شو هالدفا كلّو
شو هالدفا كلو.. و ايدي كيف..قدروا ساكتين يضلّو
ريحة حبيبي الصغير غابة عبير وعطر بيهلّو
خدودو منمنمة ولمن يضحك .. بلا سنان تمو
....ينزل منو الرحيق عا وجهي ويبلّو
يمد لسانو جوعان حبيبي..قلبي بطمعيه..وتايشبع بنزعو كلّو
حبيبي ..مدمد ايدين يالله
..ايديه صغار.. لكن من وسعهم الكون بيملّو
و عيونك أحلى عسل......بقلبي المرار بيحلّّو
عيونك زرعوا ..شمس.. ونهار مابيلحقو ليل
..زرعو بحر دفا مافي عاصفة..توصلّو
زرعو ربيع مابيعرف يموت....وبضحكتو.. رجّع العمر اللي راح كلّو
يتمرمغ.. بدياتي.حبيبي دياتي. صارت ألف سرير .
ومرجوحة تاتهزلّو
ولمن عيونو غفيت.. ماعرفت..منين البوسة ابداها..
وفيهاحكايات كتيرة تقللو
قللو يابنيّ.. القلب بلاك .. ضايع بصحرا موحشة
عدرب آمنة ماحدا دلّو
يا بني بلا عيونك ..انسرق من سنيني النهار ..
وغير ليالي باردة ما خّلو
يا بني لمن بايديّ احملك.. بتنزل السما بحضني..
وكل النجوم والقمر بيهلّو
ولمن احضنك بتصير رعشة بقلبي..لو نزلت عاجبل من حديد بتفّلو
بنييّ غرق بالنوم ..ماشاف الجوع بعيوني..
يفتش عكل نتفة فيه..ما يخلّو
بنييّ..حبل سري يهزّ الشجر .. تطلع مواسم..
وكل ما تخلص بعمري بيادر .. عيونو بيتلّو
وبسمع صوت المطر.. فيه عاصفة .
.ايدي تقيلة كتير بحسّ ايديّ نشّلوا
بحرك ايدين فاضية .. بحرك أصابع .. طول الوقت متيبسة ضّلو
وين الدفا .. وين الهنا .. وفرح سما واسعة و ايديّ شو كانوا يحملو
و تفيض دمعة..سهرت معي ..تنهدت وقالت .
.كل اللي عشتو وهم ..
كان .. موجة عطر .. جابت معا عصافير ملونة ..
وباقات ورد .. بس هلق فلّو
