سيجــــــــــــــــــــــــاره

سيــــــجاره

يا تاعِب في نفسك وشــــايل سيجـــاره
تدخن بلاوي وتِــــبلع مــــــــــــــراره
مهيـــاش ألاطــه مهياش شطــــــــاره
تدمّر حياتك .. يا مليـــــــون خســـاره
يا تاعِب في نفســك وشــــايل سيجاره
ــــــــــــــــــــ
تضيَّع ماهـــــيتك في علبة سجـــــاير
تبيع الحاجات والأثاث والســـــــراير
وتِحرم ولادك وتِعــــــمِل خســــــاير
وبيتك يعيــــش كل يوم جوّا غــــاره
يا تاعِب في نفســـــك وشايل سيجاره
ـــــــــــــــــــــ
وأما اللي قــادر معــاه فلوس كتيــــر
حينهــِي حيــاته بنفــس المصيــــــر
ولو حتى دخن ســـــيجار م الكبيـــر
يعُضـُّه بْسِنانـــُه كأنـــه خيـــــــاره
يا تاعب في نفسك وشايل سـيجاره
ـــــــــــــــــــــــ
تلاقي الوزير والمدير والغفيـــــــر
واخونا الموظف وبرضــُه الأجيـر
بيخرج معاشـُه معــاه داء خطيــــر
ميقدرش يطلع ســلالم عمــــــــاره
يا تاعب في نفسك وشايل سيجــاره
ــــــــــــــــــــ
يلف الغفير المعسِّل في بفـْــــــــــره
يقولك دي أوْفــر تحققلـــُه وفـْــــره
وتِعـْدل مزاجـُه عشان عنده غفــره
وأخرتها يقعـــد يكح بجــــــــــداره
يا تاعب في نفسك وشايل سيجاره
ـــــــــــــــــــــ
يبيعوا السجاير ومكتوب عليهـــــا
مُضِرَّه عشــان المـواد اللي فيهـــا
ولكنْ بهمـَّه ترُوح تِشتِريهـــــــــــا
وتِفضل تدخـَّن بعــِند وجســـــاره
يا تاعب في نفسك وشايل سيجـاره
ـــــــــــــــــــ
دا قـُطـْرَان معتـَّق بيدخل في صـدرك
وكنـْسَرْ يجيلك ويقصُــف في عُمـــرك
وتِجْـري القرايب تجهـِّــز في قبـــــرك
لا فيه ميه ســـاقعه ولا فيه إنـــــــــاره
يا تاعب في نفسك وماسك سيــــــجاره
ـــــــــــــــــــ
فتاوي الأئمـــه تقولك حــــــــــــــــرام
تدخـَّن هتِذنِب صحيـــح مش كـــــلام
وتفضل تِجَمَّـــع شوية أثـــــــــــــــام
تشيلها معاك وانت ماشي ف شيكاره
يا تاعب في نفسك وشايل سيجـــــاره

************