مصر رايحه لفين!

مصر رايحه لفين!

البلد دي فيها ثوره
ثوره نادت كل مصري
كل مظلوم فيها تايه
قوم يا مصري
مصر لازم تبقى حره
كل مصري قام يلبي
مصر فرحتها النهارده
قام حبيبي المصري يصرخ
مصر تعبت ميه ميه
مصر راح ترجع أبيه
للميدان ههتف وانادي
نفسي أوهبلك بلادي
كل عمري ويوم ميلادي
كل أولادك يا غاليه
من قلوبها ف. كل ثانيه
من ضميرها ومن كيانها
كان هتافها..
أرحل أرحل بره بره
ثوره ثوره
كان هدفنا حلم واحد
القلوب كانت في واحد
كلنا كنا في واحد
كان كلامنا وصوت هتافنا
كلمه واحده
أرحل أرحل بره بره
ثوره ثوره
تلاتين عام مش هداري
مرضى فقر وسم هاري
نبقى قاعدين فوق ترابها
نشتكي وتشكي عذابها
وانت قاعد فيها باشا
مصري غرقان ف. البغاشة
واحنا فقر وطينه زرقه
ظلم جوع والعيشه زنقه
لو نموت والله مَفرقه
أنت أنت لحد أمته تدوس علينا
أنت مَستكفتش عمر تذل فينا
ارحل ارحل بره بره
ثوره ثوره
قام صاحبنا وقال كفايه
التنحي مش حكايه
كنا حاسبين دي النهايه
بس يا خساره قويه
ابتدينا فصول روايه
جد..كات أسوأ روايه
راح لشرم الشيخ وبانت
وابتدى فصل البدايه
قام ف.كل مظاهره ظيطه
كل ما بنهد حيطه
نلقي حيطه وألف حيطه
هوه كل جهاد ولادنا
يضيع ف. جره
ولا ممكن ويا عز البرد
تبقى الدنيا حره
كات مظاهرة شعب كامل
ولا تحصيل للي حاصل!
ولا كانت جد ثوره
وأغلى ثوره!
مين يقولي بحق
فين نور الحقيقه
كلنا بنتوه ف. كلمه
وفي دقيقه
السياسه ف. الطراوه
والفئات آخر حلاوه
اللي نادى بالمهيه
واللي قال مقبلش ديه
واللي قال الحل ديني
واللي قال حزبي يراعيني
واللي متزعملي فِرقه
واللي بيخطط لفُرقه
واللي مترصد لشنطه
والمعيشه ف. الأونطه
والمصيبه البلطجيه
هيه دي اللهوه القويه
شعب تاني مش شويه
قلت كات ضاعت فلوسنا
بس مَنضعش ف. نفوسنا
والشهيد راح ومجاشي
مات بحلمه ومنتهاشي
لسه جنبي
لسه عايش جوه قلبي
بس مصر لفين يا مصري
مصر رايحه لفين يا ربي
مصر رايحه لفين
محمد جنيدي