عبد العلي فيلالي بالحاج
17/03/2007, 12:21 AM
بغيت نفتح كتاب الورد والنوار
بغيت نقول علاش البحر ازرق
بغيت نحاكي الشمس ولقمار
و نجمع النجوم فطبق
و نفرق الفرحة انوار
وبالفرحة بميات كف نصفق
بغيت نقلب علبسمة فكل الدار
بلا ما نجي لكل باب ندق
نحط الناس ونكحل عليهوم لشفار
ودراعي قلادة تحاوط كل عنق
نهدر علحب وكلامي يكون أشعار
نوصف قوس الرحمن والرعد والبرق
نوصف قوام النسا ونغازل الأبكار
لقيت كلامي خدام فيا يخنق
لو ما شفت ولا ما تسوق لي لخبار
يتقال عليا راجل احمق
لو ما ريت الغذر بالنهار القهار
وناس تخلص ثارها بالنار وبالدق
قلبت على عشاقين العقل ولفكار
عشاقين الحق وكلمة الصدق
لقيت غير شلاهبي وسمسار
يبع فيك ويشري بلا ما يرفق
غير قاطع يدو من الرحمة شفار
او غيرحيت ما لقى ما يسرق
لي ما جاراهوم فعرفهوم حمار
من غير قضيان حاجتو ما يعتق
ناس طالعين نازلين واكلين منشار
وناس ما لحقوش معاهوم شدق
منوضين كنازة وميتهوم فار
وقطهوم ايلا يزلق يطير بالرزق
زمان جنون البقروحماق البشر
زماننا هذا ما يترقع ما يتلبق
بغيت نقول علاش البحر ازرق
بغيت نحاكي الشمس ولقمار
و نجمع النجوم فطبق
و نفرق الفرحة انوار
وبالفرحة بميات كف نصفق
بغيت نقلب علبسمة فكل الدار
بلا ما نجي لكل باب ندق
نحط الناس ونكحل عليهوم لشفار
ودراعي قلادة تحاوط كل عنق
نهدر علحب وكلامي يكون أشعار
نوصف قوس الرحمن والرعد والبرق
نوصف قوام النسا ونغازل الأبكار
لقيت كلامي خدام فيا يخنق
لو ما شفت ولا ما تسوق لي لخبار
يتقال عليا راجل احمق
لو ما ريت الغذر بالنهار القهار
وناس تخلص ثارها بالنار وبالدق
قلبت على عشاقين العقل ولفكار
عشاقين الحق وكلمة الصدق
لقيت غير شلاهبي وسمسار
يبع فيك ويشري بلا ما يرفق
غير قاطع يدو من الرحمة شفار
او غيرحيت ما لقى ما يسرق
لي ما جاراهوم فعرفهوم حمار
من غير قضيان حاجتو ما يعتق
ناس طالعين نازلين واكلين منشار
وناس ما لحقوش معاهوم شدق
منوضين كنازة وميتهوم فار
وقطهوم ايلا يزلق يطير بالرزق
زمان جنون البقروحماق البشر
زماننا هذا ما يترقع ما يتلبق