أنا الدبور/ سامي عبدالرحمن
أنا الــدبــــــور
زرعتيني
في أرضك ..بور
انا الدبور
بزن في عشك المالح
بلا بكرة بلا امبارح
بلا ميه
غرستيني في أرضك ...
أو في ضنكك
يالعنادية
و سبتيني
بلا ميه
بلا كلمة .. ( بروح و أرجع )
و سبتيني
بلا ميه
أشيب و اقتات على النية
نسيتيني
قتلتيني بلا ديه
و كان ممكن تخليني
و كان ممكن...
اقوم و افرد و اضلل لو تناديني
و كان ممكن افور تغلي شرايني
بلمس اديكي يا ولية
انا تحييني.............( بالنية )
تنسيني بلاويه
اقوم ارمح من القوة
اشيل همك على ايدي
و ايدي كلها فتوة
و كان ممكن اضمك في أمان روعي
و ابات بيكي
.
.......على جوعي
عشان بلقاك من نوعي
و مش خارجة على طوعي
ابوووووس ايدك
انا عطشاااااان
بموت من قلة الميه
و ارضك بور
و انا الدبور
زرعتيني بلا ميه
بايدك
لو تقوليها
تخليني اطير تاني
بكلمة
( لو بحنية )
تعبتك يالعنادية
انا طرحك
بايدك تطرحيني شهد
يا ولية
رد مع اقتباس
المفضلات