معقــول ما يكــون لى فى قلبك جـوّه مكان !
وازاى بتقوللـى وأنـتَ معــايا حاسـس بآمان
أنا لما قابلتــك كــان فى عيونك بحـر حنان
والشـــوق فى شفايفك بينـادى وأنا عطشان
مدّيت لـك ايدى مــش طــالب منــك إحسان
طالب قربك ومكان جنبك يا بو ضحكه جنان
........
معقول قلبــك اللى نادانى وقاللى تعــالى
واللى بعت بعنيــك الحلــوه احلى رساله
هـوّه دا قـلبـــك ؟ لا مش قـلبــك لا لا لا
لــو كــان قلبــك ليّا فـى قلبـك جوّه مكان
جـوّاه اسمى وصـورتى ومكتـوب العنوان
ليه بتحاول تنكر حبى ؟
ليه بتعاند ومعاك قلبى ؟
عمــر الحب ما كان يا حبيبى عذاب وهوان
........
ليـه بتحـاول تجـرح قلــب عليــك ملهوف ؟
ليه دلوقتى بشوف فى عيونك نظرة خوف ؟
خايف ليه من قلب يحبّـك
طالب قربك ومكان جنبك
لو كان قلبك يوم مشغول
قبــل ما قابلك كنت تقول
مش بتقوللى وأنـت معــايا حاسس بآمــان
قلبــى آمــن لك وعطاك قلبى بشوق وحنان
قلبك كان بالشوق مليان
وأنا قلبى بحبك فرحـان
مش معقول ما يكون لى فى قلبك جوّه مكان!
مش معقول ما يكون لى فى قلبك جوّه مكان!