دم نازف م الوليد قصيدة بالعامية المصرية
فى ذكرى الشهيد محمد الدرة
قصيدة
دم نازف م الوليد
بالعامية المصرية
****************
شلال دم نازف م الوليد
بيجرى ع القبله
يلحق صلاة السما ع الشهيد
والغدر وابل رصاصه العنيد
بيواجه احجار ونبله
ولسه التراب بينز بالترتيل
وغاويه العيون تعما
تلم فيا الملايكه لعنان السما
أواصل بالجروح جراح
مش متلايم ع الصباح
ولا الجروح ملتئمه
هوا الوطن لما فكر يضيع مننا
خان ليه الرجال من غير علمنا
خانتنا ليه الخيانه
وضيعتنا
برخص التراب باعتنا
ياعلل علتنا
من كتر فرقتنا
الأرض سايعه الهموم
واللى ضاع بيتنا
أصلى بجوارحى
وبركوعنا
لعل دعانا للسما يخِلص
ويغسل وش الأرض يطهرها
يغسلنا بكانا و كدبنا المفضوح
ياأمة نامت على دمنا المسفوح
شاقق روحى للسما وجروحي
من مواجع كون بحاله بح نوحى
بتلم فيا الملايكه لعنان السما
أ صلى للشهيد
طريح الجُبن والترويع
معراج الروح طوافه
ع اللى خانوه بالتطبيع
صوت تراتيل اللقا
فايت ع البيوت بالعزي
تنطلق فى الفضا
أجراسك ياوطن بالأسى
وكراساتك يامحمد
لساها بلاها الحروف
حرف واقف يرسمك
بشكلك المألوف
وحرف فاتح قلبك الصغير لناس حبوك
عودك النحيل
لساه متكوم فى صدر أبوك
ماضاقش اتساعه
م الخوف عليك ياحيلة أبوك
البنادق طايشة
ورصاصاتها بيضربوك
لاحال ضعفك غدرهم
ولا عودك النحيف
المدنه مايله
وأنت راقد ع الرصيف
لجل ماتاخد بأيدك
لباب الجنه
يامحمد
********
للشاعر
محمدأسامةالبهائي
مصر
[/align][align=center]
الشعراء
رد مع اقتباس
المشاركة الأصلية كتبت بواسطة omferas
المفضلات