الصوان

الصـــــوان

مره نويت اني اروح .. أحضر في يوم معزىَ
كان الصوان مُفتخـَر .. جدًا وحجمه كبيــــــــر
فيه الزخارف عجب .. حتى الرسوم بــــارزه
أما اللـُّمض بالوما .. وأنوار عددها كتيـــــــــر
وكراسي متنجده .. فيها القعـــــاد لــــــــــــــذه
ودا كله للمنظره .. ودليل على التبذيــــــــــــر
المقرءين بالعِمم .. من مصر جت جاهــــــزه
ده م الإذاعه عَلـَم .. والتانــي إسم شهيــــــــر
الناس كتيره أمم .. جايه عشان عايـــــــــــزه
تِسمع لمقرئ كبير .. زي النجوم لامــــــــــع
أتعابُه ليها العجب .. بين الشيوخ شـــــــــــاذه
تِكـْفِي تأكِل عدد ...... يطلع له ألـــف فقيــــر
ــــــــــــــــــــــ
أهل الفقيد افتـــــــروا .. أخدوا الأمور مظهـــــر
يتباهوا بالمظهره .. ويطولــــــــوا رقابهـــــــــم
في المعزى تِلقى اللي جاى .. يقف عشــان يظهـِر
إن الفقيد غالي .. وحزين عشـــــان سابهــــــــــم
رغم الفقيد آخرته .. مقهــــــور ومتأثـــــــــــــــر
راقــــــد بقاله سنــــــه .. لا جُم ولا شافهـُـــــــــم
سابوه رفيق وحدِته .. لقـــــــــــدَر ومتقــــــــــدَّر
سِرُه الإلاهي طلع .. ولا حد كـــــــــان سامــــــع
جالهم بموته الخبر .. الكـــــل جــــه يحضـــــــــر
يعني انتهاء الأجل .. هوَّ اللي كــــــــــان جابهـُـم
ــــــــــــــــــــــ
طب ليه بقى تبذرُّوا.. ترموا الفلوس ع الأرض
ليه تصرفوا في الغلط .. وتبددوا النِعمــــــه
وتزيدوا في الفشخره .. اللي تزيد ع الحـــــد
خليتوا عينكم يا ناس في الضلمه رح تِعمىَ
الدين بنى حِكمِته تيجي انت ليه وتهـِــــــد
صرْح التكافـُل ، وليه ميكونش فيه رحمه
ليه الفقير يترعِش جدا في عز البــــــــرد
وتنام وفوقك لحاف وشعور بليد ساقِـــــع
سيبك من البعزقه دا انت عليك الفـــرض
ذكـِّي تصدق لاخوك خللِي النفوس تِسمَا
ـــــــــــــــــــ
عادة خيام العزا مش سُنـَّه في الإسلام
بدعه وفِضلِت معانا مِن زمـــان بسنين
متصححولنا الغلـَط يا وسائل الإعـلام
وتوضحوا للبشر فتوى رجال الديــــن
وف مره قوموا انزلوا زوروا صوان مِنقام
وتصوروا اللي جرى في فيلم أو فيلميــــن
الناس تحِس بخطأ فادِح مــع الأيــــــــــام
وانتم تكونوا السبب في نشر شيء رائــع
ونشوف أثر فعلكم قول كام سنه لقـــــدام
الناس تكون اهتدت واتمسِّكت بالديــــــن

***********