شـــــــــــــــــــــــوق

[سعيد حامد شحاتة]

الله
على طعم الشهد ف حضنك
واحنا بنحضن بعض ف وسط الناس بعد التغريب
الله
على روحى وروحك لما اتقابلوا ف علم الغيب
كونتيلى النور
وأنا كنت شعاع عمال يتنطط ع الكراكيب
عمال يتمرد ع المكاتيب اللى ف عبك
رغم انى بحبك وبحبك
الا انى تمللى بحب أتمرد ع المكاتيب
وبحب اتحايل ع الترتيب اللى ف لونك
وبحب اتلون بجنونك
وبحب اتغزل ف عيونك قدام الناس
الله على طعمك
لحظة ما الاحساس جوايا بيتغطى بنفس الاحساس
والعين فى العين والراس فى الراس
الله ع الوردة اللى بتحضن ورق الكراس اللى ف ايدك
با اتاخد منى وأنا ف حضنك
وانتى بترقينى بتنهيدك
وبترمى ف عبى حروف الشوق
وأنا واقف بين ضلعينك متلجلج
مش عارف أفوق
ولا عارف أدوق طعم العناب اللى ف خدك
الله لو كان فى ايديا الكون
كنت أصنع ملكوت على قدك
وينبت وردك جوا اجرانى العطشانة
ما أعرفشى انتى بطعم التفاح
واللا انتى أساسا رمانة
واللا انتى الضحكة السهرانة ف كل الحواديت
وأنا ليه بشتاق لك
لما بشوف الورد الساكن جوا الفاظة ف ركن البيت ؟
أنا ليه بشتاق لك
لما أسمع نغم الزراغيت جوا ودانى؟
أنا ليه بشتاق لك وبضمك
لحظة ما بشوفك فى كيانى ؟
يا عيون سرقانى وأسرانى ووخدانى بعيد
بتهز معاكى وانا ف حضنك
والايد عمالة تبوس ف الايد
والقلب بيلعب جوايا
ويتكى على حبال التنهيد
أتنهد واللا أستناكى ؟
واللا أضغط على وترى الموجوع
وأصبر وأتنهد وياكى ؟
واللا أرسم قلبى على الدواليب زى العادة ؟
وأطبع جواه صورتى وصورتك
وأكتب ( زيدون ) مع ( ولادة ) ؟
واللا أقعد وأسمع (( دوا عينى ))
وتسرقنى وأدوخ مع (( ميادة ))
وأتهز لكل أغانى (( حليم )) ؟!!!!!
يا عيون صافيين زى اللولى
ويا خدود طعم البلح الأبريم
أنا نفسى أتمرد ع المراسيم السلطانى
وأصرخ فى وشوش حراس النور
وأكسر كل قيود سجانى
يا عيون أسرانى ووخدانى
وفايتانى على البر التانى
وحشانى
بكل معانى العطش اللى ف جوفى
وحشانى
بحجم نياب الشوق اللى بيمضغ شهوة خوفى
وحشانى بجد
بحجم حروفى المشتاقة لحضن الكراريس
أنا بعشق ليه ريحة الدبابيس اللى ف شعرك ؟
كل الحواديت اللى ف شعرك
التنية الحلوة اللى ف عودك ؟
أنا بعشق ليه ريحة التدايين
لما التدايين
تتمايل على جمر خدودك ؟
يا أم الخدين أحلى من الورد
وأطعم من طعم التين فى الأرض
بشتاق لك جامد
لما البرد يدوس ع الناس زى التنين
بشتاق لك جامد
لما بحس ان العالم بقى فاضى
وما فيهوش بنى آدمين
بشتاق لك بشتاق لك جامد
ويا ريت الشوق يبقى حنين
ويوقف فى دماغى الطواحين

[سعيد حامد شحاتة]

تاهت معالم خطوتك نوبة
تاهت معالم خطوتى نوبتين
لا عنيكى
كانت قبة الصخرة
ولا كنت انا الناصر صلاح الدين

[ريمه الخاني]

عواطف صادقة وحارة
دمت بخير

[سعيد حامد شحاتة]

عواطف صادقة وحارة
دمت بخير

_________
أشكر ردك الجميل
تحياتى
سعيد

[الشاعرمحمدأسامةالبهائي]

هذا إقتراحي القديم أقدمه
بكل الحب والأخوة
لأخي الحبيب
سعيد حامد شحاته

الله على طعم الشـــهد ف حضنـك=
وســط النـــاس بـعد التـغريب=
الله على روحى وروحك=
يوم مااتقابلوا ف علم الغيب=
كنت شعاع عمال يتنطط ع الكراكيب=
وتملي أحب أتمرد علي صح وعيب=
كنت بأحسك وأنت بعيده في علم الغيب=
أحلم حلم يقرب قلبي لحبك وأنا متغرب =
بحب اتـلون بجنــونك ياأعز الناس=
وبحب اتغزل ف عيونك قدام الناس=
والله على طعم الدنيا بربيــع وناس=
لحظة ما الاحساس يحضن أحساس=
جوايا بيتغطى بنفس الاحساس=
عيني ف عينك راسي ف راسك=
ورد الحب حاضن كراســــــــــك=
وآتــــاخد منى قصــاد أحساسك =
وانتى بترقينى بتنهيدة شــــوق=
وبترمى ف عبى حروف الشوق=
وأنا من خوفي عليكي أ تلجلج =
ومانيش عارف أمتي هــا أفوق=
وأنا نفسي يساعني الكون=
ماهو كل الصعب يهون=
ع العفة والأصل اللي يصون=
وياسلام لو أطول مفتاح الكون=
أصنعلك مملكتك على قدك ... وأصون=

[سعيد حامد شحاتة]

--------
أنا مش مهيئ للكلام دلوقت
ودماغى من ساعتين ماهيش فاضية
لكن يجوز لمّا السما تزهزه
أرسم لروحك كلمتى القاضية

[سعيد حامد شحاتة]

--------
أنا مش مهيئ للكلام دلوقت
ودماغى من ساعتين ماهيش فاضية
لكن يجوز لمّا السما تزهزه
أرسم لروحك كلمتى القاضية

[سعيد حامد شحاتة]

--------
أنا مش مهيئ للكلام دلوقت
ودماغى من ساعتين ماهيش فاضية
لكن يجوز لمّا السما تزهزه
أرسم لروحك كلمتى القاضية

[منى عز الدين]

سعيد حامد شحاتة
عبقرى حقيقى
بعترف ان اسلوبك مختلف جدا عن اى شخص آخر يكتب العامية
اسلوب يتميز بالتمكن الشديد والمهارة
وبعديا عن اى تعديل لجوهر عمل فنى عالى جدا
ارسل لك تحياتى
واتنبأ لك قريبا بمستقبل باهر فعلا

[منى عز الدين]

سعيد حامد شحاتة
عبقرى حقيقى
بعترف ان اسلوبك مختلف جدا عن اى شخص آخر يكتب العامية
اسلوب يتميز بالتمكن الشديد والمهارة
وبعديا عن اى تعديل لجوهر عمل فنى عالى جدا
ارسل لك تحياتى
واتنبأ لك قريبا بمستقبل باهر فعلا

[منى عز الدين]

سعيد حامد شحاتة
عبقرى حقيقى
بعترف ان اسلوبك مختلف جدا عن اى شخص آخر يكتب العامية
اسلوب يتميز بالتمكن الشديد والمهارة
وبعديا عن اى تعديل لجوهر عمل فنى عالى جدا
ارسل لك تحياتى
واتنبأ لك قريبا بمستقبل باهر فعلا

[سعيد حامد شحاتة]

ان شاء الله
********
الأخت والصديقة والشاعرة العبقرية
منى عز الدين
ردك جميل وعذب بحجم ابداعك ورقتك وعذوبة لسانك الذى يعرف معنى الكلمة قبل أن يخرجها
انا سعيد جدا بردك وانتظر تواصلت الذى يمثل وردة فى هذا الطريق الملئ بالعذاب والحلم

[سعيد حامد شحاتة]

ان شاء الله
********
الأخت والصديقة والشاعرة العبقرية
منى عز الدين
ردك جميل وعذب بحجم ابداعك ورقتك وعذوبة لسانك الذى يعرف معنى الكلمة قبل أن يخرجها
انا سعيد جدا بردك وانتظر تواصلت الذى يمثل وردة فى هذا الطريق الملئ بالعذاب والحلم

[سعيد حامد شحاتة]

ان شاء الله
********
الأخت والصديقة والشاعرة العبقرية
منى عز الدين
ردك جميل وعذب بحجم ابداعك ورقتك وعذوبة لسانك الذى يعرف معنى الكلمة قبل أن يخرجها
انا سعيد جدا بردك وانتظر تواصلت الذى يمثل وردة فى هذا الطريق الملئ بالعذاب والحلم

[شيماء النادي]

تسلم ايدك يا أخ سعيد . العاميه عندك عجينه بتشكلها ببراعة وجمال . تحيه واعجاب بهذه الكلمات وهذا الحب والوصف البديع.

[شيماء النادي]

تسلم ايدك يا أخ سعيد . العاميه عندك عجينه بتشكلها ببراعة وجمال . تحيه واعجاب بهذه الكلمات وهذا الحب والوصف البديع.

[شيماء النادي]

تسلم ايدك يا أخ سعيد . العاميه عندك عجينه بتشكلها ببراعة وجمال . تحيه واعجاب بهذه الكلمات وهذا الحب والوصف البديع.

[سعيد حامد شحاتة]

تسلم ايدك يا أخ سعيد . العاميه عندك عجينه بتشكلها ببراعة وجمال . تحيه واعجاب بهذه الكلمات وهذا الحب والوصف البديع.

********
الشاعرة الرقيقة / شيماء
أِكر مرورك الجميل وردك الرائع
مع خالص تحياتى

[سعيد حامد شحاتة]

تسلم ايدك يا أخ سعيد . العاميه عندك عجينه بتشكلها ببراعة وجمال . تحيه واعجاب بهذه الكلمات وهذا الحب والوصف البديع.

********
الشاعرة الرقيقة / شيماء
أِكر مرورك الجميل وردك الرائع
مع خالص تحياتى

[سعيد حامد شحاتة]

تسلم ايدك يا أخ سعيد . العاميه عندك عجينه بتشكلها ببراعة وجمال . تحيه واعجاب بهذه الكلمات وهذا الحب والوصف البديع.

********
الشاعرة الرقيقة / شيماء
أِكر مرورك الجميل وردك الرائع
مع خالص تحياتى