جريمه ...

[عمرو عبدالرؤوف]

ماشيين ف عز الليل
تايهين
ناسيين أسامنا ،
واللى ع الجبين
مشافتهوش العين
مش عيب القدر... لأه
عيبنا ف عنينا ،
والقمر ...
رافض ينوّر
وفّر شموعه
وأعلن خسوفه ...
ع الليل المُزوّر ،
الوتر ...
رافض أناشيد الصباح
والأمل ...
فقد الأمل فينا
بعد ما شلنا حياتنا ...
من تحت رجلينا ،
فجأه فى عز الموت
والفجر داخل بيسّحب
خايف يصحّينا !!!
قام المؤذن يأذن
يمكن صلواتنا تحيينا
وعشان جريمتنا حقيره
والموت ...
سر الحياة فينا
صلّينا فى عز الليل
قايمين... قاعدين
تايهين
ناسيين أسامينا

[الشاعرمحمدأسامةالبهائي]

فقد الأمل فينا
بعد ما شلنا حياتنا
من تحت رجلينا
ــــ
وهل أمتلكنا القوة
نشيل حياتنا
من تحت رجلينا
أعتقد اننا لم نملك هذه القوة بعد
ــــــ
أشكرك
أستاذ / عمرو
وفي انتظار كل جديد
لاتتوقف
أكتب
وواصل
وتقبل عاطر التحايا والأحترام
أخيك
محمدأسامة

[عمرو عبدالرؤوف]

فقد الأمل فينا
بعد ما شلنا حياتنا
من تحت رجلينا
ــــ
وهل أمتلكنا القوة
نشيل حياتنا
من تحت رجلينا
أعتقد اننا لم نملك هذه القوة بعد
ــــــ
أشكرك
أستاذ / عمرو
وفي انتظار كل جديد
لاتتوقف
أكتب
وواصل
وتقبل عاطر التحايا والأحترام
أخيك
محمدأسامة

من السهل اننا نشيل حياتنا من تحت رجلينا وده اللى عملناه من زمان بخوفنا وضعفنا

شكرا استاذ محمد اسامة على مرورك الجميل وتشجيعك المستمر :fl: :fl: :fl:


بودى ان اواصل ولكن انا متوقف عن الكتابة الى اجل غير مسمى وكان ذلك نص قديم بدفاترى

شكرا استاذنا الكبير
ولا تحرمنا من مرورك العطر

محبتى وتقديرى