أنا قلت ايه يا بلد

[محمد جاد الزغبي]

أنا قلت ايه يا بلد
والله عليه العوض
فى الحكم لما يهون
ويمسكه المجنون
بسنين من غير عدد
والله عليه العوض

وبلدنا من غير ناس
فيها عبيد تنداس
تحلم بلقمة عيش
ما هى كلها حرافيش
وتجيب منين الولد
والله عليه العوض

مين قال دى مصر النيل
أُم التاريخ موصول
مين قال دى مصر النور
فيها الحجارة تثور
لو يوم حاكمها اتعبد
والله عليه العوض

ليه الإرادة خلاص
راحت مع الإخلاص
ليه الكلام مكسور
يطلع ذليل بالدور
غابة وحاكمها أسد
والله عليه العوض

يا بلاد عيشتها سواد
بتموت فى الاستعباد
عايشين ومش عايشين
وخسرتوا دنيا ودين
لازمتها ايه يا بلد
والله عليه العوض

ايه معنى كلمة حق
معناها قولة لأ
فى وش أى جبان
متخفي بالسلطان
وفاكرها ليه للأبد
والله عليه العوض

ايه معنى كلمة موت
معناها فى الملكوت
غاية الجبان بندامه
قدر الجرئ بكرامه
ميموتش فيه غير جسد
اخترتوا ايه يا بلد

[زاهية بنت البحر]

قصيدة جميلة فيها العتاب مغلف باللوم يدعو الأحبة للانتفاض مما هم فيه من ظلم وامتهان
وبلدنا من غير ناس
فيها عبيد تنداس
تحلم بلقمة عيش
ما هى كلها حرافيش
وتجيب منين الولد
والله عليه العوض

صعب ياأخي محمد أن ينداس الإنسان ويبقى من غير كرامة في بلد هي للعز والكرامة عنوان ـولكن ماالعمل أمام ماتقول
أنا قلت ايه يا بلد
والله عليه العوض
فى الحكم لما يهون
ويمسكه المجنون
بسنين من غير عدد
والله عليه العوض

أأقول الصبر طيب ـوفد ملَّ الصَّبر من صبرهم
مين قال دى مصر النيل
أُم التاريخ موصول
مين قال دى مصر النور
فيها الحجارة تثور
أدعو الله أن تشرق الشمس من جديد مع أغاني سيد درويش الشمس طلعت
يا بلاد عيشتها سواد
بتموت فى الاستعباد
عايشين ومش عايشين
وخسرتوا دنيا ودين
لازمتها ايه يا بلد
والله عليه العوض
لو يوم حاكمها اتعبد
والله عليه العوض
ولكن لكل شيء نهاية ومصير الظالمين معروف
ايه معنى كلمة حق
معناها قولة لأ
فى وش أى جبان
متخفي بالسلطان
وفاكرها ليه للأبد
والله عليه العوض
ولسوف تردد الجماهير المحبة للوطن بصوت عالٍ كما تردده حناجر القلب في كل لحظة بلادي بلادي بلادي لك حبي وفؤادي

ايه معنى كلمة موت
معناها فى الملكوت
غاية الجبان بندامه
قدر الجرئ بكرامه
ميموتش فيه غير جسد
اخترتوا ايه يا بلد

النصر والحرية من كل أشكال الظلم

ماأبدع ماكتبت أخي المكرم محمد جاد الزغبي
أختك
بنت البحر

[محمد جاد الزغبي]

ماأبدع ماكتبت أخي المكرم محمد جاد الزغبي
أختك
بنت البحر

بل ما أبدع مرورك الخلاب وتحليلك الجذاب
ومناصفتك لفيض الخاطر .. ومعايشتك لشتى المشاعر

دوما تزهين يا زاهية حتى أننى أشكو دائما غياب شمسك عنا
لا حرمنا الله أخوة جمعت بيننا
وثالثنا فيها أبي الحبيب د. هزاع

[الشاعرمحمدأسامةالبهائي]

والله عليه العوض
فعلا أخي الفاضل
محمد جــاد الزغبي
*****
وبعد مرور الأخت زاهية
لاأملك غير نقل إعجابي
دمت أخي مبدعا
ولا تحرمنا
من تواصلك الرائع
تقبل تحيتي وأحترامي
أخوك
الشاعر
محمدأسامةالبهائي

[محمد جاد الزغبي]

الشاعر والأخ القدير محمد أسامه
بارك الله فيك لتلك الاشادة وهذا التواصل الجميل
شكرا جزيلا أخى الكريم