د. محمد قيصرون ميرزا
20/03/2007, 07:34 AM
وصلتني القصيدة التالية فأحببت مشاركتكم بها ... مع اعتذاري لجهلي بصاحبها (وتعديل بسيط مع حبي للأخوة في أرض الكنانة) .
رسالة حب من الحـــــــــكومة لإبنها المواطن
عزيزى المواطن بتاع النضال
يا راكب دماغك وغاوى الحلال
نصيحة يا صاحبى بلاش الخيال
وغمض عيونك وربي العيال
بلاش المناكفة ولايم وعيش
هتتعب معانا وسهمك يطيش
ونلفق لاهلك قضية حشيش
تعال وهاودنا وعدى الأمور
وعيش فى الطراوة وخش الطابور
لكن لوهتزعل ودمك يفور
هتعرف نهايتك فى بحر ووابور
وبعد ما كنت فى نفسك أمير
هتصبح حرامى وندل وأجير
ونقدر نلخبط فى أصلك كتير
وجدك شحاتة هيصبح شامير
هيحلف حبايبك إنهم شافوك
بتقبض يا خاين وتقتل أخوك
ساعتها مراتك هتلعن أبوك
وعيالك بالمليم يبيعوك
مالكش انت دعوة بأية اللى ضاع
ومين اللى شارى ومين اللى باع
ومين اللى كيّل ومين اللى شال
ومين بكرة يركب أعناق الرجال
اعقل وحب الحكومة وحب السلام
وعلم ولادك يشدوا الحزام
علشان بكرة ياكلو بط وحمام
وينسوا الاسية ومايقولوا حرام
فلازم ياصاحبى تغمض عنيك
وطنش علينا نبشبش عليك
وإياك تثور لنقطعلك إيديك
ونقص لسانك ونعمي عينيك
عزيزى المواطن بتاع النضال
يا راكب دماغك وغاوى الحلال
نصيحة يا صاحبى بلاش الخيال
وغمض عيونك وربي العيال
أبو إيمان
رسالة حب من الحـــــــــكومة لإبنها المواطن
عزيزى المواطن بتاع النضال
يا راكب دماغك وغاوى الحلال
نصيحة يا صاحبى بلاش الخيال
وغمض عيونك وربي العيال
بلاش المناكفة ولايم وعيش
هتتعب معانا وسهمك يطيش
ونلفق لاهلك قضية حشيش
تعال وهاودنا وعدى الأمور
وعيش فى الطراوة وخش الطابور
لكن لوهتزعل ودمك يفور
هتعرف نهايتك فى بحر ووابور
وبعد ما كنت فى نفسك أمير
هتصبح حرامى وندل وأجير
ونقدر نلخبط فى أصلك كتير
وجدك شحاتة هيصبح شامير
هيحلف حبايبك إنهم شافوك
بتقبض يا خاين وتقتل أخوك
ساعتها مراتك هتلعن أبوك
وعيالك بالمليم يبيعوك
مالكش انت دعوة بأية اللى ضاع
ومين اللى شارى ومين اللى باع
ومين اللى كيّل ومين اللى شال
ومين بكرة يركب أعناق الرجال
اعقل وحب الحكومة وحب السلام
وعلم ولادك يشدوا الحزام
علشان بكرة ياكلو بط وحمام
وينسوا الاسية ومايقولوا حرام
فلازم ياصاحبى تغمض عنيك
وطنش علينا نبشبش عليك
وإياك تثور لنقطعلك إيديك
ونقص لسانك ونعمي عينيك
عزيزى المواطن بتاع النضال
يا راكب دماغك وغاوى الحلال
نصيحة يا صاحبى بلاش الخيال
وغمض عيونك وربي العيال
أبو إيمان