ابراهيم
انا شايف ان القلوب دية في حد ذاتها آية من آيات الله
لما تحب ولا لما تكره
بس بصراحة بصراحة انت عبرت بحلاوة بشكل
ماهيش بالعقل - على حد غنا محمد قنديل -
اخاف عليك من هجوم مكثف من الي بالي بالك :laugh: :laugh:
:fl: :fl: :fl: :fl:

اللهم صلي علي النبي الأحسن الحبيب الأحمد
إيه الحلاوة دي ياعم عابعلي
علي مهلك علينا شوية
دا برشة برشة
علي رأي التوانسه
أشكرك ياشاعر ياكبير
علي الكلام الكبير
وحلاوته

[الشاعرمحمدأسامةالبهائي]

اخى المبدع
كلماتك نهر من المشاعر الرقيقة
متجدد لا ينضب
فلا تحرمنا من هذا الابداع
دمت بحفظ الرحمن

بيني وبينك أخي هشام
أنا عايز كلماتي تهز العالم وترجه
ونعمل صرح للحرية كعبة ونحجه
قبل الناس ماتكفر بالحياه ويهجوا
:fl: :fl: :fl:
حبي ومودتي
وخالص تحيتي