طــــــلع سيدنـــــــا بوش
................دخل شيخنا اوبامـــــــــا
اوبامــا لبس جـــــــاكيت
................بوش لبس بيجامــــــــــا
واحنــــــــا العرب للحين
................نغني يامــــــا ويامـــــــا
غزه بالامس ذبحوهــــــــا
.............وقالوا اليوم السلامـــــــا
امس بغداد اسرقوهـــــا
................وشغلنا نعد اليتامـــــــــا
حتى عشتار اسرقوهـــا
.................وانبروا حتى العضامــا
قمه بالزور اختموهــــا
.................قرروا بس بالكلامـــــــا
واحنـــــا ياحسره علينا
.................ننتظر رحمة اوبامـــــــا
احنــــــــا ندفع كل درهم
.................وبعدها نصلي القيامــــا
الف بشت والف عمــــة
...............ناموا بحضان الظلامـــــا
وطفله بغزه تنـــــــــــادي
...............نقمة القمــــــــــــه علاما؟
تصرخ تقـــــول انجدوني
..............من يجيب اليوم مامـــــــا؟
مامـــــا ماتت اقتلوهــــا
..............وين امي بهالحطامـــــــا؟
امس اركض واحتضنها
................وتركض بصدري غماما
كانت تعلمني درســـــــي
...............وكانت تحبني بهيامــــــا
من يحاسب من قتلـــــها
..............بوش او عمنا اوبامــــــا؟
المفضلات