فلاح فصيح

[الشربينى خطاب]

فلاح فصيح
وسمعت صوتك
يا حبيبتي
وانت بتندهيلي
اكتب تاريخي
علي حجر رشيد
فرحت أجيب القلم
من العلبة أزمير
وقلت لايدي
وانت بتكتبى أول نشيد
قولي لحبيبتي المخلصة
كل أغاني العاصفير
*****
مع كل دقة بالشاكوش
رتيبي المشاوير
وازرعي
كل شطوط الغدير
قمح ورد ونخيل
تلقي المسافات
اتحددت بين السطور
ألأب حابي
في أعالي النيل
عاشق نجمة
الشوق اليماني
وألأم مصر إيزيس
اللي مجنناني
لما خطبها سدنا العالي
حضنها بين ضلوعه
فرد ع الشمس قلوعه
خيوط دهب و حرير
*****
فاتولدت أنا من تاني
علي جدران المعابد
والأهرمات
ونسجت من خيوط الفجر
مواويل وآهات
ورسمت القمر مكسوف
علي خدود البنات
وزرعت أرضك وليلك
القمح والنجمات
******
في الضلمة قلبي دليلك
وشراعك ف نوة ريح
وغنوة هوي صيف
ترطب قلوب مجاريح
فاكتبي اسمي عصفور
في صفحة تاريخ
وقولي للخلايق
إن البداية والنهاية
في كتابة النور
كان فلاح فصيح

[عبد العلي فيلالي بالحاج]

:good: :good:
مصافحة اولى اخي الشربيني خطاب
جميل عشق الارض وجميل ما كتبت :vg: :vg:

[الشاعرمحمدأسامةالبهائي]

أخي الفاضل
أستاذ الشربيني خطاب

جميل هذا التواصل
والنشر
وماأبدعتم
وفي انتظار كل جديد
فلا تحرمنا من جديد إبداعاتكم
مع خالص تحيات الود والأحترام

محمدأسامة

[الشربينى خطاب]

:good: :good:
مصافحة اولى اخي الشربيني خطاب
جميل عشق الارض وجميل ما كتبت :vg: :vg:
الأستاذ الفاضل / عبد العلي فيلافي يالحاج
كل عام وانت بخير
اعتذر عن التاخير وربما تعرف السبب منذ الأحداث التي وقعت بيني وبين الأستاذ أسامة
فتركت النص دون الرد علي سيادتكم
مرة ثانية تقبل اعتذازر
خالص تقديري واحترامي