مفيش حاجة - للشاعرة أيمان البكري

[أيمن كمال السباعي]

قصيدة بالعامية المصرية
مفيش حاجه
*******
مانيش عايز خلاص حاجه
ولا محتاج أنا لحاجه
ولو عايز صحيح حاجه
مخليتوليش ولا حاجه
عموماً بصوا فيه حاجه
هقولها بس محتاج لعقول تفهم
ولو حاجة مهيش مفهومة او حاجه
نفسرها بكام حاجه
نوضحها بكام حاجه
وأهى حاجة مع حاجة
هتظهر وتبان لنا حاجه
وانا ما بخفش من حاجه
مانيش مسنود ولا حاجة
لكن ما بخفش من حاجه
لكن فرضاً لو هقول حاجه
هيحصل إيه ... ولا حاجه
هيعملوا إيه.... ولا حاجه
ولو بعد الشر .. بعد الشر
لو واحد من القاعدين
من السامعين من الضالين
فِهِم حاجة ..هَيعملوا إيه ؟
اكيد برضُه ولا حاجه !!.
فنتوكل على الستار
لوجه الله نقول حاجه
فيه ناس بتعيش علشان حاجه
وناس بتموت علشان حاجه
وناس بتموت على الحاجه
وناس تديلك الحاجه
وهى ليها محتاجه
وناس تديلك الحاجه
و تاخد قصادها ميت حاجه
وناس تكبر تكون حاجه
و ناس تصغر علشان حاجه
وناس منظر ومش حاجه
وتلقاه كبير حرس ونفير عليه منظر
وهو جبان وشيخ منصر ولا يبانش عليه حاجه
كلامى يا خلق فيه حاجه ؟؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجه
ما أنا ما أقدرش أقول حاجه .
صحيح نفسى أقول حاجه وميت حاجه
لكن مش قادر أقول حاجه
لأنى لو هقول حاجه
هييجى ناس بتوع حاجه
وياخدونى ورا الحاجه
وهوا ، لو سمع حاجه
هيعملوهالى ميت حاجه
عموما ...عموما
بصو لو حد من القاعدين
عايزنى أبلغه بحاجة
يقول مايخافش من حاجه
نعم ...... فيه إيه؟
ـ لالالالالأه مافيش سرقه
ولا تهليب ولا تهريب ولا حاجه.
وبتقول إيه؟؟
مصمصوا إيه؟؟
وخصخصوا إيه؟؟
ده كله كلام مفيش حاجه.
قضية إيه؟؟
ياشيخ روح
خـــــــــــلاص
مافيش حاجه.
حرامى إيه ؟؟
ولَكّح إيه؟؟
وهرّب إيه؟؟
شــفـافـيـه مافيش حاجه
وبتقول إيه ؟؟
لالالآلأ ه عيب لافيه تدليس
ولاترقيص ولا تدبيس ولا حاجه.
سمع مع هوووووووووس
أنا حاسس إنه فيه حاجه
دقيقة سكات
لَتبقى حداد!!.
أنا حاسس انه فيه حاجه.
زمنكوا ياخلق فيه حاجه
ولازموا كام وميت حاجه
ده لو يعنى إذا كان فيه حاجه
أنا عن نفسى مش حاسس ولا بحاجه
ولا متضااااااااااااااااااااايق ولا حاجه
سعادتك برضه مش زَيـىِ مافيش حاجه ؟
هـ أهـه ؟؟
بيقول مافيش حاجه
جنابك برضه مش زَيـىِ ؟؟
وعلشان زَيـىِ مافيش حاجه
أهـه بيضحك بيقول مافيش حاجه
ما أنا قولتلكو من الأول مافيش حاجه
عليا النعمه يا أخوانّا مافيه حاجه
ورحمة أبـويـا
ويّا أبـــوك
على إللّى جابوك ما فيه حاجه.
وعهد الله . وعهد الله. وعهد الله
ما خللولنا ولا حاجه.
بقولك إيه ؟؟
خلاص خلّص وفركش يا أخوانا

********
عامية مصرية
للشاعرة
إيمان البكري


القصيدة بصوت الشاعرة إيمان البكري ..علي الرابط التالي:
http://www.youtube.com/watch?v=KtpFzD5kmdY&mode=related&search=


قام بالنقل الأستاذ/أيمن كمال السباعي
قام بتعديل التنسيق الشاعرمحمدأسامةالبهائي

[الشاعرمحمدأسامةالبهائي]

في البداية أقدم الشكر للأخ الفاضل
أيمن كمال السباعي
لتفضله بهذه المشاركة بمنتدي الشعر العامي
وتقديم الشاعر المصرية
إيمان البكري
بهذه القصيدة ذات البعد الفلسفي حسب تناول كاتبتها بعنوان( مفيش حاجة )وأنا من وجهة نظري تأتي أهميتها من مجمل الهم العام للمواطن المصري فهكذا يترسخ هذا المفهوم ونتناوله يوميا علي كل المستويات وأنما يظل للشعر جمالياته وبوحه والصور وتلميس علي الواقع بمقدرة الشاعر ومخزونه الشخصي الثقافي والإجتماعي ينقل من خلاله للمتلقي حالة من التحليق في مفهوم الفكرة بقدر إيستعابه وهنا من منا لايذكر معظم شعرائنا جاهين وحداد والأبنودي أحمد فؤاد نجم وآخرون وتاريخهم وماتعرضوا له دفاعا عن كلمتهم المطروحة للمتلقي بأشعارهم ومقارنة بأبداعات شاعرتنا إيمان البكري لديها ماهو أقوي وعلي سبيل المثال قصيدتها الأخيرة ( دستور )التي أذاعتها ببرنامج تليفزيوني مع عمرو أديب علي هذا الرابط.
http://dabble.com/node/8601090

هذا ونقدم تحية كبيرة للشاعرة القديرة إيمان البكري المصرية الصميم.
وأشكركم
لأبداء رأيكم وهذه الحالة الشعرية
ولكم التحية

الشاعر
محمدأسامةالبهائي

[زاهية بنت البحر]

إبه الحاجات الجنان دي ياست إيمان البكري
والله أنا خايفه عليك من حاجة
واللا قولك مافيش حاجة
ده أخويا أيمن بنشر القصيده دي
خلا الحاجة تبقى أجمل من كل حاجه
على كل أهلا ومرحبًا بك وبهذه القصيدة الرائعة والشكر كل الشكر لك أخي أيمن على القصيدة الجميلة التي تودي الفكر في مليون حاجة وحاجة :fl:
أختك
بنت البحر

[عبلة محمد زقزوق]

لا كح ولا عطس
خلينا مع العدس
هههه:)
هوه انا أقدر حتى أكح؟!
دا العدس وقلة المم
هدوا أجدعها بق
رائعة أيتها الشاعرة المصرية الصميمة من غير مصمصة العظم :)
حقيقي
وقفت مزبهله أمام الحاجات واللي مش حاجات واللي عمرها ما هتبقى محتاجات لكنها برضه لازم تبقى من الحاجات .
كلام كتير على لساني
يمكن ما لوش لزمه
وسط الأزمة
علشان كده حأخرج من اللزمه
وانا لسه بصفق لصاحبة اللزمه :vg: :vg: :vg:
تحياتي وشكري أيتها الشاعرة المبدعة إيمان كمال السباعي :fl: