مكالم .. مكالم .. مصانع كلام

[ماجد كمال ابادير]

مكالم .. مكالم .. مصانع كلام بترموا التقاوي.... نزهر براعم .. بتملا القهاوي .... بنحفظ بسرعة صاروخ الغناوي.... وحتي ف منامنا .. بنحلم حكاوي بنكبر نلاقي اللسان اللي غاوي .. يطرطش نمية .. ف وش القزاز نواجه مشاكل .. مصاعب اليمة .. بحبة خطابة .. بحفنة شتيمة ... وننقش حضارة .. بفرشة رزاز ........ نصبح لحد النهار الحقيقة ... ولما بيشرق ... بنرجع ننام .. مكالم .. مكالم .. مصانع كلام --------------------------- شرخنا بكلامنا حيطان البيوت ... وكان من صداعها .. بلاوي السقوط ماكنش انهيارها بفعل الزلازل .. ماكنش انهيارها بفعل السيول .. ولكن مقوله .. اساسها اني احيا سعيد النهاردة ...وبكرة اموت .. وان المصالح يا ويل الغلابة شراعها الكروت ... وناس البلادي ناقصها العلام .... مكالم .. مكالم .. مصانع كلام -------------------------- ده لو قيه جوايز بيبقي اللي فايز ... واخدها ف كلام ... بنطلع اوائل ف سيرك اللسان تعالوا نكتف لكلمة مصالح ... ونقطع لسان الهتاف الجبان ... ونرميه ف مية بتجري ما يرجع ... ونقطع حبال الحديد اللي صدت ... ف رسغ الفرات ... نكمل وطننا بقدس العروبة ... لجد الزمن ده نبطل قراية .. نبطل كتوبة .... نبطل نشقلب.. نبعتر نلملم .. ف كلمة سلام مكالم .. مكالم .. مصانع كلام

[مسعدالنحلة]

مكالم مكالم مصانع كلام
مفيش حاجه ف بلادنا إلا الكلام
وآخرتها بنلاقي حبة ركام
وغيرنا بيتعب ويشقى ويبني
وإحنا ممنفعش غير في الكلام
ـــــــــــــــــــــــ
قصيدة رائعة أخي الشاعر المتمكن جدا الاستاذ ماجد كمال ابادير
تحيتي وتهنئتي
وتمنياتي بدوام الإبداع
دمت بود