أرجــــــــوكي

[مسعدالنحلة]

[size="6"][/
أرجــــوكى
ياللي غرامِك كان في قلبي من زمــــــــان
ليه سايبه قلبي ف العذاب ما بتسألـــــــــى
ياللي في قربك كنت باشعُر بالأمـــــــــان
ليه لما اقرب من فؤادك تِتقــــــــــــــــــلي
ليه شمعة الحب انطفِت قبــــــــــــل الأوان
وانتي اللي كنتي ف حُبِّنـــا بتتغزلــِّـــــــي
كان حبنا غنوة حنان متلحِّــــــــــــــــــنه
وانتي اللي كنتي بتعزفيها وتِسمَعِـــــــــي
كانت بتملانا بسعاده وبهَنـــــــــــــــــــا
عمرك ما كنتي بتشتكي وتِتوجعِــــــــــــي
ليه النهارده تعذبي قلبــــــــــي أنــــــــا
لا بترحمي شوقي ولا بتودَّعِــــــــــــي
أرجوكي نِرحم ذكرَىَ قِصة حُبِّــــنـــــا
يا إما إنِك تهجري .. أو تِرجََـــــــعِي
*********
size]

[زهار محمد]

روعة القصيدة في جمال الكلمة

و رهافة الاحاسيس

بارك الله فيك

[مسعدالنحلة]

روعة القصيدة في جمال الكلمة

و رهافة الاحاسيس

بارك الله فيك

شكرا جزيلا أخي الأستاذ زهار محمد
شرفت بإعجابك
دمت بود .. مع خالص التحية
أخوك

[أحمدموسى]

أرجوكي
.........

ياللي غرامك جوه قلبي م انتهاش=ليه تجرحي قلبي الحزين ما بتسألي؟
جوّه فـ عيونك لسه حلمي م ابتداش=وامّا آجي اقرّب من عيونك تتقلي
بعشق ونور الحب لسه منطفاش=واكتب غزل يا امُّ العيون الدُبَّلي
ليه حبنا بيهون عليكي فـ لحظه ليه=وانتي اللي كنتي ف حبّنا بْتتغزّلي؟
كان حبّنا غِنوه لْجميع المغرمين=كنتي بإديكي بتعزفيها وتسمعي
وكان صداها يرددوه العاشقين=ويقولوا يا فرحه تعالي اتدلّعي
والله منسى شوقي ليكي والحنين=ولا ارضى لو لحظه يدوب تتوجّعي
ليهْ تعذبيني بين حضورك والغياب=لا بترحمي شوقي ولا بتودّعي؟
أرجوكي نرحم ذكرى قصة حبنا=ويا إما إنك تهجري .... أو ترجعي

بصراحه يا أستاذنا الحبيب
جمال قصيدتك خلاني أكتب على نفس الوزن
وأستعير منها شويه
ربنا يبارك فيك يارب ويحميك بالقريحه الذهبيه دي
واقبلني إبن ليك لو تتكرم عليا بكدا
واقبل مداخلتي دي لإن بصراحه كل ما أقرالك
غصب عني بحاول أكتب رغم إنّي على قدي
في الكتابه
كل سنه وحضرتك طيب
أحمد سعيد موسى

[مسعدالنحلة]

أرجوكي
.........

ياللي غرامك جوه قلبي م انتهاش=ليه تجرحي قلبي الحزين ما بتسألي؟
جوّه فـ عيونك لسه حلمي م ابتداش=وامّا آجي اقرّب من عيونك تتقلي
بعشق ونور الحب لسه منطفاش=واكتب غزل يا امُّ العيون الدُبَّلي
ليه حبنا بيهون عليكي فـ لحظه ليه=وانتي اللي كنتي ف حبّنا بْتتغزّلي؟
كان حبّنا غِنوه لْجميع المغرمين=كنتي بإديكي بتعزفيها وتسمعي
وكان صداها يرددوه العاشقين=ويقولوا يا فرحه تعالي اتدلّعي
والله منسى شوقي ليكي والحنين=ولا ارضى لو لحظه يدوب تتوجّعي
ليهْ تعذبيني بين حضورك والغياب=لا بترحمي شوقي ولا بتودّعي؟
أرجوكي نرحم ذكرى قصة حبنا=ويا إما إنك تهجري .... أو ترجعي

بصراحه يا أستاذنا الحبيب
جمال قصيدتك خلاني أكتب على نفس الوزن
وأستعير منها شويه
ربنا يبارك فيك يارب ويحميك بالقريحه الذهبيه دي
واقبلني إبن ليك لو تتكرم عليا بكدا
واقبل مداخلتي دي لإن بصراحه كل ما أقرالك
غصب عني بحاول أكتب رغم إنّي على قدي
في الكتابه
كل سنه وحضرتك طيب
أحمد سعيد موسى

على الرحب والسعه اخي الشاعر الموهوب أحمد موسى
يسعدني ان تكون كلماتي سببا في اخراج هذا الابداع الجميل منك ايها الموهوب
بارك الله في موهبتك وسدد خطاك
نراك دائما متألقا
مع خالص تحيتي ومحبتي
أخوك