لسـَّــــــــاكِ مــصــــــــر**
لسّاكِ ضحكة بين عيونـَّا منطفتش
لسّاكِ رقـَة مانتهتش
لسّاكِ عود أخضر وبيضلل علينا
لسّاكِ فينا
لسّاكِ زاهية ف كل عصر
لسّاكِ مـــصر
ومابين حواريكى اللى مالياها الزِّحام
يا مدينة النور والسلام
بنلف فيكى ونعشقك ونموت ف خيرك
ونتوه مابين كل السكك
ما نلاقى غيرك
ياام المداين والميدان والمئذنة
والله أكبر ف الصلاة متجمَّعين
ياام الولاد الطيبين
يا بلدنا احنا الغلبانين
مَلّينا دور الفرحانين وقت البكى
قاعدينا بنستنا السما
تشتى هَنا
لكنّ احلامنا الجميلة اتبعرت
راحت سماكى مطرت
ضنك وشقى
ياااااااااامصر ضمينا بقى
خلينا نفرح بيكى مرة ف عمرنا
ياااااااااأمنا
اوعاكى تنسينا ما بين كل الزحام
دحنا الفرح
واحنا الدموع وقت الجراح
واحنا السلاح وقت السلاح
فمتنسيناش
دا عشان عيونك
نبنى ليكى احلى قصر
وعشان عيونك
نجنى ليكى ألف نصر
فمتنسيناش
داحنا اللى بنحبك .......يا مـــصر
رد مع اقتباس
المشاركة الأصلية كتبت بواسطة الهام احمد سعد
المفضلات