حناني ميـــا
20/02/2012, 04:28 AM
حبيب العربنجي / وزير غسـل الجنـابة
وزير غسـل الجنـابة
حبيب العربنجي
الجمعة، 17 شباط، 2012 الساعة 19:20
قبل أكثر من ثمانين سنة وقف الحكيم جميل صدقي الزهاوي بشجاعة وگال " أوروبا تقدمت بالمحرك البخاري، وإحنا نريد نتقدم بالصحيح البخاري" هاي العبارة من مقالة للكاتب الرائع رشيد الخيون قبل فترة ...طبعا الناس كفروا الزهاوي وطالبوا بنتف لحيته وكسر نظارته، بس الرجال گال كلمته للتاريخ ومضى شايل طن من شتائم الناس الجهلة والدجالين إللي يضحكون على عقول الناس بمسميات دينية وبممارسات يغيب عنها العقل.
إللي ذكرني بهاي السالفة شغلة وزير العلوم والتكنولوجيا مالتنا...منصب مرعب ومخيف وثگيل..وزير العلوم والتكنولوجيا..يعني كلما أسمع أروح ببالي إلى معهد ماساتشوستس للتكنولوجيا، أو وكالة ناسا أو مختبرات الدكتور آمون في گريندايزر، الكل يحچون بمعادلات الفوتون ونظريات الكم والطاقة...قاعة ألبرت أنيشتاين للمحاضرات، مختبر لويس باستور..قاعة ألكسندر فليمينگ الكبرى... ومرصد گامبي لمراقبة الفضاء (گامبي أبو هيكارو الحارة).
بس...آويلي من بس...عدنا وزير العلوم والتكنولوجيا ملا من ملالي الدجل...ملالي الدجل إللي يريدون نتقدم بالصحيح البخاري والنووي...احنا چنا نتمنى لو وزارة العلوم والتكنولوجيا تسوي بحوث في المجال النووي حتى نخلص من سالفة شغل المولدة وطفي الجوزة و(وطني يعمل) و(وطني لا يعمل) الكليشة المكتوبة في بيت كل عراقي يم سويچ الكهرباء، ولو هسة الناس برة بأوروبا راحوا إلى جيل ما بعد النووي خاصة في ألمانيا وإيطاليا بعد كارثة مفاعل فوكوشيما اليابانية من ورا تسونامي، بس إحنا عدنا بحوث في صحيح النووي والترمذي والبيهقي ومسلم..هذا للناس إللي يصلون أفقي...وبحوث حوزوية ووزارية وگعدات ومؤتمرات في الكليني والطبرسي والعاملي والقزويني للناس إللي يصلون عمودي. الدين مكانه بالجوامع والحسينيات والكنائس مو يجينا واحد ملا من ملالي الدجل ويستلم وزارة العلوم والتكنولوجيا وياخذ دكتوراه بالشريعة...في علم غسل الجنابة، إي مو كلش كلش مهم نعرف شلون نغسل بالحمام (هذا إذا أكو ماي) بعد أداء الواجب وي أم الجهال... إذا واجب شرعي...أو وي گيرل فريند ..هذا إذا واجب مو شرعي بس بحسب دستور الحجي فالنتاين.
هاي الوزارة المفروض تصير أهم وزارة بالعراق بعد التدمير الوحش ي في 2003 وقبلها التدمير الفوضوي الأزلامي والحصار، هاي الوزارة چان ممكن تقوم بواجب بناء العراق، يستلمها واحد فهمان ويعرف شلون يجيب إلنا تجارب الدول إللي سبقتنا بتطبيق البحوث العلمية في مجال الزراعة بأقل صرفيات مياه وخاصة بعد الأنباء إللي تگول بجفاف دجلة والفرات بعد أربعين سنة، چان ممكن هاي الوزارة تجيب إلنا تجارب تطبيق الحكومة الألكترونية في إنجاز المعاملات وإصدار الجوازات، أو تقوم بواجبها في دعوة العلماء والمحاضرين لرفع كفاءة الكليات العراقية مو تسوي مؤتمر في جامعة بغداد لأهمية الحجاب للطالبات، حتى الرسول محمد يگول " رب أشعث أغبر لو أقسم على الله لأبره – صحيح مسلم" يعني العبادة بالگلب مو باللبس ولا بالعمامة أو الجبة أو الدشداشة الگصيرة، چان ممكن هاي الوزارة توقع مذكرات تفاهم وي المستشفيات العالمية حتى تجي تسوي بحوثها في العراق...عدنا كيسات Cases عجيبة ما يحلم بيها أكبر المستشفيات...يجون عدنا يشوفون الحالات ويقدمون البحوث ونتائج البحوث مجانا للعراق لأن هم يستخدمون الكيسات مالتنا مجانا بدال ما يصرفون فلوس يسوون هاي الكيسات بمختبراتهم...مو هسة صايرة وزارة دا تسوي بحوث في معرفة أفضلية البخور على العطور في العراق الديمقراطي المسرور.
أوروبا تطورت من خلعت الدين عن الحكومات والسياسة ودفعت بالدين إلى زاوية ضيقة في الفاتيكان...إللي يريد يمارس عبادته ويشوف البابا...خلي يروح للفاتيكان ويگابل شباك كاتدرائية بيتر...بهاي الشجاعة تطوروا، مو إحنا هسة عدنا حاجة للعلم ويجي واحد ملا من ملالي الدجل وسامرا يحكم العلم عدنا.
ما أريد أگول أكثر لأن نفسي لعبت من دجل الملالي وحتى لا أحد يتهمني بالحسد على حرف الدال گدام إسم الوزير أگول..مبارك شهادة الدكتوراه للملا...ومثل ما بديت المقالة بالإشارة إلى رشيد الخيون...أختتم همين بالإشارة إلى عبارة مكتوبة في كتابه ( طروس أخر من التراث)...في فصل (أبو نؤاس)...كتب رشيد الخيون نقلاً عن المزرباني " ضراط أبي نؤاس في جهنم أشعر من تسبيح الرقاشي في الجنة" وأكيد وصلت الرسالة والمعنى من هاي المقالة والعبارة المقتبسة...وإذا ما وصلت..فا كيد المشكلة في الريسيفر...ينرادله سيتينگ Setting على العقل
habibarabenchi@yahoo.com
http://www.kitabat.com/index.php?mod=page&num=2739
وزير غسـل الجنـابة
حبيب العربنجي
الجمعة، 17 شباط، 2012 الساعة 19:20
قبل أكثر من ثمانين سنة وقف الحكيم جميل صدقي الزهاوي بشجاعة وگال " أوروبا تقدمت بالمحرك البخاري، وإحنا نريد نتقدم بالصحيح البخاري" هاي العبارة من مقالة للكاتب الرائع رشيد الخيون قبل فترة ...طبعا الناس كفروا الزهاوي وطالبوا بنتف لحيته وكسر نظارته، بس الرجال گال كلمته للتاريخ ومضى شايل طن من شتائم الناس الجهلة والدجالين إللي يضحكون على عقول الناس بمسميات دينية وبممارسات يغيب عنها العقل.
إللي ذكرني بهاي السالفة شغلة وزير العلوم والتكنولوجيا مالتنا...منصب مرعب ومخيف وثگيل..وزير العلوم والتكنولوجيا..يعني كلما أسمع أروح ببالي إلى معهد ماساتشوستس للتكنولوجيا، أو وكالة ناسا أو مختبرات الدكتور آمون في گريندايزر، الكل يحچون بمعادلات الفوتون ونظريات الكم والطاقة...قاعة ألبرت أنيشتاين للمحاضرات، مختبر لويس باستور..قاعة ألكسندر فليمينگ الكبرى... ومرصد گامبي لمراقبة الفضاء (گامبي أبو هيكارو الحارة).
بس...آويلي من بس...عدنا وزير العلوم والتكنولوجيا ملا من ملالي الدجل...ملالي الدجل إللي يريدون نتقدم بالصحيح البخاري والنووي...احنا چنا نتمنى لو وزارة العلوم والتكنولوجيا تسوي بحوث في المجال النووي حتى نخلص من سالفة شغل المولدة وطفي الجوزة و(وطني يعمل) و(وطني لا يعمل) الكليشة المكتوبة في بيت كل عراقي يم سويچ الكهرباء، ولو هسة الناس برة بأوروبا راحوا إلى جيل ما بعد النووي خاصة في ألمانيا وإيطاليا بعد كارثة مفاعل فوكوشيما اليابانية من ورا تسونامي، بس إحنا عدنا بحوث في صحيح النووي والترمذي والبيهقي ومسلم..هذا للناس إللي يصلون أفقي...وبحوث حوزوية ووزارية وگعدات ومؤتمرات في الكليني والطبرسي والعاملي والقزويني للناس إللي يصلون عمودي. الدين مكانه بالجوامع والحسينيات والكنائس مو يجينا واحد ملا من ملالي الدجل ويستلم وزارة العلوم والتكنولوجيا وياخذ دكتوراه بالشريعة...في علم غسل الجنابة، إي مو كلش كلش مهم نعرف شلون نغسل بالحمام (هذا إذا أكو ماي) بعد أداء الواجب وي أم الجهال... إذا واجب شرعي...أو وي گيرل فريند ..هذا إذا واجب مو شرعي بس بحسب دستور الحجي فالنتاين.
هاي الوزارة المفروض تصير أهم وزارة بالعراق بعد التدمير الوحش ي في 2003 وقبلها التدمير الفوضوي الأزلامي والحصار، هاي الوزارة چان ممكن تقوم بواجب بناء العراق، يستلمها واحد فهمان ويعرف شلون يجيب إلنا تجارب الدول إللي سبقتنا بتطبيق البحوث العلمية في مجال الزراعة بأقل صرفيات مياه وخاصة بعد الأنباء إللي تگول بجفاف دجلة والفرات بعد أربعين سنة، چان ممكن هاي الوزارة تجيب إلنا تجارب تطبيق الحكومة الألكترونية في إنجاز المعاملات وإصدار الجوازات، أو تقوم بواجبها في دعوة العلماء والمحاضرين لرفع كفاءة الكليات العراقية مو تسوي مؤتمر في جامعة بغداد لأهمية الحجاب للطالبات، حتى الرسول محمد يگول " رب أشعث أغبر لو أقسم على الله لأبره – صحيح مسلم" يعني العبادة بالگلب مو باللبس ولا بالعمامة أو الجبة أو الدشداشة الگصيرة، چان ممكن هاي الوزارة توقع مذكرات تفاهم وي المستشفيات العالمية حتى تجي تسوي بحوثها في العراق...عدنا كيسات Cases عجيبة ما يحلم بيها أكبر المستشفيات...يجون عدنا يشوفون الحالات ويقدمون البحوث ونتائج البحوث مجانا للعراق لأن هم يستخدمون الكيسات مالتنا مجانا بدال ما يصرفون فلوس يسوون هاي الكيسات بمختبراتهم...مو هسة صايرة وزارة دا تسوي بحوث في معرفة أفضلية البخور على العطور في العراق الديمقراطي المسرور.
أوروبا تطورت من خلعت الدين عن الحكومات والسياسة ودفعت بالدين إلى زاوية ضيقة في الفاتيكان...إللي يريد يمارس عبادته ويشوف البابا...خلي يروح للفاتيكان ويگابل شباك كاتدرائية بيتر...بهاي الشجاعة تطوروا، مو إحنا هسة عدنا حاجة للعلم ويجي واحد ملا من ملالي الدجل وسامرا يحكم العلم عدنا.
ما أريد أگول أكثر لأن نفسي لعبت من دجل الملالي وحتى لا أحد يتهمني بالحسد على حرف الدال گدام إسم الوزير أگول..مبارك شهادة الدكتوراه للملا...ومثل ما بديت المقالة بالإشارة إلى رشيد الخيون...أختتم همين بالإشارة إلى عبارة مكتوبة في كتابه ( طروس أخر من التراث)...في فصل (أبو نؤاس)...كتب رشيد الخيون نقلاً عن المزرباني " ضراط أبي نؤاس في جهنم أشعر من تسبيح الرقاشي في الجنة" وأكيد وصلت الرسالة والمعنى من هاي المقالة والعبارة المقتبسة...وإذا ما وصلت..فا كيد المشكلة في الريسيفر...ينرادله سيتينگ Setting على العقل
habibarabenchi@yahoo.com
http://www.kitabat.com/index.php?mod=page&num=2739