قلقتيني ......

[ماجد كمال ابادير]

قلقتيني .. من النومه ..
وقلت انزل ..اسيب الدار ..
برب انزل الاقيكي معدية ..
فضلت امشي ما باعرف فين انا بامشي ..
لقيت البحر في وشي... وقلت اسال ..
بلون البحر كان حلقك .. وفستانك ...
....
اتاريكي ..خاصمتي البحر...
وقلت امشتي..
لقيت الشمس في وشي.. وقلت اسأل ..
م انا عارف بان الشمس بتحبك ..
ولونها فوق خصل شعرك ..
لقيت الشمس بتميل علي المغرب ....
لقيت الشمس مكوية ... بتتعذب..!!!!
وقلت امشي ..
لقيت خضرة .. وقلت اسأل ..
دا لون الخضرة ف عنييكي ..
اتاريها .. ماهيش خضرة ..
اتاريها حصاد مهمل رماه صاحبي...
وقلت امشي..
لقيت قمري..
دا شاهد كان علي حبي ...
بيشةفك لما بتمري .. علي مهلك ..
بيسهرك .. ينورلك ..
لقيته حزين بيتألم ...
بيتلملم ورا الغيمة بيتعتم ..
.....
لقيت نفسي لوحديه ..
وقلت ارجع .. انام تاني ..
برب احلم الاقيكي .. ف احلامي ..
ولما احلم الاقيكي...
صالحتي البحر من تاني..
صالحتي الشمس من تاني..
صاحبتي الخضرة من تاني ..
صاحبتي البدر من تاني ..
ونسياني ......!!!!!!!
ف اقوم مفزوع من النومة ..
واقول انزل اسيب الدار ..
برب انزل الاقيكي ....معدية !!!!!!1
م
ع
د
ي
ة
000

[نجوي أبو ليله]

مساء الخير شاعرنا العزيز
كل حرف من حروف القصيده لها معني خاص
وهذا يدل علي أنك شاعر المشاعر
تحس بالانسان في كل مكان
والقصيده قصيده جميله بكل المقايس
وتدل القصيده علي اسمها الجميل