نفسى اكون

نفسى اكون
---------------
نفسى اكون أى حاجه غير أنا
بالونه ممكن أو حتى كوره ملونه
أو بلياتشو يتنطط هنا أو هنا
المهم ماكونش انا
نفسى اكون عصفور صغير
ريشه أخضر
أو حتى طياره ورق
أو قمع سكر
يدوب فى بحر من العرق
نفسى اكون كلمه
فى غنوه باحبها
أو شجره فارده ضلها
أو حتى صوره ع الجدار
فيها معانى الانتظار
ممكن كمان اكون كتاب
غلافه بنت صغيره
راسمه على خد السحاب
ورده جميله معطره
نفسى اكون طبله ورق
على القلوب دايما تدق
تجمع الاحباب سوا
ترسم نسايم م الهوا
نفسى اكون قلم أستيكه برايه
أو حتى سطر فى حكايه
أو حتى لعبه بذمبلك
ومادمت أنا اى حاجه غير انا
صدقونى هاعيش ملك
صدقونى هاعيش ملك
---------------
---------
----