ابتسم ... اقصد اضحك من فضلك وبالفـُم المليان

وصلتني في الإيميل حالًا
:sm_biggrin:
============================
تم تغيير النشيد الوطني وأصبح بلادو بلادو بلادو مصر لحسني وولادو.
سألوا الرئيس عن رأيه في التغيير قال التغيير ده سنة الحياة قالوا طب وسياتك مش هتتغير قال أنا فرض مش سنة.
صعيدي طلب يتعين في مجلس الشعب قالوا له أنت أهبل؟ قال يعنى لازم الشرط ده.
صعيدي مسكوه بيزور فلوس بيقول للضابط أموت واعرف عرفتوا أزاي؟ الضابط قاله يا ابن ال... هو في ورقة بـ 65 جنيه.
ثلاثة محششين وقفوا تاكسي السواق عرف أنهم محششين شغل العربية وطفأها وقالهم وصلنا. الأول دفع الأجرة والتاني قاله شكرا والثالث ضربة على قفاه وقاله متبقاش تجري بسرعة تاني.
مساطيل بيكتبوا محاضرة ورا دكتور كل ما يمسح السبورة يقطعوا الصفحة.
ضابط مرور سأل السواق أنت ليه مش لابس الحزام قاله البنطلون بأستك ياباشا.
صعيدي شاف أمه محروقة والنار طالعة منها قالها منوره يا حاجة.
واحد بخيل جاله شحات وقاله أنا جعان ومدقتش طعم العيش بقالي يومين قاله نفس الطعم متغيرش.
واحد فافي قوي أتجوز واحدة فافي قوي خلفوا ولد وحش قوي سموه يااااي.
موجه عربي بيقول للمدرس ليه العيال بينطقوا الجيم دال قاله ماهو ده اللي مدنني.
دعاء زوجات 2010: اللهم أشفي رجالنا من الندالة واعمي أبصارهم عن البنات النئاوه واجعل نانسي واليسا وهيفاء في عيونهم زبالة وصور لهم روبي شغالة وقربنا لهم وخلينا في عيونهم أخر حلاوة.
قسم الرجال المصريين عند الزواج: أقسم برب البريه أن أكون مطيعا للوليه وأن أسلمها المهيه وكل الحوافز الظاهرة والمخفية وأن أقطف لها الملوخية وأن أكون في البيت من المغربية وحسبي الله ونعم الوكيل في الست ددددديه.
لا تبكي إذا ضاع الحب ومات السلام ولكن أبكي إذا جالك إسهال وملاقتش حمام.
إذا وجدت كل الناس يجرون وراء الدنيا اجري معاهم هتقف لوحدك تعمل أيه.
الحياة مشوار طويل فلابد من .................................................. .... توك توك يوصلنا.
قول معايا ذهب الليل طلع الفجر والحشاش كركر شاف الشيشة قالها شفطة قالتله أتفضل.
ديناصور بيقول لديناصوره هاتي بوسه قالتله عيب قالها ماهو أدب أهلك ده اللي خلانا ننقرض.
زرار قال لسوسته نكته فضلوا الاتنين يضحكوا لحد ما البنطلون وقع.

ألأخت الفاضلة منى لقد ضحكتُ بالفُمّ المليان ِوكما كنتُ أضحكُ في القاهرة , فنحنُ في بلاد الشّام نضحكُ بال (فمَ ِّ) المليان ِ . دمت ِنسمة ًترسُمُ الإبتسامة َعلى الشِفاه ِ.

أضحك الله سنك أخي الكريم كرم
لم ألحظ ما كتبت "الفُم" إلا بعد تعليقك عليه

جاءت في وقتها بالنسبة لي

شكرًا على مرورك المنعش

الغالية منى هلال ك

نكات جميلة جداً ,استمتعتُ كثيراُ

ماذا تعني (فافي)؟ حزرتُ: شرير؟؟

لك أجمل تحية.و دمت سعيدة.

الاخت الغالية منى هلال:

نكات جميلة جدا, استمتعتُ كثيرا..

ما معنى (فافي) شرير؟ مائع؟..

لك أجمل تحية و دام سرورك.

(

دعاء زوجات 2010:
اللهم أشفي رجالنا من الندالة
واعمي أبصارهم عن البنات النئاوه
واجعل نانسي واليسا وهيفاء في عيونهم زبالة
وصور لهم روبي شغالة وقربنا لهم
وخلينا في عيونهم أخر حلاوة.)

===
دعاء مشروع
يؤجرن عليه
===
يعجبني روحك الطيبة
وأنا مهتم بسماع وقراءة النكت التي تخلو من فحش وسخافات
واختياراتك هكذا طيبة
===

لماذا أحب النكات؟
1- ترويح مشروع
2- النكات تشمل مهارات لغوية
3- تشمل مفارقات تدل على مهارات
4- تشمل عفوية فطرية
5- تعرض الواقع بطريقة قوية
6- فولكلور
7- غالبيتها تحوي قصة قصيرة - أحبها أكثر

أليست هذه ومضة قصصية تدل على منتهى الذكاء؟


واحد بخيل جاله شحات وقاله أنا جعان
ومدقتش طعم العيش بقالي يومين
قاله نفس الطعم متغيرش.