ضحكة كالحة ....... زي وش الحقيقة
بترشرشيها ع البيوت
لون الصدي .......اغترابي في نظرتك
موتي كل ثانية فيك
مفكركيش ....................باللي كان
بيني وبينك
(تؤتؤ ..........تؤتؤ )
ياااااااااااااااااااااااااااااااه
ع الرقيقة اللي كانت جوه منك
خنقتها واحدة كارهه للنايات
كان ممكن .........نتلاقي في نص حلم
.........او حتي في كوباية شاي
كل شئ جايز
الا قلبك........................
مستحيييييييييييييييل
مستحيل يحب
او يشب من تاني علي ريحتي
صوتي وصوتك اتفرقوا
. ..ما خلاص .....
سمحتي لليل الغميق / يغمي شوفك
دخلتي غربتك .........واتشرنقتي علي روحك
وقفلتي بابك علي حلمي
اللي اتحبس جوه منك .........ومات قتيل
معرفش يفسرك
مليون سؤال ...........وعلامات تعجب
وعيال زي الحروف من غير نقط
... قلقانيين
متجمعين علي ضلمتك
فارده الكفن لمين / القصة انتهت
وقلبي العبيط ........مبقاش يهمك
اخد اللي فضل منك / وارتحل
درويش ...........
علي باب رحمتك