لو الظلم .. كبر
يبقى الحق
تلزمه قوه
تلوى دراع الظالم
وتفكره بس
مين هوه
وقوت ولادك
هاتلاقيه
مابين أنيابه
من جوه
لو الظـــلم كبر


********
لو الظلم كبر
يبقى لازم فيه
وقفه....
بعدها عيد
وفرحه ولهفة
وترجع يا غريب لدارك
وتنور من تانى
الزفه
وترجع لك ضحكتك
وتجلجل....
ولا بفقرك تموت
م الكسفه
لو الظـــلم كبر



********
لو الظلم كبر
ها تعلى معاه
آهات
نغزل منها
توب حريتها
ونخلصها
من حشرات
وسوس بينخر
فى أساسها
وعاملين فيها
باشوات
وان دورت كده
فى أصله
تلاقى أمه
بتبيع كرّات

لو الظـــلم كبر