محمد العباسي
01/05/2013, 03:18 PM
مشاعر و وجدان ( ونس ) عمري
.....
إبتعرفوا كيف بَكون مرتاح و مبسوط ..لما أشوف فلم هندي... طبعاً لا .
بصراحة و بيني و بينكم لما أكون قاعد مع أحاسيس و وجدان .... مييين .
شوفوا مش كل واحد عنده أنيس برتاح لما يقعد معه . أنا عندي أنيسة .. لآلآلآ أنيستين .
و القعدة معاهم بطير العقل ...
هو صحيح أنه أحاسيس ما ابتحكي لكن بفهمها من عيونها . حتى في أدق التفاصيل .. مش أحاسيسي ... و لا أنا غلطان ..كل واحد بِفهم أحاسيسة يعني عااااادي .
الحلو فيها إنه ما بتحب نتلاقى إلا على جزيرة فيها نخلة وحدة و البحر من حوالينا ماله آخر.
و عيونها .. أخ بس من عيونها .. ينعن عمري أنا .. مثل زرقة البحر بتخللها بياض خفيف و كل ما آجيها لازم تقابلني ببسمات . حتى في أصعب الظروف . و هاد الشيء بـ خليني مجنون فيها من الآخر .
و بعيونها دمع لازم ينزل على خدودها ... مبسوطة و لا زعلانه لازم تبكي و تحضني و إتحط راسها على حِجري و أقعد أمسح على شعِرها و أتـنـفـس عطرها الحنون .
لو شافها بيكاسو لكان إنتحر لأنه ما رسمها .
و لو شافها ليوناردو دا فنشي .. لدفش الموناليزا و وقعها عن الكرسي . و قاللها قومي قَطيعة إلي تقطعك من بين النسوان .. روحي شوفي مشاعر.. أنيسة محمد .. جمال إيش و رقة إيش و أخلاق إيش و جسد إيش .. إنتي وين و هي وين ..
.. بس أنا
و الله لو اسمعته بيحكي هيك عن مشاعر لكنت بعت إلي قدامي و إلي وراي و رحت لعنده و طخيته .. لأني ما بحب حدا يجيب سيرة مشاعري على لسانه . و كمان مشاعري ما بتحب حدا يتغزل فيها غيري .
و نِعمَ الأنيس و الله ... حياكِ الله حبيبتي ... و أنا أكثر ..
من الآخر.. كل إلي حكيته عن مشاعر عبارة عن نقطة من بحر روعتها و مهجتها و حنانها .
خليني أحكي اشوي عن وجدان .. ياااااا سلام على وجدان ... الله على وجدان ... وبسمة وجدان .. و كُحل عيون وجدان .. نشمية و رومنسية و عيونها عسلية . مثل شمس الصباح .نور و دفئ و حنان .
الرائع في وجدان إنها بتفهمني بدون ما أحكي و لا أشكي و لا حتى أحط عيوني بعيونها علشان تقرأهم . و أكثر من هيك وصف ما عندي لأنها فوق الوصف .... مش أنيسة عمري .. تسلمي يا غالية من كل شر .
ربيع 1996
.. إركبت الدولفين تبعي إلي سبح في مخيلتي لحتى وصّلني للجزيرة ..
و بصراحة و من بعيد و من أول ما تلاقت عيوني بعيون مشاعر عرفت كل إشي ... و اعملت حالي مش فاهم .
قعدت قبالها و من دون ما أنتبه لفّت وجدان إديها حولي و قربت شفايفها من إذني و همست .. ليش عامل حالك مش فاهم كلام مشاعر .
لفّيت وجهي و جسمي لوجدان و مسكتها من أكتافها وفهمت من عيوني الأتي .... إعتبريني اليوم مثل ما بقولوا عن العاشقات . يتمنعن و هُنَ الراغبات ..ماشي .
و طبعت بوسه على جبينها .. و اتمددت على رمل البحر و قعدت أتفرج على سعفات النخيل و هي بتتمايل مع و من نسيم أنفاس وجدان و مشاعر .
غمضت عيوني حتى أهرب من وجدان و حتى ما أقرأ عيون مشاعر .. و صرت أغني و أدندن أغنية أم كلثوم طول عمري بخاف من الحب و سيرة الحب ..
و مش بس هيك حطيت من عندي كلمات فوق كلمات الأغنية .. يعني شوهت الأغنية و طعوجتها .. و كعبرتها .. و دورتها .. و ثلثتها .. و ربعتها ..
طول عمري بخاف من الحب و سيرة الحب و مرض الحب و طول الحب و عرض الحب و حساب الحب و تاريخ الحب ... ماخليت ..
يعني لو سمعتني أم كلثوم لرفعت علي دعوة قضائية تتهمني فيها
بتشويه صورة الحب في سيرة الحب .
المشكله اني بريء من التهمة لأني ما بعرف الحب و ما بدي أعرفه .
إلا لما ألاقي وحدة مثل أنيسة عمري و مهجة عيني مشاعر .. حتى ما أتعب و ما أتعبكم ... أنا راسي يابس ..و من الآخر مخي ناشف ... و قلبي قاسي بهيك مواضيع ..
و المعنى...إنه يا وحدة مثل مشاعر يا أما بلاش بالناقص . عاااااااااادي ...
أدخل الدنيا عازب و أطلع عازب ..و ان شاء الله عمرة ما كان هالحكي عاجب ..
أنا حر بحالي و لا تزعلي وجدان ...
و لا تاخدي على خاطرك مشاعر ..
لو كنت بدي أتزوج علشان ضب البيت و طبخ الغدا .. و النووووووم .. لتزوجت من زمان ..
البنات مثل الهم على القلب بهـ الدنيا ..
بس شو الفايده إذا اتزوجت وحدة تعبت و الله يعطيها العافية و هي بتعمل فنجان قهوة. ... بس ما امتزج فيه من وجدانها و مشاعرها شيء يعانق الهيل ..
كيف رح أشربه ...
ما بطلب المستحيل . بطلب وحدة تفهمني و تشاركني وجداني و مشاعري.
يعني الشغلة و ما فيها .. انا بدي نبض من الداخل مش مكياج من الخارج ..
تعرفوا إني زعلت مشاعر ... عيونها و دمعها بتمنالي السعادة ..
و وجدان كمان .. أصلاً ما بقدر أكذب على وجدان و هي كانت تقرأني و تحكي لمشاعر . و هالحكي ما كان مخبى على حدا .
تبسمت لكن عرفوا إني الدمع بكابر و إنه قلبي هسة زي إلي قاعد بحصة رياضيات مملة و قسمات وجهه كلها هبل و عبوس ..
إطلّعت على مشاعر و وجدان علشان أنهي المشكلة .. و توصلنا لحل مرضي للجميع ... لما اتلاقي وجدان وحدة زي مشاعر ساعتها ما رح يكون في هناك هرووووووب .
و رح تفرح مشاعر ..
و ما رح اتكون وجدان إلا مبسوطة ..
انتهينا ..
راحت مشاعر مجبورة الخاطر ..
و راحت وجدان مبسوطة ..
و راح الدلفين وين ما بعرف ..
و صار لازم أرجع سباحة لأرض الواقع .
.............................
مشاعر و وجدان ( ونس ) عمري
بقلمي محمد العباسي
.....
إبتعرفوا كيف بَكون مرتاح و مبسوط ..لما أشوف فلم هندي... طبعاً لا .
بصراحة و بيني و بينكم لما أكون قاعد مع أحاسيس و وجدان .... مييين .
شوفوا مش كل واحد عنده أنيس برتاح لما يقعد معه . أنا عندي أنيسة .. لآلآلآ أنيستين .
و القعدة معاهم بطير العقل ...
هو صحيح أنه أحاسيس ما ابتحكي لكن بفهمها من عيونها . حتى في أدق التفاصيل .. مش أحاسيسي ... و لا أنا غلطان ..كل واحد بِفهم أحاسيسة يعني عااااادي .
الحلو فيها إنه ما بتحب نتلاقى إلا على جزيرة فيها نخلة وحدة و البحر من حوالينا ماله آخر.
و عيونها .. أخ بس من عيونها .. ينعن عمري أنا .. مثل زرقة البحر بتخللها بياض خفيف و كل ما آجيها لازم تقابلني ببسمات . حتى في أصعب الظروف . و هاد الشيء بـ خليني مجنون فيها من الآخر .
و بعيونها دمع لازم ينزل على خدودها ... مبسوطة و لا زعلانه لازم تبكي و تحضني و إتحط راسها على حِجري و أقعد أمسح على شعِرها و أتـنـفـس عطرها الحنون .
لو شافها بيكاسو لكان إنتحر لأنه ما رسمها .
و لو شافها ليوناردو دا فنشي .. لدفش الموناليزا و وقعها عن الكرسي . و قاللها قومي قَطيعة إلي تقطعك من بين النسوان .. روحي شوفي مشاعر.. أنيسة محمد .. جمال إيش و رقة إيش و أخلاق إيش و جسد إيش .. إنتي وين و هي وين ..
.. بس أنا
و الله لو اسمعته بيحكي هيك عن مشاعر لكنت بعت إلي قدامي و إلي وراي و رحت لعنده و طخيته .. لأني ما بحب حدا يجيب سيرة مشاعري على لسانه . و كمان مشاعري ما بتحب حدا يتغزل فيها غيري .
و نِعمَ الأنيس و الله ... حياكِ الله حبيبتي ... و أنا أكثر ..
من الآخر.. كل إلي حكيته عن مشاعر عبارة عن نقطة من بحر روعتها و مهجتها و حنانها .
خليني أحكي اشوي عن وجدان .. ياااااا سلام على وجدان ... الله على وجدان ... وبسمة وجدان .. و كُحل عيون وجدان .. نشمية و رومنسية و عيونها عسلية . مثل شمس الصباح .نور و دفئ و حنان .
الرائع في وجدان إنها بتفهمني بدون ما أحكي و لا أشكي و لا حتى أحط عيوني بعيونها علشان تقرأهم . و أكثر من هيك وصف ما عندي لأنها فوق الوصف .... مش أنيسة عمري .. تسلمي يا غالية من كل شر .
ربيع 1996
.. إركبت الدولفين تبعي إلي سبح في مخيلتي لحتى وصّلني للجزيرة ..
و بصراحة و من بعيد و من أول ما تلاقت عيوني بعيون مشاعر عرفت كل إشي ... و اعملت حالي مش فاهم .
قعدت قبالها و من دون ما أنتبه لفّت وجدان إديها حولي و قربت شفايفها من إذني و همست .. ليش عامل حالك مش فاهم كلام مشاعر .
لفّيت وجهي و جسمي لوجدان و مسكتها من أكتافها وفهمت من عيوني الأتي .... إعتبريني اليوم مثل ما بقولوا عن العاشقات . يتمنعن و هُنَ الراغبات ..ماشي .
و طبعت بوسه على جبينها .. و اتمددت على رمل البحر و قعدت أتفرج على سعفات النخيل و هي بتتمايل مع و من نسيم أنفاس وجدان و مشاعر .
غمضت عيوني حتى أهرب من وجدان و حتى ما أقرأ عيون مشاعر .. و صرت أغني و أدندن أغنية أم كلثوم طول عمري بخاف من الحب و سيرة الحب ..
و مش بس هيك حطيت من عندي كلمات فوق كلمات الأغنية .. يعني شوهت الأغنية و طعوجتها .. و كعبرتها .. و دورتها .. و ثلثتها .. و ربعتها ..
طول عمري بخاف من الحب و سيرة الحب و مرض الحب و طول الحب و عرض الحب و حساب الحب و تاريخ الحب ... ماخليت ..
يعني لو سمعتني أم كلثوم لرفعت علي دعوة قضائية تتهمني فيها
بتشويه صورة الحب في سيرة الحب .
المشكله اني بريء من التهمة لأني ما بعرف الحب و ما بدي أعرفه .
إلا لما ألاقي وحدة مثل أنيسة عمري و مهجة عيني مشاعر .. حتى ما أتعب و ما أتعبكم ... أنا راسي يابس ..و من الآخر مخي ناشف ... و قلبي قاسي بهيك مواضيع ..
و المعنى...إنه يا وحدة مثل مشاعر يا أما بلاش بالناقص . عاااااااااادي ...
أدخل الدنيا عازب و أطلع عازب ..و ان شاء الله عمرة ما كان هالحكي عاجب ..
أنا حر بحالي و لا تزعلي وجدان ...
و لا تاخدي على خاطرك مشاعر ..
لو كنت بدي أتزوج علشان ضب البيت و طبخ الغدا .. و النووووووم .. لتزوجت من زمان ..
البنات مثل الهم على القلب بهـ الدنيا ..
بس شو الفايده إذا اتزوجت وحدة تعبت و الله يعطيها العافية و هي بتعمل فنجان قهوة. ... بس ما امتزج فيه من وجدانها و مشاعرها شيء يعانق الهيل ..
كيف رح أشربه ...
ما بطلب المستحيل . بطلب وحدة تفهمني و تشاركني وجداني و مشاعري.
يعني الشغلة و ما فيها .. انا بدي نبض من الداخل مش مكياج من الخارج ..
تعرفوا إني زعلت مشاعر ... عيونها و دمعها بتمنالي السعادة ..
و وجدان كمان .. أصلاً ما بقدر أكذب على وجدان و هي كانت تقرأني و تحكي لمشاعر . و هالحكي ما كان مخبى على حدا .
تبسمت لكن عرفوا إني الدمع بكابر و إنه قلبي هسة زي إلي قاعد بحصة رياضيات مملة و قسمات وجهه كلها هبل و عبوس ..
إطلّعت على مشاعر و وجدان علشان أنهي المشكلة .. و توصلنا لحل مرضي للجميع ... لما اتلاقي وجدان وحدة زي مشاعر ساعتها ما رح يكون في هناك هرووووووب .
و رح تفرح مشاعر ..
و ما رح اتكون وجدان إلا مبسوطة ..
انتهينا ..
راحت مشاعر مجبورة الخاطر ..
و راحت وجدان مبسوطة ..
و راح الدلفين وين ما بعرف ..
و صار لازم أرجع سباحة لأرض الواقع .
.............................
مشاعر و وجدان ( ونس ) عمري
بقلمي محمد العباسي