من بيتي لبيتا

[هنري منصور]

من بيتي لبيتا = ألف وردي ووردي
والحسّادْ ورا حيطا = واصلينْ لحدِّي
والعصفورْ بخيطا = والصنّارة ما بتودِّي
يا ريتا حدي يا ريتا = اهديها خمرة خدِّي
كلما دمي اعطيتا = بتقللي بعدْ بدِّي
قصيدي أنا ربيتا = خلتني إسهرْ وحدي
خِلِصْ بفانوسا زيتا = نامت ع عَتِمْ المخدِّي
والحروف إلِّي عبيتا = هربتْ من سلّةْ يدّي
ومكاتيبي إلِّي وديتا = راحتْ ... رجعتْ لعندي
كلما أنا وعيتا = ما ع بيوصلني ردِّي
لوراقْ تخبِتْ بفيتا = خايفة من ألفْ جندي
وسيوف إلِّي سنيتا = خانت وصارت ضدي !

[الهام بدوي]

سيدي الفاضل هذا حال المحبين دوما كثير عجبتني والسيوف اللي سنتيا ردت وصارت ضدي فلا داعي لللمرجلة مع اللي حبيتا وخليك كول ورائق تاترد على مكاتيبك ..وتا تنور أيامك ودروبك نغم جميل وشعر رقيق يذكرني بايام فيروز وبشم في ريحة الصنوبر والضيع ومية النبع الصافي دمت بخير وألق أيها المبدع