الكاتب الكبير ثروت الخرباوى تحية اعتزاز وتقدير
لهذا ـ وقبل أن أقرأ قصتك الجميلة الرائعة ـ أهديتك قصتي نهضة مصر وأعلنت عن قرب نشري للحمير خانة
أخي الحبيب:
يقولون أن سبب تقدم أوربا هو الـ Ibm
وهو أيضا سبب تخلف مصرنا (المتعوسة)
فالـلآي بي إم في أمريكا وأوربا يعني نظام الكمبيوتر المعروف أما عندنا (وبكل فخر) وكما لاحظ أحد الأجانب الظرفاء فالكلمة هي اختصار لثلاث كلمات هي:
إشمعني I
بكره B
معلهشي M
وفي هذا الصدد كتب "فنديس"
إشمعني وبكره ومعلهشي
حاجة توقّف إللي بيمشى
تعصر أناناس تشرب طرشى
تشوى النيفا وتطلع محشى
قوللى يا باسط كله بيمشى
ياعزيزي دولة تعيش بنظام (القطاعي)..ولا تعرف التخطيط تغرق شعبها وتلوث هواءها وتسمم أرضها وتقتل دجاجها وتضاعف كل يوم أسعارهاـ كحلول للمشكلات ـ لابد أن الذي تصبح فيه بتبات
المهم المحروس ييجي بعد المتعوس ونعيش كلنا في تبات ونبات ونخلف (بدون تحرش جماعي) صبيان وبنات..ونهتف مع "فنديس" كله تمام
كله تمام
أصبحنا يابا في كل عام
يطلع علينا وزير هُمام
يقول يابيه كله تمام
لا فيه هباب ولا فيه سخام
يكتم ف أنفاس الأنام
والأنسولين موجود كتير
وعلبته روح شوف بكام
عشرة بجنيه فشر الزكام
وتحصله من غير زحام
أما الرغيف بدر التمام
فوق الرصيف زى الغمام
وورق دولار في السوق يمام
أما الجنيه عمره ما عام
والقطر سافر ع الصعيد
زي الغزال زي الحمام
لا فيه حريق ولا موت زؤام
ولا فيش بيوت جوا الحارات
تنهار كدا دبش وركام
والناس قليل خلّف وهات
بُشرى وسعاد وعلى وحسام
دا الخير كتير ما تعدهوش
يا عمنا إبسط ونام
موش لاقي فول أطلب حمام
إن حد قال فيه أي شئ
ما تصدقوش كله كلام
كل الأمور من ألف عام
آخر هنَا ماشية وتمام
واهو كام وكام وكام وكام
وعليكى يا مصر السلام
---------------
كتبت 1998
ولا زال مفعولها ساريا
المفضلات